![]() |
اللعبة اللي عليها الكلام !!
مساكم الله بالخير ..
استهوتني حكاية الألعاب وجبت لكم لعبة حلوه ( بزارين:D ) .. اللعبة تعتمد على الثقافة العامة وخفيفة ظل .. شوفوا يالربع ... اللعبة عبارة عن اسئلة عامة وانا بطرح سؤال في البداية واللي يحله يطرح السؤال اللي بعده وهكذا ... مجال الأسئلة مفتوح وفي أي مجال .... لكن لا بد من انتظار صاحب السؤال حتى يحكم لمن الاجابة الصحيحة ... ومن ثم يقوم المجيب بطرح سؤاله وهكذا .. راح اطرح سؤال ثقافي متوسط لاهو صعب ولا هو سهل كبداية فقط .. السؤال : من هي الملكة الصلعاء ؟؟ ( لا أحد يجي يقول أميرة موناكو هذي اميرة مهي ملكة !! ) يالله شدوا حيلكم وترى السؤال فيه عناد وتحدي يعني من اللي قدها ؟؟!! تحياتي |
حلو يا بو علي
الغالي ابو علي مساك الله بالخير
اعتقد انها ( الزباء ) ملكة تدمر ان كان الذاكرة باقي فيها شيء ؟ ما علينا اهم شيء اكون اول رد والا الاجابه من عشر سنين وانا رايح فيها 00 تحياتي اخوك ابونوت |
حبيبي ابو نوت ..
اول شي ملكة تدمر اسمها ( زنوبيا ) .:D ثاني شي لا تتميلح وتقول من عشر سنين ;) انت من سنة جدي رايح في عينها :p ثالث شي الاجابة خطأ :cool: تحياتي وياحبي لك ياأول رد :) |
ابو علي والله انها رايقه اللعبه مثلك يارايق
شف الملكه الصلعاء هي كيلوبترا وكانت تلبس باروكه بس تكفى اذا غلط لا تفشلني ترى المعلومات العامه عندي ضاربه وغير كذا انت تعرف ان ثقافتي فرنسي يالله تعال وقل اني صح احسن لك |
السلام عليكم .................
حبيب قلبي والله : أبوعلى ................... الحقيقه انا ماعندك أحد بالثقافه العامه :) لكن هااااااااااااك السنين أذكر أن الملكه الأم تاتشر حقت بريطانيا الله يعطيها القنبله الذريه اللي ماتبقي بهم رطب الحلق إلا اخواننا المسلمين :) هي أذكرها صلعاء إلا إن كانه طلع لها شعر عقبي :D تراني ماادري ,,,, واللي تشوفه يابوعلى أهم شي إني أشارك معك وبس :D مع تحيا11111111111ني .. :):) |
ابو علي تعال ابيك
كان يدرسنا قبل 70 سنه مدرس شامي قبل يسمونها سوريا هاك الحين :p
واذا الواحد جاب كلام داج قاله الجمله هذي ( اذا كنت جاهلا فلا تظهر جهلك للناس ) والزبا اسمها عند العرب وزنوبيا عند الفرنجه وهذي نبذه بسيطه الزباء بنت عمرو بن الظرب بن حسان ابن أذينة بن السميدع السميعة المشهورة في العصر الجاهلي ، صاحبة تدمر وملكة الشام والجزيرة . يسميها الإفرنج زنوبيا، وأمها يونانية من ذرية كليوبطرة ملكة مصر. امّا الصلع يمكن الي قالي الكلام شايفها قبل تعالج :rolleyes: مدري .... قال يتميلح قال تحياتي:mad: اخوك ابونوت |
:D :D :D :D :D :D :D :D :D
يا والله الفضايح من جد !! والله لو ادري كان ساتر عليكم :D ابو خالد اجل كليو بترا كانت صلعاء هههههههههههههههههههههه يانت فرعوني من جد هههههههههههه الا في التاريخ ابو صالح حبيبي تاتشر يابوصالح ما كانت ملكة لا قبلك ولا عقبك طال عمرك :D وعلى فكرة هي الوحيدة في العالم اللي لا يمكن تصلع لأن شعرها ضد الكد وضد السقوط وضد المويه بعد :D ياحبي لكم بس الإجابة خطأ :cool: |
ابو نوت حبيبي
( اذا كنت جاهلا فلا تظهر جهلك للناس ) !! عز الله انك صادق ..... سوري بابا بس برضه الإجابة خطأ :cool: |
اييييييييه
قاعدين تلعبوووووووووون ولا علمتوني شف يابو علي الحل عندي وانا ابو سرلنكي اقصد هندي .... الملكة الصلعاء هي ملكة النحل واذا ما تصدق دور ملكة النحل وشفها .... هاه صكيت عليك صح ولا لا قل قل صح .. يالله عاد دور سؤال ثاني <<<< ضامن انه صح تشاوك يابو علي |
ابو ربيع حبيبي ..
