وآتذكرك/ وتروح/ وترجع/ وتنساني=وش لي؟ بهالذاكره لامن نسيت عيونك
خَلّ..عنك الحب ..وأوقف موقفاً أنساني=كيف؟أكمل هالعمر يامهجتي..من دونك

-الحب غايه تدرك

-الحب كنز لاينفى

-الحب اللي يجي مع الريح رده وأستريح

-الحب أعلى من الحاجب

-حباً ماهو حبك خله على الورد

-اللي مايعرف الحب يشريه

-أن لم تحب فافعل ماتشاااااء

أنّهَار:

النهار:
رجل وسيم أبتسمت له الأمسيات ذات "فراق"

وقبل الغروب

إنّهار



أصوات:

الشعر: كائن حيّ

والشعراء: أموات





الكتابه:

ذنب

وأص بعي

ماتابه





السفر:
ضوء بعد طول عتّمه





أقول:


"googleلي" قلبي..وتلقينه يحبك
...."بوصلي"قلبك ..وتلقينه شمال

أن تهجيتك.."ألف حاء باء" أحبك
....وأن تنهدّتي.."قيصوم"الشعر مال

بيني وبينك عهـد لاتنكثينـه غيـاب
.....وأنا عيوني لهـا ..يوميـن مانامـت

تلمحك بين النجوم/ وينكتب لك عتاب
......بالدم..على ضلوعٍ بالغـلا ..هامـت

ياللي بَعَدك..الحكي شمعٍ من البعد ذاب
...روفي..بعيناً قبل صوم العرب صامـت

المصيبه



إنها كل ما تنيّشن


على قلبي


تصيبه

.
.

.
مساءكـــ شعريامرعي المتصفح يشتاق لحرفك.......;)
اما آن للغيــاب أن يستريح ............:)

الرسالة الأصلية كتبت بواسطة وحش (مشاركة 297413) . . . مساءكـــ شعريامرعي المتصفح يشتاق لحرفك.......;) اما آن للغيــاب أن يستريح ............:)

الرسالة الأصلية كتبت بواسطة علي التركي (مشاركة 298315) مرعي والشعب لا يزال ينتظر الملك :) كلما اقرأ لشمالي هنا أتذكرك آآآآآآوووووه كم يشعر جمهورك هنا بالعطش لمطرك ;)

ياعلي ..بخير وحمدلله=مبسوط من كثر غاليني
أشيّخهم شعري وأنا نفداه=وأصغرهم هنا على عيني
شاعر يغني على ليلاه=ودموع الأيتام تبّكيني
وإلا الخلي ماعليّ من ماه=ولاأبيّ أعطشه ويسقيني
هويحسبني أجر الآه=فاضي وأنا البين حاديني
من سبة اللي غدت فرقاه =غصة حنين بشراييني
ضاقت عليّه سما لاماه=وبلشت بي وين أوديني
أبكتبه..وأكتبه وأقراه=وأحطه بعيني وعيني
وأنسى عيوني قبل لأنساه=لوأنه اللحين ناسيني
ياعلي.. بعض العذر منجاه=وبعض الشعرمايواتيني
وإلا الغياب المرير أحلاه=ليّا أفقدوني محبيني
ياعلي..يشهد عليّ الله=أنك هنا بيني وبيني
عزيز وغالي وأسمك جاه=وأحب أنا اللي على ديني
سلام من قلب..والصلاه=على أمام المسلميني

الله لايغيّر عليّ ولا عليك = كل منّا في حياته له هدف
كانت/احلامي انا كيف أحتويك=وصارت أحلامك/ بهن لعنة جدف

كل ماآتناسى تطيح من الحطب حزمه= الفاس الأيام والذكرى محاصيلي
ماكن هالشعرله داعي ولا لزمه = ماكن هالحزن توّه ..مين؟ياعيّ لي
أسرفت بالليل وأنا أدراه وأعزمه=على جفوني.. وأغني له مواويلي
والناس بهم الكريم وفيهم (الجزمه)= رضائهم غايةً تبحث خفى جيلي
لذا أبغفي وأحط من الحطب حزمه= والنار ماتنطفي والشاعر (رويلي)