|
.:. غـير تلـك السـماء .:.
. . يا مرحبا باهل المشاعر والاحساس اللي لهـم جـزل التماثيـل مـنوة هذا قصـيدي بين اياديكـم المـاس ولاسـماعكم همـسٍ ومـرات غنوة . . |
رد : .:. غـير تلـك السـماء .:.
. . والله لو ان شكواي تشرى بالاموال لاخلّي علـوم المجـالس رصيدي ولو كل ضيقه بعـتها بسّ بريـال بنيـت بـرجٍ ما بنـاه الولـيدي . . |
رد : .:. غـير تلـك السـماء .:.
ميتٍ ماله قبر عايشٍ ماله عمر لغز له حلٍ وحيد فاسفل الصفحة بعيد ميتٍ والله قهر |
رد : .:. غـير تلـك السـماء .:.
حبّي لك اقرب مـن كمايمْـك ليديـك واعظم من عْلاقـة خفوقـك بطيبـك واجلّ واغلى من ملاييـن فـي شيـك وازكى من زْهورٍ غـدت تعتنـي بـك من عقب منت تْجي لَها.. صارت تْجيـك صرت الزهور وصـار زهـرك طبيبـك |
رد : .:. غـير تلـك السـماء .:.
والله وخانه ذكائه والسؤال الشيـن خمّـه مادرى انّه في سؤاله سبّني واسرف بِذمّي والله ولنّك حياتي قد زعل وانحاش.. يُمّـه والله ولا هو يساوي ظفر في سبّابة امّـي |
رد : .:. غـير تلـك السـماء .:.
ما عاد لي راحة ولا عـاد بـي روح الروح راحت عقب مـا راح نصفـي حبيبي اللي منْه انا صـرت مذبـوح حـزّة تسلّح بالجفـا وقـت قصـفـي |
رد : .:. غـير تلـك السـماء .:.
أكفـى وانـا اقـول بدقـايـق تحَـلّـي:
بالصبر والإيمـان لـو كنـت جـزّاع الهجـر بعـض احيـان ليتـه تغلـّي ماهـوب روحـة دون ردّه ومرجـاع |
رد : .:. غـير تلـك السـماء .:.
أحسّ وكنّ حسّي ما هـو لحالـه
احاسيس البشر تستوطن ادراجي حبيبي يا بعد من كـان زرفالـه صلاي اكبر سبب في فلّة حجاجي احسّ اني معك دايم وانـا دالـه ولا لي في بحور الحزن أمـواجِ واحسّ الراس زانت طبخة دلالـه ومن سيف الصداع وشفرته ناجي واحسّ الشوف عوّد صوبه عياله يا نور عيوني الثنتين ياسراجـي واحسّ الدمّ يـااا ماحْـلا تنقّالـه ماهو مثل اولٍ واقف في الاوداجِ واحسّ السمع طيّب والشفا فالـه بعد ما كنت اقول ان ماله عـلاجِ واحسّ الذوق يانّك عمّه اوخالـه يا ملح الزاد والاعياد يـا ماجـي واحسّ القلب لامن صرت بقبالـه يقول اهلين يا شريانـي التاجـي واحسّ الجسْم من عاليـه لنعالـه يقول الحين انا في برجي العاجي وترى ذا بعض حسّي ماهو جلاله قصيدة فيـك تأليفـي مع إخراجـي |
رد : .:. غـير تلـك السـماء .:.
آه ياغْلى من ورا الضلعين ساكن
سامحينـي آه والدنيـا بـخـوتِ ما قدرت ااانام والعالـم سواكـن ما قدرت انّي ماحبّك قبـل موتـي |
رد : .:. غـير تلـك السـماء .:.
يا سهيري هاك هذي الصـورة
صورتي من بعد فرقا احبابـي واعطها للي قـضـى مـن دوره واقفل ستـار الغـلا والبـابِ خلّه يشوف الفـراق وجـوره كيف يا نجم السما سـوّا بـي وان سألْك لمين هذي الصوره قـل لمسلـم فجّـره إرهابـي وان حصـل شفته طلع من طوره قل لصـادق حـبّ لـه كـذابِ |
رد : .:. غـير تلـك السـماء .:.