معليش حبيبي الإجابة خطأ :rolleyes: بس على قولة احمد الحامد ( تخوووووووف ) تحياتي :cool: |
اقول مانقص إلا تلعبون تسعابه<<< ايه هين تفهمونها
ياهلا والله باابوعلي وكل عام وانت بخير وبالنسبه للسؤال بصراحه هذا سؤال أكاديمي بحت<<< لاقط ذا الكلمه من مجله وأحب اقولك ان الجواب عندي وانا ابوهندي الملكه هي اليزابيت السادسه طعش وأربعون بطرس غالي المستكاني هاه اكتب السؤال اللي بعده<<<< امزح علوك مس تكه |
لا لا لا لا لا لا لا لن أرضى بهذا المستوى من الثقافة الإقليميه المتوتره بين أقواس الحقيقة التركوازيه ومعالم الفلك الجندبي
الإجابه في غاية الاستقليييييه والامبالاه النااتجه من شرب الدخان وتعاطي اللقيمات التي هي بحد ذاتها قد تكون دافع من دوافغ إظمحلال التبكبك الديموقراطي <==== بوعلي الحين الشعب بيقعدون لهم ربع ساعه يقرون هالخربطه إنزل إنت إلحالك أبيك .....!!! لا يكون الإجابة (( بثينة الخامسة عشر حسب التوقيت المحلي لمدينة الدمام )) (( الستر زين وأنا أخوك ... الستر زين )) |
علوك مس تكه ..
مالك لواء حبيبي .. والله ان اللعبه طلعت ثقافة العسكر زين ;) ............................ عبدالله التميمي بما انك رديت على موضوع الفضيحه ماني راد عليك :mad: .............. وانتوا يالاثنين الإجابة خطأ:cool: |
مساؤكم خير جميعاً ... :)
ممكن أشارك ؟ <~~~ أسخف الأسئلة على الإطلاق ... :confused: الملكة فيكتوريا ... ؟ :) ــــ.. . |
عبير انتي الحلقه الأضعف .... الله معك :p
الإجابة خطأ:cool: |
عرفت .. عرفت ..
الملكة الصلعاء هي " مَـلـَـكـَـة الشـِّعـر " لديك يا محمد :p <~~~~ { ما حقدت ابدا } :D ــــ.. . |
مساء الخير ...
اتوقع عطيتكم وقت كااافي .. انكم تحاولون ... ( بس ماعندك احد !!! ):p لذلك .. واعيدها .. لذلك .. وجب اني اجاوب ولّم السؤال اللي بعده الحل ( أنثى النسر الأمريكي ) .. والله اعلم خالد الشاطر ! |
عبير
اذا ملكة الشعر عندي صلعاء انتي ملكة الشعر عندك مالها راس اصلاً :D <<<< ابدا وربي ما حقدت بس برضه عبير انتي الحلقة الأضعف .... الله معك |
هيه .. هيه .. هيه .. هيه .. هيه
ياله يالاه ياله ياله يالاه ياله :D :D والله انك مثقف غير شكل يابو وليد صح يابوليد صح حبيبي ليتهم يتلعمون بعض الناس ..;) يالله ابو وليد اطرح سؤالك لا هنت ... |
" صح يابوليد صح حبيبي ليتهم يتلعمون بعض الناس .. "
ليتك " تتلعم " الإملاء أول يا محمد :p <~~~~ أنواع الإستقعاد من جد ... :( ألف مبــــــــــــــــــــروووك يا خالد ... كفو والله ... :) ــــ.. . |
إني خابر طال عمرك :D
سؤال سياسي ... ماهي .. البــانـــســـلافــــيــــه ؟؟ برايفت : فيصل بن خالد .. لاتدق علي ماني معلمك الحل ! |
البانسلافيه .. أجود أنواع القهوة ... :cool:
|
ايه هين .. ليه ماتصير اجواد انواع الحلتيته احسن ؟ :p
ليتك تتلعمين بس !! الجواب خطأ :D |
<<<< يدور تصريفه :(
يتلعمون خطأ طباعي وليس إملائي أبله عبير !! والحمدلله الذي جعل لي من الأعداء من يدلني على أخطائي الطباعية !! يتلعمون :D ـــ.. . |
الاملاء يرفع بيوتاً لا عماد لها ... :D
أصـــــــــــــــــــــــــلاً ...
البانسلافيه عباره عن بان كيك + كوفي لاتيه .. واضحة أظن :D لا لا .. من جد الحين ... اصــــــــــــــــــــــلاً .. إدارة الموقع ترفض الحديث في السياسة بكافة أشكاله :cool: :p تلعـموا بس... :p !! ــــ.. . |
يالتميمي
هين خلنا من سؤالك الي اطول من جبهتك ذا الحين امس انا ما قابلتك على الماسينجر وسئلتك وحلفت لي ما تعرف الجواب ما تستحي على وجهك تكذب ياخي اتقي الله في نفسك اتقي الله بس لا وفي رمضان لا حول ولا قوت الا بالله المهم من دق علي تلفون والا ارسل الاجابه حقت سؤالك مسج علشان اسامحك قبل لا اتبرا منك واحرمك من جوفريز |
محمد .. جاوب بدون ماتلفـّـت ولا ابطلعك من القاعه !!!!
