|
يا عاشق القلطة خذ الطاروق ....
. . . السلام عليكم ورحمة الله وبركاته .. . أعضاء وزوار هذا الصرح . أتشرف بالتواصل معكم من خلال هذا القسم .. . وأتشرف بمحاورة أي شاعر وعسانا نقدم اللي يجملنا بينكم .. . وبسم الله . .
= من شاعر(ن) يِطرب لـطاروقه .= وكل(ن) يورِدها على ذوقه |
رد : يا عاشق القلطة خذ الطاروق ....
<<<<<<<< بيتلقف ويرد واسر يالليل :) مرحبا ياظافر واسمح لي اخاويك استلم :
يامرحبا ياحي ذاك الموق=والطيب له شرّايه وسوقه دامك تبيها من ورى المعلوق=ابشر بها حدّه ومفتوقه :) |
رد : يا عاشق القلطة خذ الطاروق ....
... .. أرحب ياسعيد مرحبا ومسهلا .. نعم الخوي .. وأتشرف يعلم الله بمحاورتك .. صح لسانك .. وافي ومدري وش رايك نبقى على التركيب الي بنيت عليه .. بالصدر والعجز .. ولا لا وتحت امرك ... واستلم :)
=حي العبيدي وحي منطوقه .=والصيف يمكن تصدق بروقه |
رد : يا عاشق القلطة خذ الطاروق ....
البقااااااااااا ياظافر لاهنت طال عمرك يشرفني اللعب معك استلم:
لاهنت ياظافر وخلك فوق=وتجيك وحده غير مسبوقه الشعر يدفعني عليه الشوق=وكروتكم ذاليوم محروقه :) |
رد : يا عاشق القلطة خذ الطاروق ....
... أرحب ياسعيد ... والشرف لي :) استلم طال عمرك .. .
= يرجع بوسمي... سبة عقوقه =مابه رقاب اليوم معتوقه |
رد : يا عاشق القلطة خذ الطاروق ....
استلم :
بازيدها دقه على المدقوق=ياقربة ٍ حمرا ومشقوقه الحلق يفزع من وراه حلوق=وبعض الحلوق اتبات مشنوقه :) |
رد : يا عاشق القلطة خذ الطاروق ....
...اسلم واستلم .. :)
=وشلون لاجت منك مسلوقه =مدام مطروده فـ ملحوقه . |
رد : يا عاشق القلطة خذ الطاروق ....
استلم:
اللي رزقه الله فهو مرزوق=واشوف بعض الناس مرزوقه وانفخ على ماقيل وسط البوق=ياغلّة ٍ بالعون مسروقه :) |
رد : يا عاشق القلطة خذ الطاروق ....
اررررررررررررررررررحبوا ياشعار:) طارووق ولا احلى وشعار كبار وانا مايبيلها شور انا في صف ظافر من هلحين عندك اياه ياظافر ترى العبيدي ذا مصيبه مايعرفه الاّ انا عشان انه شاعر قلطه وخطير كاشخ علينا لكن عطه القاز ماعليك منهtsh1 سعيد :o اركد خل الدقدقه يامال السلال:D |
رد : يا عاشق القلطة خذ الطاروق ....
ارررررررررررررررررررررررررحب يا ابو بدر دقك اللي ما يحنك هههههههههههههههههههه صفوفنا وحده :) ولا بعد تقسمنا |
رد : يا عاشق القلطة خذ الطاروق ....
ابو بدر تعال ايش قوم وجهك حمر؟ :) ههههههههههههههههههههههههه لبا قلبه ياعرب |
رد : يا عاشق القلطة خذ الطاروق ....
أرحب يابو بدر مرحبا ومسهلا ... أزهل سعيد :)
=ومخمس المطفوق .. مطفوقـه =ماتدري ان قربتك مخروقـه . |
رد : يا عاشق القلطة خذ الطاروق ....
ههههههههههههههههههههههههههههههههه انا اللي وجهي حمر من زين وجهك ياكازانوفا :D عطه القاز ياظافر |
رد : يا عاشق القلطة خذ الطاروق ....
:) اااااااااااااااااالله يخارجنا ههههههههه استلم:
بعض العزاوي حبها مسحوق=من كف راعي الطيب مطبوقه ياجعل من غشك يجيه العوق=لو يزهم التالين باحوقه :) |
رد : يا عاشق القلطة خذ الطاروق ....
ماتدري ان قربتك مخروقـه ماتدري ان قربتك مخروقـه ماتدري ان قربتك مخروقـه الليل الليل :) |
رد : يا عاشق القلطة خذ الطاروق ....
... . :) . استلم ياسعيد
=والخبت له ممشاه وطروقه .=اخاف لا تمحقك مخلوقه . |
رد : يا عاشق القلطة خذ الطاروق ....
ايييييييييييه شب عليه ياعصابة راسي اخاف لا تمحقك مخلوقه اخاف لا تمحقك مخلوقه اخاف لا تمحقك مخلوقه اخاف لا تمحقك مخلوقه اعجل علينا ياسعيد ورانا مدارس ودوامات الله يحييكtsh1 قل من زين الصف ماغيرانت هههههههههههههههههههههههه |
رد : يا عاشق القلطة خذ الطاروق ....
استلم:
يالكاتب اللي ضاع منك حقوق=دور لها في الدار مريوقه لله درك الشاعر المرموق=والروس جات اليوم محلوقه :) |
رد : يا عاشق القلطة خذ الطاروق ....
اقول اركد الله يرجك انت والرووس الي تعرف:o يجيك ابو عبدالرحمن هلحين :D شب عليه يابو عبدالرحمن اعنه |
رد : يا عاشق القلطة خذ الطاروق ....
... .أسلم واستلم :) .
= مليت وانا ادراه واسوقه =بو الهول .. تحت ظلال فاروقه . . |
رد : يا عاشق القلطة خذ الطاروق ....
استلم:
يابيه يا اسطه حاسب الطابوق=عمارة الشركه بها بوقه الزنكلوني بالهرم مرفوق=وعادل امام يدوّر لشوقه :) |
رد : يا عاشق القلطة خذ الطاروق ....
ههههههههههههههههههههههههههههههههههههههههههههه صحت السنتكم وابدانكم امتعتونا وانا بأختمها وامون عليكم وتحمدوا الله ترى مامسك الصفوف الا انا من اول الليل :D كل واحد على فصله يالله:D |
رد : يا عاشق القلطة خذ الطاروق ....
تمووووووووون على الرقبه يا ابو بدر لاهنت صح لسااااااااااااااااااااااانك ياظافر وبيض الله وجهك <<<<<<< يتفلت (فكوني) :) العذر على القصور |
رد : يا عاشق القلطة خذ الطاروق ....
. تقول وتطول يابو بدر .. وصفٍ أنت به عن صفوف . سعيد ووجهك أبيض تشرفت بمحاورتك .. ان حصل قصور فسامحونا ... . .نلتقي ان شاء الله على خير وفي خير . |
| الوقت المعتمد في المنتدى بتوقيت جرينتش +4.
الوقت الان » 05:21. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع