شعبيات - الــــبــــراد .. وأجمل التعابير

شعبيات (http://www.sh3byat.com/vb//index.php)

- الديوانية (http://www.sh3byat.com/vb//forumdisplay.php?f=21)

- - الــــبــــراد .. وأجمل التعابير (http://www.sh3byat.com/vb//showthread.php?t=9823)

عبدالرحمن الربيّع

13-02-2005 00:36

الــــبــــراد .. وأجمل التعابير

احبتي اعضاء الاستراحه ..
تعالوا لنستمتع بالايام المتبقه من فصل الشتاء ..
ونطلق لذاكرتنا العنان لنتذكر اجمل ما قيل في البرد والمشاركه مطلوبه ..

http://www.alriyadh.com/Contents/20-...images/SH2.jpg

سأبدأ انا ...

بردان أنا تكفى
ابحترق بدفى
بعيونك التحنان
بعيونك المنفى

والله الجفا برد
وقل الوفا برد
والموعد المهجور
ما ينبت الورد

للرائع مهندس الكلمه الامير بدر بن عبدالمحسن

ولكم اطيب التحايا ..

تميميــّـه

13-02-2005 07:27

البـــــرد

http://www.alriyadh.com/Contents/20-...images/SH2.jpg

يوم شفت الصوره أقول وش دخلها بالبرد؟ :confused: <-- تحسب الترمومتر زقاير :white:

........

http://www.tecnet.or.jp/~haiku/images/gd252.jpg

عقب هالصوره اشتهيت كأس شوكلط حار يدفي .. tsh3 :white:

.
.
.

عبد الرحمن .. يشرفني أن أكون أول من ارتعش بردا ً في موضوعك .. :white:

.
.
.

اول ماقريت موضوعك تذكرت خيمتنا ونارها .. وتذكرت بيت الحقيقه أجهل هوية كاتبه ..

أشب النار وأذكر وليفي \ \ وبحجة الدخـان ابكي علي كيفي
.
.
.

انا قتيل البرد ياوادي الطلح ... كان المزون اضناك صاخب رعدها

للمبدع نايف صقر

http://home.earthlink.net/~imfalse/p...blusnoscen.jpg

آآهـ علي البرد جعله مايروح .. :( .. !
ناقص البرد يخربها .. ويهطل علينا ثلج وتكمل الفله tsh3 :white: ..

اي ويل باك ..

عبدالرحمن الربيّع

14-02-2005 00:15

رد : الــــبــــراد .. وأجمل التعابير

الاخت التميميه

مساء الخير اختي وحياك الله في متصفح البراد .. :)

مشاركه جدا رائعه يامال العافيه ...

الف شكر ولك اطيب التحايا .

عبدالرحمن الربيّع

14-02-2005 00:46

رد : الــــبــــراد .. وأجمل التعابير

http://www.55a.net/images/9/thunder.jpg

يشبه احساس الشتا برد وبروق
......................... والمطر والرعد مزنٍ معتلي

ويشبه من الجمر سوي بي حروق
........................ لك دفاه وباقي الاضرار لي

الشاعره / سجايا الحرمان

http://www.cee.edu.jo/SciGarden/King.../slide0039.htm

خالد العنقري

14-02-2005 01:03

رد : الــــبــــراد .. وأجمل التعابير

ابو عيون موضوع رايق بس منيب فاضي لك والله

على فكرة لقيت شغالتك وسواقك ؟ :55:

عبدالرحمن الربيّع

14-02-2005 23:23

رد : الــــبــــراد .. وأجمل التعابير

خالد العنقري

هلا بك يابو عبدالعزيز ..

الله يروق ايامك يابعدي .. :)

بصراحه مهوب انت اللي منتب فاضي وبس هناك الكثييييييير :(

بالنسبة للشغالة والسواق لقيناهم الله لا يبارك فيهم ومن زين الطبايع طالبين نقل كفاله tsh8

في انتظار مشاركتك الين فضيت . :o

أحمد الديهان

15-02-2005 02:04

رد : الــــبــــراد .. وأجمل التعابير

.

موضوع رايق يا لذيذ يا رايق :)

تعب قلبي tsh3 من اغيابـك ونـار :o البعـد تكوينـي
............ واحاسيسي تبي تدفـى تصيـح تقـول برداااااااااانـه :eek:

"احمد بن ديهان "

الله يعطيك العافيه يا بو رياض ....

.

صــدفه

15-02-2005 08:49

رد : الــــبــــراد .. وأجمل التعابير

البرد : موت العاطفه والاحاسيس

البرد: موتك في قلوب الاحبه

البرد مجرم في جميع المقاييس

البرد كافر00منهو اللي يحبه ؟؟

8
8
كيبورديه

<<< لابسه فروه وهي تكتب الرد :)

خالد الشايع

16-02-2005 01:00

رد : الــــبــــراد .. وأجمل التعابير

اجمل التعابير كانت على وجه عبدالله مران يوم ياخذ محمد العمري الفروه حقته وانا خذيت الطربوش وخالد التميمي ما أخذ شي :)

<<---كح كح

عبدالله البكر

16-02-2005 01:39

.

دورت ياخالي لمن عجزت ..
بس ماش مامن ذاكرة زي الأوادم :(

مالقيت الا لي بعيد عنك ..

الليل وأيام الشتاء والبرد .. والدرب الطويل
...................... والذكريات اللي ترجعني لذيك السالفة

.

تميميــّـه

16-02-2005 01:43

وهل وجد ماهو أجمل من البراد .. !

http://www.coolquiz.com/trivia/canada/images/snow2.gif

وهل هناك أجمل من البرد والنفضه والتلحف بالفروه :D

.........

http://img.photobucket.com/albums/v6...myah/fire1.jpg

يا زين شب النار والكيف راعيــه
جاب الدلال وجاب هيله وبنـــــه
بخوة رجـال كل رجال وهقاويه

......

http://www.home-ice-makers.com/icepics/icebs.jpg

ليه عمري مالقي لبرده دفا الا دفاك \\ ليه أنا عيني تشوف وماتشوف الا بهاك

للمبدع شاعر الفقراء tsh3
عبدالرحمن بن مساعد

عبدالرحمن
كل الشكر والتحيه لك

عبدالله مران

16-02-2005 12:55

رد : الــــبــــراد .. وأجمل التعابير

أبو رياض

البرد بعدك ونسيانك وهجرانك
..... والنار قربك وأنا بالنار متهني

كيبوردية

تسلم وعساك على القوة ...

ابو شايع ..

وأنت الصادق محمد العمري أخذ الفروه وأنت أهذت الطربوش وخالد التميمي أخذ الجاكيت ,, tsh4

وظليت أنا أصمّع بوجهي عند النار .. وأبو علي متكايف بالفروه ,, ويالله يا قلب لا تحزن :eek:

.........

خالد التميمي

16-02-2005 15:31

رد : الــــبــــراد .. وأجمل التعابير

.

ابو رياض ..

كيف حالك ؟

عندي أبيات .. لنواف الدبيخي ..

مابقى الا البرد .. يلمس فيك شعره
........... والله اني لا أحرقه من نار شوقي

شق صدري .. وانت تلقى القلب جمره
........... خذ دفاها وإترك البرد .. لعروقي

خالد الشايع ..

وين يابو وليد ..

محمد العمري يقول لي.. خذ الفروه ياخالد .. وهو متربط فيها tsh4

والمشكلة إنه يشوفني أحط ايديني على ابريق الشاهي علشان أدفى .. ويقول صبّ !! :white:

لكن ابو مران .. عطاني جاكيته يوم شافني أنتفض .. tsh3

مدري عاد .. هو خوف علي ..

والا خاف يجيني شي .. ومايوصل الإستراحه ;)

يبي لنا ثانيه ..

بس خلوها حول مستوصف ! :(

خالد العنقري

16-02-2005 16:20

رد : الــــبــــراد .. وأجمل التعابير

اقول يا خالد التميمي

ما ودكم تجون عندنا نوريكم الداب اللي مركب سنون ذهب

ونوريكم خصوص عبد الله مران نبيه يشوف البربري اللي يجيب تيوووس :55:

فراكم وكوتتكم ما نجيها ابد tsh3

هع :p

عبدالله مران

16-02-2005 17:23

رد : الــــبــــراد .. وأجمل التعابير

خالد التميمي

اذا بتروحون رحوا لحالكم أنا ما أقدر مشغول وعندي لمدة سنة لأن عندي دورة في موزنبيق tsh9

ديروا بالكم من خالد العنقري أقصد الداب اللي مركب سنون ذهب :white:

هذا اذا رجعتوا ولا أكلكم البربري اللي يجيب تيوووس :p

تشااااو يا شباب في رحلة

عبدالرحمن الربيّع

17-02-2005 02:06

رد : الــــبــــراد .. وأجمل التعابير

احمد الديهان

هلا ومرحبا وصح لسانك يابعدي

صدفة
هلا بك اختي وصح لسانك فديتك .

خالد الشايع
هلا وغلا وين الدنيا بك وين ارضك وين سماك اشتقنالك يالغالي ..

عبدالله البكر
هلا بك والف شكر ومرورك يكفي بالغالي وسلمت ..

تميميه
هلا بك ياخيه وسلمت يديك وسلمتي

عبدالله مران
هلا والله ببومران وصح لسانك على هالكيبورديه فديتك ..

خالد التميمي
هلا وغلا بك والله زمان وحشتنا ..
انا بخير جعلك بخير ان شاء الله ..

خالد العنقري
ياحول وش تبي ووين المشاركه انت ووجهك . :mad:

عبدالله مران
:white:

عبدالرحمن الربيّع

17-02-2005 02:16

رد : الــــبــــراد .. وأجمل التعابير

.
.
.
.

الليــل يطـويـنـي .. و انا منـه .. مذهـول ..

....................... نسمة بـراد .. و غيـم .. و الجـو ماطر ..

ليلٍ .. غشاني .. وليل .. فالشعر مجدول ..

....................... حمر الشفايف .. جمـر .. ودي أخـاطر ..

للعذب محمد الحراب

أحمد الديهان

17-02-2005 22:13

رد : الــــبــــراد .. وأجمل التعابير

.

هبّت هبوب الشمال وبردهاا شيني

...................... ما تدفي النار لو حنّا شعلنهاا

ما يدفي الا حضن مريوشة العيني

..................... وأليا ضمينا شربنا من ثناياهاا

.

.

الريـــــم

18-02-2005 02:15

رد : الــــبــــراد .. وأجمل التعابير

.
.

بـــرد ورعد .. وشمس وريح
دنيــا برى مئلوبه
تلج مكوّم مابيزيح
صرتي عندي محبوبه

لشاعر لبنان / وائل كفوري

والعذر والسموحة يابو ريــاض

هذا اللي جا معي :)

وســـلامتكم

أبنتكم / الريـــــــم

عبدالرحمن الربيّع

19-02-2005 23:38

رد : الــــبــــراد .. وأجمل التعابير

احمد لديهان

سلمت يابعدي على المشاركه ...

الريم

هلا بك ياخية ..

تسلمين واللي يجي منك مقبول ولاهنتي ..

تحياتي

عبدالرحمن الربيّع

19-02-2005 23:46

رد : الــــبــــراد .. وأجمل التعابير

.
.
بردان أنا ابغى الدفى واثرك النار
..........................اللي لهيبه أحرق أطراف موقي

مثل الفراش اللي عشق شمعة الدار
........................يبغى الدفى منها ومات امحروقي

.
.
.
عبدالرحمن الربيّع

وتر	02-03-2005 02:26

رد : الــــبــــراد .. وأجمل التعابير

ان سولفت في صدري الخايف من البرد أستعـان
.................................................. .. فيها.. و قامـت بيـن ضلعينـه تمشـا حافيـه

فيها بـرود و ثلجها .. خلــطة رحيـق وزعفـران
.................................................. .. تحالفوا فيها علـى هيئـة ( عصابـة مافيـه )

للقلب الدافئ .. عبدالله ذويبـان
:)

عبدالرحمـن الربيـع
كل بــرد وانت بخيـر
:)

عبدالرحمن الربيّع

05-03-2005 23:52

رد : الــــبــــراد .. وأجمل التعابير

.
.
.
.

اون وريـــــاح الليالي توني
.........................والبرد في جوفي كما الغار خاوي

ما كن بـي عقلٍ ولا قلب كني
...........................جذعٍ وقــف في وجه الأيام ذاوي

.
.
.
.
دايم السيف

خالد العنقري

06-03-2005 01:16

رد : الــــبــــراد .. وأجمل التعابير

صوتي لعبد الرحمن الربيع :55:

<<------< يبي يذكر ابو عيون الهزيمــه :white:

عبدالرحمن اليحيى

08-03-2005 06:05

رد : الــــبــــراد .. وأجمل التعابير

ياموتري ريحتك القيض كله = ابيك لاقامت تطول المشاوير
لابد لك لابرد الوقت تله = يحن ماطورك على ساقة الطير

بدر الحويفي

<<<<<< كلن يغني

يجيك ابو ساري مطبح وهو مغمض

محمد العريني

12-03-2005 15:57

رد : الــــبــــراد .. وأجمل التعابير

البرد و علوم القنص و المشاوير ..

..................... و ايام راحت .. كلبوها وناسه..

الله على الدنيا .. رديّة مقادير..

.................... وشلون .. تقهرني .. ظروف الدراسه...

كيبورديه من قلب...

لا هنت على الموضوع يا ابو رياض

الوقت المعتمد في المنتدى بتوقيت جرينتش +4.
الوقت الان » 02:05.