عبير ... لو تجيبين كيكه كبر شعبيات !!! برضه الاجابه خطاء :p |
عبير وخري مناااااك يالله لا ينكب الكافيه ...
خالد خذ الحل وتراه عندي من يوم حطيت السؤال بس كنت اتمنى ان بعض الناس يتلعمون :p البانسلافيه هي حركة تحرير الشعوب السلافيه واللي قامت بها روسيا في شرق اوربا .... طبعا بعد قيام الثورة البلشفية في روسيا في عام 1917م هااااه ابو وليد كيف انا معاك يا رفيقي .... صح انت الحين فاتح فمك من هول المعلومات التي أملكها :) برايفت لعبير ( تلعمي جعلك الماحي :) ) |
التمييييييييييييييييمي خالد ؟؟؟؟
هذا .. و هو الشاطر يقول : " خطاء " ...!!! واااا إملااااءااااه ... :( ــــ.. . |
ابو خالد ...
عمرك سمعت بيوم عن حفلة افراق ؟ /// طبعاً .. ولاعمره يمرّ بخيالك !! :cool: طيب ... عمرك سمعت بالالهام ؟ تصدق ؟ .. جاني اليوم عقب ماطلعت من التراويح !! << قويه ها ؟ سخرني الله اجي واحل هالسؤال ... اخاف عندك مانع بس :p بس جاني الهام بعد منهي الملكه اللي فيها عنقز !! :D اعلمك بعدين تحياتي |
يا رعاكم الله :
قل ولا تقل : قل " خطأ " ولا تقل " خطاء " ... قل " حضور " ولا تقل " حظور " ... قل " إن شاء الله " ولا تقل " إنشاء الله " ... قل " تعلموا " ولا تقل " تلعموا " ... :D و إلى درس التنوين أستودعكم الله الذي لا تضيع ودائعه ... :) ــــ.. . |
محمد العمري ...
محمد العمري ... عيني عليك بارده ... صح صح صح صح صح صح ... لا ومن زود المعلومات .. جاب تعريف الثوره البلشيفيه !!! ياسلام تلعمي ياعبير .. يمكن السؤال الجاي عن الثوره البلشيفيه .. ولاتقولين من انواع الجرجير بعد !!!!!! وبعدين بالنسبه لخطاء ... اليوم راحه للهمزه .. حوّلت تبي اتمرّخ .. عندك مانع ؟ :p الناس ( حتى الحروف ) مايخلونها بحالها !!! محمد .. ياثقافه .. سؤالك .. :) تحياتي |
يا خالد ..
أقرب محرك بحث .. يجيب اللي تبي و بالمناسبة والشاهد بعد ... كل ما في الأمر أني أخاف على معلوماتي الغزيرة من الحسد لا أكثر :D بعدين فيه فرق بين التاء المربوطة و بين هاء الغيبة .. { عد واغلط } :p خلاص خلاص طيب بروح بيتنا :( :) ــــ.. . |
انا اصلاً أدري اني فلته من زمااااااان :)
لا وحلووووو بعد ( فيه دب ينقهر من هالسالفة :p ) على العموم خذوا عندكم هالسؤال بما انا تطرقنا للثورة البلشفيه : من هو مؤسس الفكر الأشتراكي ؟ ( سؤال سهل جداً عشان بعض الناس يتلعمون ) |
ابو علي
يادي العسكريه اللي حتخلي فضيحتي في جلاجل<<< اللي حول المجمعه |
...
|
علوك مس تكه
العسكريه مرجله وانا اخوك لا تستحي .... شد حزامك :D بس العسكر معروفين ان ثقافتهم من جنبها بمحرك بحث والا بمحرك ديزل :D مااااااااش تحياتي وخلك مستعد لين ارجع لك:p |
عطر الخزامى ...
(( ان كان ماني غلطانه .. مؤسس الحزب الاشتراكي ( جان جوريس ) .. اللي مات في بداية الحرب العالميه الاولى .. !! )) !!!!! الحين السؤال عن ( الفكر الإشتراكي ) وش دخل ( الحزب الأشتراكي ) انتي لو تقرين الأسئله زين كان فلحتي !! على العموم كل النسوان كذا يموتون وهم ما ( تلعموا ) :p اجل انا والتميمي نغشش بعض !! يا بخت المظلوم بالجنه :) |
...
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههه
رهيبه يا عبير وان شاء الله يستفيدون بعض الناس ههههههههههههههههههه كفوا والله وابشركم ترى عبير من حزبي حزب الطبقه الكادحه ضد العمري ومن معه ابو جبهه وشله ابو ريالين ونظارات تقليد ههههههههههههههه |
الوقت المعتمد في المنتدى بتوقيت جرينتش +4.
الوقت الان » 01:39. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع