توجدت وابن آدم ليا ضاق قـال ايـوه=ولا من تذكر ما يعكـر مزاجـه نـاح
على الحظ حراس وباب السعد صكـوه=ودونه قفول يا خـوي مالهـا مفتـاح
جلست احسب ذنوبي واعدد وقمت أتوه=ما بين الخطا والعمد والجـد والمـزاح
لقيت الفتى لا شانـت علاقتـه بابـوه=ولو قال لك مرتاح . يكذب مهو مرتاح
فلا بد يجري في غضون الزمن مكروه=ويخلط زلال الما شوايب وعصف رياح
تبسم مع الضيقة ولا تحرج المشـروه=وجامل مع الكـاذب ولاتسمـع المـداح
تعلم من الدمعة علـى وجنـة المعتـوه=وخذ الدرس لا بل العرق وجنة الفـلاح
وانا لا لفاني من ليـال العنـا مشبـوه=وشفت الهموم تخيل فيني كما الاشبـاح
ادور في الجوال رقمه واقول : الوووه=واذكره بان الموت ماهو برمي سـلاح
واعلمه بان الموت بعده , وكلمة(اووه)=ولا لا , وما أقدر , وبدري وأف وباااح

ادور في الجوال رقمه واقول : الوووه=واذكره بان الموت ماهو برمي سـلاح
واعلمه بان الموت بعده , وكلمة(اووه)=ولا لا , وما أقدر , وبدري وأف وباااح

ادور في الجوال رقمه واقول : الوووه=واذكره بان الموت ماهو برمي سـلاح
واعلمه بان الموت بعده , وكلمة(اووه)=ولا لا , وما أقدر , وبدري وأف وباااح

الله يامحمد اسقاطه وفكره وتشبيه ولا اروع
اعادة قراءة لمعانقة الجمال