يا قلب تكفى طيعنـي واسمـع الشــور
انساه وانـس تْقـول مـا عنْـه توبـة وياليل تكفـى ساهـرك حيـل مكسـور لا لا تزيـد الكسـر عـوق وصعوبـة |
رد : .:. غـير تلـك السـماء .:.
عدد ما في الحرم طاف وسعى حجـاج
كثر ما طاف في مسعى الفـلا رملـة كثر ما هلّ من غيم العيون ( افـراج) على شفة صبورٍ في السجن كـم لـه كثر ما قال صدر العفّ (انـا محتـاج) كثر مابْطـن محيّـا الحاتمـي حملـه أحبك.. إيـه احبـك والمحبـة تـاج على راس الخفوق اللـي تسلَّـم لـه وحبك صار لـيّ الـدرس والمنهـاج احفْظـه واكتبـه جملـة ورا جملـة وله في القلـب حملـة روّجتْـه وراج وهـو والله رايـج دون هالحمـلـة ولا بالغت لو قلـت اسمـك الوهّـاج وطن تخسى وتعقـب دونـه العملـة والا ماحلى الهدو لا قلتهـا بازعـاج احبك يا (فلان) وكاسـك اخـرم لـه |
رد : .:. غـير تلـك السـماء .:.
بارحل رحيل الحبر عن بيض الاوراق
والا رحيـلٍ عـن سـواد النـوايـا مدري ولكـن راحـل وعـلّ الاذواق تلقى مـن الوحشـة مدنهـا عرايـا يمّ الحبيب اللي من سنين مـا بـاق: غيـر الفـؤاد ونبضتـه والخبـايـا فامّا لقيتـه وامتـلا حضنـي عنـاق واستبشرت عيني بشـوف الحلايـا والا عدد ما ناض من فـوق بـرّاق البيـت بيتـك وارحبـي يالمنـايـا |
رد : .:. غـير تلـك السـماء .:.
رسالة
هيه ياللي تبغض الشخص وتحبّـه في ركيك القاف والا فـي فريـده من متى كان الشعر مدح ومسبّـه كيف صار الشعر ربّ وحن عبيده؟ لين تبغض فيه من حرفه رسب به ولا تحبّ الا من حروفـه مجيـدة خاف ربٍ فوق..وِمْن الحـقّ عبّـه: كفّك.. وطشّ الغوى واقفل رصيده كمّ واحد في الشتـا شعـره نشبّـه بسّ عمره ما مشى في الدرب سيده فان كتب شعرٍ جميل انصـبّ حُبّـه في خفوقك من وريده لـي وريـده وارتفع سعر القلاص اللي شرب به ودايمٍ تقـرا قصيـده ثـم تعيـده كنّه الا الـدرّ جابـه مـن مغبّـه ولا دعيت الاّ عسى ايامـه مديـدة وكمّ واحـد ودّك ان شعـره تكبّـه بسّ ما يعرف خـراب ولا مكيـدة فان كتب شعرٍ ركيكٍ ترتكـب بـه من ذنوب البغض ما يكسر حديـده وانخفض سهم اليراع اللي كتب به وانبنى في داخلـك للبغـض ميـدة كنّـه الا جـاب ذنـبٍ مـا يشَبّـه غير بذنـوب المغيـرة أو وليـده وصار الدّ اعداك ولسانـك يسبّـه ولا تعدّه غير نقـصٍ مـن يزيـده تحسب اتقان الشعر للديـن طبّـه كالصلاة وكلّ فرضٍ فـي العقيـدة وما ترى الإخلال فيـه الاّ تشبُّـه بالعباد اللي عـن الطاعـة بعيـدة لا وربي ما حـزرت وفيـك حَبّـه واكثر اكثر.. من شعـاراتٍ بليـدة ما وعيت وبينـك وبيـن التنبُّـه مثل ما بين احتمال وبيـن اكيـدة فاذكـر الله ربّـك وفـوق وتنبَّـه قبل ما تندم علـى لحظـة سعيـدة واحذر احذر وارخ اذانـك للمنبِّـه واسمع اسمع منّي حروفٍ مفيـدة المحبّة في الشعـر ماهـي محبّـة المحبـة فـي المُوفّـق للسديـدة ربّنا اللي فيـه يـا كثـر الأحبّـة كم بغضنا فيـه نمـرود و مريـده وهاك زبدة ماكتبـت وهـاك لُبّـه لوّك افضل شاعرٍ يكتـب قصيـدة يمكن انّه منّك اغلـى عنـد ربّـه: من شنيتـه لَـنّ قيفانـه زهيـدة |
رد : .:. غـير تلـك السـماء .:.
من عام كنت اللي له الجرح مشتاق
واليوم بُعـدك شفّـه وصـار طبّـه أوّل شربته كاسـك وكـان ينطـاق واليوم كاسك حامـض الطعـم.. كُبّـه |
رد : .:. غـير تلـك السـماء .:.
(لـوّ المراجـل بالشمـاغ وعقالـه)
ما كان والله بعت فـي يـوم رجّـال ولو هي صفة تنقال لاهـل النذالـة فانا اشهد ان كلّ المطاليـق أنـذال ولو هي بعَد تحسب على الطيب عالة عز الله ان الطيب ماشريـه بريـال ولو هي بعَد للسوّ من طيـب فالـه يا والله ان السوّ في القلـب نـزّال بسّ الحقيقة غيـر والعلـم جا..لـه بين الحنايا صوت وازعـاج مـوّال المرجلـة مجـدٍ صعيـبٍ منـالـه ما حاشـه الاّ مـن تحلّـى ولا زال: بالطيب والنخـوة وصـدق المقالـة ومسابقٍ في نيـل ذربـات وجـزال يعنـي علـومٍ غانمـات وشكـالـه ترقى بك العليا وتصعد بـك جبـال فعـلٍ يخّلـد سيـرتـك بالجمـالـة ينحت لك بروس الشواهيق تمثـال يتفاخـر ابنـك فيـه حتـى عيالـه تتناقلـه أجيـال واجيـال واجيـال يبقى لك ولو صاحبه ما بقى.. لـه حال الزمن نفنى وتبقى لنـا افعـال ولا هيب شوم احوال.. واحوال نالة المرجلة نالات فـي كـل الاحـوال ولا هي بشرق الكـون والا شمالـه في كل وجهـة حلّهـا دون ترحـال في كـلّ حـزه ضوّهـا واشتعالـه ماهـو بعـام الفيـل والا بـشـوّال وهذي حروفـي واعتبرهـا رسالـة ياللي تشوف الرُجلة شماغ وعقـال |
رد : .:. غـير تلـك السـماء .:.
في منتظر الزيدي الذي رمى بوش بالحذاء اكرمكم الله
يالله تعز اللـي يهيـن الهافـي لا شلّـت يمينـه ولا مـيـراده فعله سمين وعلـم يـدّه وافـي وااانا اشهـد ان ماجابتـه ولاّدة ماخاف.. وش باقي عليه يخافِ؟ ولا اللي أمامه واحد مْن اسياده أرسل له رسالة حبِرها (كافـي) كافي فتن كافـي قتـل وابـادة في ظهر شلّوتٍ ونـوره طافـي سواقه الزيـدي ولونـه سـادة أسود مظلّل فـلّ مـا ينشـافِ نقلٍ ثقيـل وسرعتـه بزيـادة له منّي التقديـر مـعْ ميقافـي معـاه ليـن الله يفـكّ قيـاده بياض وجهه بايـنٍ فـي قافـي وبريق فعله في الصدور قـلادة ولا هو بحافي لو بيمشي حافـي الحافي اللـي داس هـمّ بـلاده والمدح في مثله ماهو باحجـافِ مهما مدحه المـادح وكـم زاده يستاهل المـدح الابـيّ الوافـي لاشلّـت يمينـه ولا مـيـراده |
رد : .:. غـير تلـك السـماء .:.
في مخاطبة المبهم وبمعنى اصح الغير ملموس :)
كنتي كريمـة طيلـة اربـع سنيـنِ معْ ضيفك وكنتي زعيـم الغطاريـف كنتـي معـي كـل الكـرم والحنيـنِ اناشهد انك خير من يكـرم الضيـف لولاك ما كنـت اوزن البيـت زيـنِ لولاك كان ابيات شعـري تخاريـف لولاك ما حـب الشعـر زا د فينـي لولاك حرفي وسْط الادراج ما شيـف والله مانْسى و قفتـك مـعْ ضنينـي إليـن لـه صـار العناقيـد تعريـف ممنون لك والشكـر حتـى الجبيـنِ وانا دري انّ الشكْر معْ مثلك ضْعيف نفسـي أقـدّم شـيّ لـو زاد دينـي دامه لك مقدّم فدا.. بسّ يـا حيـف يامـا تمنيتـك علـى نفـس دينـي بنتٍ لو ان الزين مالـه بهـا ريـف وتقبـل تحـطّ يدينهـا فـي يدينـي واعقد عليها واجلب لهـا النفانيـف والله لاخلـي دارهـا رمـش عينـي وخطوات رجلي في رضاها مزاهيـف وتشلّ عنهـا حمـل يدهـا يمينـي ولكفّ يسراي ان طغى الحمل تشريف يامـا تمنيتـك يتـيـم او سجـيـنِ إما تبنّيتك أو اشهـرت لـك سيـف يامـا ويامـا مـن طوابـع تجينـي وان جيت ابالصق ما لقيت المظاريف منْـك العـذر والمغفـرة سامحينـي (ما كل ما نبغى يجينا على الكيـف) نفسـي أقـدّم لـك كثيـر فْكنينـي يا(هيه) عرفان بفضل.. بسّ يا حيف |
رد : .:. غـير تلـك السـماء .:.
في ام المؤمنين السيدة عائشة رضي الله عنها وارضاها
نامي قريرة عيـن يمّـه وامّ كـلّ المؤمنيـن يا عايشه يااطهر بنات آدم ويااعظمهن صفات الله عطاك مْن الشرف عدٍّ قـراحٍ مـا يطيـن عدٍّ على وضـح النقـا لليـوم ذا والمقبـلات تارد عليه المؤمنات اللي لهن الاسـلام ديـن وتخسى يديـن العابثيـن تغثربَـه والعابثـات دونه سيوف تْسَلّ وِِرْماحٍ تشـلّ وقلـع عيـن وعواصفٍ تكسر جذوع الشرّ وتبيـد الميـات والله وهبك مْن العظايم حضن خير المرسليـن الله ماعظمها هبه تسـوى ملاييـن الهبـات زوجة رسول الله.. وام المؤمنين بكلّ حيـن: على اختلاف الشكل والاجناس وبكـل اللغـات مآثرك يا كثرهـا.. وايجازهـا يبغـى سنيـن وان جيت افصّلها فلا ظنيت تسعفنـي الحيـاة ياكمّ احاديثٍ رويتي عـن رسـول العالميـن ربعٍ نصيبك.. والثلاث ارباع ما بين الـروات والوحي ينزل دوم في حجرك على البرّ الامين ولا قد نزل في (يوم زوجه) غيرك مْن الامّهات وفي بيتك اصبح خير خلق الله واعظمهم دفين من بعْد ما في حجرك توفِّي عليه افضل صلاة |
رد : .:. غـير تلـك السـماء .:.
لا لا تقولين يا عـمري على مهلك
مدام وقتك قصـير وجيّتك سـرقة عنـدي كـلامٍ كثير ابغى أقوله لك والوقت كالسيف واللحظات محترقة |
رد : .:. غـير تلـك السـماء .:.
الله يحسـن يالعـروبـة عـزاكي والله يعيضـك خـير فيمن فقـدتي راح الرجال اللي سعوا في رضاكي وبفعـلهم للمجـد يامـا صعـدتي |
رد : .:. غـير تلـك السـماء .:.
قالوا دموع العين ماهي رجـوله
يعني دموع الرجل من قدر اقلال لكنّ انا اقـوله واقـوله واقـوله من لا بكى سـلطان ماهو برجال والله لاهل الدمع عرضه وطـوله إلين مـا يبقى من الدمـع مثقال |
رد : .:. غـير تلـك السـماء .:.
رحت يم الشمال ورحت يم الجنوب
ولا لقيت العنود اللي لها القلب مال راح عمري مشاوير ورمال وهبوب من شمال لجنوب ومن جنوب لشمال |
رد : .:. غـير تلـك السـماء .:.
كلّ حبٍ مـا بغيته غـير حبك
وكلّ ذنبٍ غير شوفي لك حراما وكلّ عـرقٍ فيّ بالثاني يصبك يالدم اللي في عروقي لك زحاما إيه احـبك ثم احـبك ثم احبك لو لحقني فـيك يالغـالي ملاما |
رد : .:. غـير تلـك السـماء .:.
يا هوه يـا سلوة محاديب مضميك
لا غـثرب الما..والهماج يْعدي بك دايم ولك وقـفه مع قلـب مغـليك والشوق كاسـه بالغـلا ممتلي بك ذكراك ماجفّت ولاجـفّ طـاريك اضـماك واشرب سيرتك من قليبك شـايم عـن اجوا كل ذولا وذوليك عـن نسـمة الباقين رايـم لهيبـك |
رد : .:. غـير تلـك السـماء .:.
يا هيه لا تنغرّ.. واقعد هنيه
وانا جلوسي فوق رجمٍ رقيته انته خذيت اوّل حسَب الابجدية والا أنا حسْب اجتهادي خذيته |
رد : .:. غـير تلـك السـماء .:.
بلاك انك جحدت انها لي اصلا في مقام الأم
ولا حد يْلام في حبّ امّه ونفسه يعانقها وهذي لحيتي واسأل سؤال الباحث المهتم واذا احْدٍ قال ماهي لي مقام الأمّ فاحلقها |
رد : .:. غـير تلـك السـماء .:.
الدمعة اللي سالت بيوم العزا سالت على رجلٍ يروم الطايلة قرم من كبار القروم ومعنزا ناصيه حزّة جاه عدّل مايله يعني لو انّ الميت به مايعتزا ماطاحت الدمعة ولا هي سايلة |
رد : .:. غـير تلـك السـماء .:.
واحدٍ ما يعــرف ايـده مــن رجـــوله كيف تبغى يعــرف الغلطــه من الصـح صــاحبي خــله يقــول اللي يقــوله دام ذا حــاله فلا تشــتم وتمـــــدح |
رد : .:. غـير تلـك السـماء .:.
ليـه تعجـز يالغضـي خلـك توّ اعرْف انك خـليّ احسـاس كيـف تبغـى اوصّـفك كلـك وانت (بعضك) غير (كل) الناس |
رد : .:. غـير تلـك السـماء .:.
أن نحفظ الجميل فهذا جميل
وأن نردّ الجميل فهذا أجمل وأن نسدي الجميل فهذا أكثر جمالاً أما اذا كان الجميل (حبيب) فلا مجال مفتوح للردّ والإسداء المجال مفتوح فقط ((للحفظ)) |
رد : .:. غـير تلـك السـماء .:.
ارتفعنا سكـوتٍ وانخفضـنا كــلام
لين صار التلاقي بين جـوعٍ وقـوت آه ماحلا السعه من عقب ضيق وزحام والسوالف تهادى بين صـمتٍ وصوت |
رد : .:. غـير تلـك السـماء .:.
إقتباس:
,, ابدعت بالقليل ...فلا تحرمنا الاسهاب |
رد : .:. غـير تلـك السـماء .:.
هلا بك اختي شيخة المرضي
وممتن لجميل حضورك وسعيد بتواجدك تقديري لك |
رد : .:. غـير تلـك السـماء .:.
قلة الجيّد أهون من عدمه
وقلة الردئ أهون من كثرته |
رد : .:. غـير تلـك السـماء .:.
لوّ البكـا بيـردّ ميّت.. تـوفّـيت
عشان اشـوف شـلون خلّي عـليه ان كان وسط القبر ما طوّل المـيت معناه دمعــه رجّــع الروح فيه وان كان وسط القبر طوّلت وابطيت معـناه ما صــدّق يفـارق خويه |
رد : .:. غـير تلـك السـماء .:.
البعض رُبـع الكـلّ.. أو يمكـن اوطـا
واللـه يجـنّـبـنـا دروب الغـوايـة فان كان (بعض) احوال جت منّي اخطا عسـى الثـلاث اربـاع تدمـح خطايه |
رد : .:. غـير تلـك السـماء .:.
ليس كل شاعر كبير معروف
وليس كل شاعر معروف كبير |
رد : .:. غـير تلـك السـماء .:.
لو كنت انا وياك غارق وغارق
فانا ضعيف الشوف لكنّك اعمى غرقان بعضي في بحورٍ تصافق والا انت كلك غارقٍ في شبر ما |
رد : .:. غـير تلـك السـماء .:.
المترف اللي دايم الدوم غايب
قولوا له اني بعده انعى شبابي إي والله اني بعد فرقاه شايب أنقل عصاتي وامضغ الما.. بنابي |
| الوقت المعتمد في المنتدى بتوقيت جرينتش +4.
الوقت الان » 17:44. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع