http://www.mzaeen.net/albums/93/s33.jpg




دبدوب
بالله عليك شقلت لك ..!؟
ما قلت لك : نظرة عيونك لا حزنت تزيّنك
ما قلت لك : خلَني على بالك إلى منك بكيت
اخاف كحلك لا نشف بلساني
صدري يبـيّنك

أدري :
انك تسرق النظره إلى دنقت راسك
وإن رفعته فجأه أتكرفس وأذوب

وانا يعني الله خلقني منترس نبض وقلوب
هو قلب واحد الله يمحط به
ويمحط بك معاه
ويلولش البخت
وأتوب ..!!

http://up5.m5zn.com/photos/00172/baoaurajfxh3.jpg


tsh6

http://www.al-wa7a.com/ads/email/fanoos.gif


هذا الشهر هلّ وتباشيره إحسان
................. الله يزيدك فيه قرب ومحبّه

جيتك ببارك لك وأبادلك الأشجان
............... وأعطيك قلبي في يدينك وخبّه

غالي كثر ما يجمع الصوم خلاّن
................ وكثر إرتباط الساجد بعفو ربّه

وكثر الحنين لشوفتك بعض الأحيان
................ لا صار صدري ضايق وإنت طبّه

حنين يا خلّي وأنا لا ثار في صدري الحنين
................. قمت أحبس الدمعه وأكف الملح وأقرض شفّتي

مدّيت يدي للكلام .. وقلت يا سرع السنين !
................ وأرخيت جفني للسما .... والغيم رجّح كفـّتي

الدرب : علمني أجي محتاج لك وأرجع حزين
.................... والحب : علمني أطيّر لك درايـش غرفتي !!

ما قلت لك إن راودك شكك ... تعوّذ باليقين
.................. وإن ضاقت أنفاسك عليك الشمس تسرق وقفتي

يعني إذا خليتني بربّّـــك تخليني لميـن !
................... ويلك يا ظالم ... ما تخاف الله وترحـم رجفتي

لا إنت بيّنت ... وأنا للحيـن مو قادر أبين
................... أنا أختفيت بـلهفتك ... وإنت إختفيت بلهفتي

مابيك تظهـِر من وراي القسوه وبوجهي تلين
................... أبيك لا منّك غرقت فبحري .. تحضن ضفّتي

البـُعد نااااحل .. وإنت مثل البـُعد لكنّك بَـدين
.................. ما همـّك إنّي ناطرك ... والملح قطّع شفـّتي !

ما فيه غيرك ماخذ القلب لله
................ لأن الحياة بدون شوفك ولااااا شي !!

وإن قال بالك غير هذا .. فقلّه :
................. ما عاش راس يذلّ شانك وانا حي !

لا ياخذك في مجمل الناس قِلّه
.................. ولا تشرب عيونك إذا عطشت المي !

يا اوجب عليّ من المواجيب كلّه
.................. يا اقرب من أنفاس المحبّين للغي !

إنت الحنان اللي آآتظلل بظلّه
................. لا قمت أسولف مع هجيري عن الفي

إن شفتني لغز وتصاعبت حلّه
................ رح واسأل الظلما عن حكاية الضي !!

http://photo.live.advance.net/modbri...01flowers5.jpg


كل عام وإنت الخير .. وأيامك بخير
..................... عيدك مبارك ... والأماني كبيره

وحشتني .. يا ليتني أقدر آآآطير
................... وأجيك ... عندي لك سوالف كثييييره

ما تدري إنّك غير .. ومواصلك غير
..................... وإن العيون بدون شوفك ضريره

ألهتني الدنيا عن مصافحك .. مير :
.................... الكل منّا .. صار عايش .. بديره

يا أصدق من وجيه البشر والمعاذير
.................... يا أقرب من أنفاس العشير لعشيره

الله يـِلحقنا من أعـيادنا خـير
................... ويسقي الدروب اللي حفظنا مسيره ..!!

انا كثر ما اشتقت لك ما تكلّمت
............... ساااكت لو إنّي ما آتحمّل سكوتي

البرد جابك قبل أشتّي وسلّمت
............... قمت آتنافض عنك وأسقيك موتي

علّمتك تسافر معاي وتعلّمت
................ إنّك تلابسني الجسد قبل كوتي

شفني حبيبي بعت ضيي وظلّمت
................ لأني جمعت غيابك وراح صوتي !

http://www.moveed.com/data/media/126...dc403f33d2.jpg



البارحه ما بين أحضن صورتك وألمس يديك
.............. مرتني الذكرى وأنا ما كنت ناوي أذكرك

ظنيت بإن خيوط جرحي طابت وقلبي نسيك
.............. وأتفاجأ إنّي أضم طيفك يوم جاني وأشكرك !!

http://www.dubaieyes.net/gallery/dat...w3h-%20(2).jpg


وين بس ودّك تروحي
طمنيني
انا كل اللي أخافه مو لأنك رايحه
مو لأن عيوني راح تكون سود وطايحه
ويختفي منّي وضوحي
مو لأنك كل شي
مو لأني كل ما اشتاق لك
أشمّني والقاك فيني فايحه
انا كل اللي أخافه لا مشيتي
تورق بصدرك جروحي !!

شسوّي يعني ، كل فرحه أزرعها بخدودك حزن
................. وأحاول أجمعني عشانك .. وأنتثر كلّي وراك

تعبت أدوّر راحتك .. وأصير لعيونك جفن
.................. والقاني فجأه منقـتل بيديك ... والقاتل غلاك


غلاك
غلاك أهلكني وأنا مانيب ناقص من الأصل
شاللي تبينه وأعمليه
إلاّ يدك
إلاّااا يدك
خليني ماسكها وإبكي براحتك
يمكن بعد هذا البكا نرتاح
ويتجدد وصل !

أبـ امحي الذكرى من البال وأرتااااح
................... على الأقل ما تثمر جروحهم بي

يا كبرها لا راحو الناس وإنزاح
................. كل الكلام وطحت من عين دربي !!

من امس ناطركم وشوقي على نار
.............. ودّي أطير من الفرح وأسبق الريح

الله وحده يدري بضيقة الدار
............ ظلما لو أضويت النجف و المصابيح

أحبكم والناس تشفق للاسرار
.............. فيكم وقفت ، ولكن إن غبتو آطيح ..!

يا الطريق اللي لك إيدين الغياب تلوّح
........... مدري ليه أهرب لك اليا ضقت من أحبابي

أسمع أرصفتك تمجّ الحكي روّح روّح
............. والبس من الذاكره وجهك وأفلّ أعصابي

وألتفت والضوّ الأصفر بالنخيل مشوّح
.............. وأنحني وأسمع ضلوعي تنكسر من مابي

مختنق والدمع بأطراف المحاجر فوّح
............... خايف إنّي لا نثرته ما يبلّ أهدابي

جيت لك والصمت ينهش خافقي ويطوّح
............... بالحنين اللّي مسك جلدي وفجّ ثيابي !

وش رجّعك
لـ يكون قلبك يوم حسّ إنّه جرحني
وجّعك ..!

يا صاحبي .. ماني على كيفك
............. يا تحبّني بكل إختلافاتي .. أو رح

إسلم وسلّم .. وإن تغانمت طيفك
............ إرم الصور وأجمل سواليفك .. وطح

انا تنفّستك غلا ... قبل زيفك
............ والحين : شفني .. لا تحسستك آكح

من علّمك غيري تـّفيا بصيفك
............. وادفاك .. يوم المربعانيـّه تفح

خلك كذا .. دامك تباهى بريفك
............ ناسي بإن الغيم بإمكانـه يشح

باكر إذا الله احياك واحيا وليفك
............ تدوّر الصيحه .. ولا اقولك صِح !

في يوم العيد الأول ، أركض كالمجنون
أبحث عن يدي التي سُرقت
فلم أعُد قادر على مصافحة أحد ..!
طبيعي جداً أن يأتيك الوجع في المناسبات المكبلهه والتي تعتمد على لفيف من المعارف والغير معارف ، ذلك أن الحنين مع تقادم السنين يتفاقم للوجوه التي فُقدت ولم تعد حاضره إلاّ بروحها وخيالاتها أولتلك الملامح التي بدأ يغطيها الجلد الآخر من العمر وقرُب فقدها ..
وبين هذا وذاك تكبر أجنحة الأطفال وتبدأ بالطيران محلّقه فوق روؤس الجميع
إمّا أن يبقيها الله للحظة ٍ كهذه والتي تُسرق فيها اليد ولم تعد المناسبات تنمو بالداخل ليستظل الخارج بها أو يأخذها لتكون أرق تحيّه صُعّدت لأجلها الأنفاس وعظُمت بفقدها الأحداث الطبيعيّه ..!

احبك لو تعبت من الحنين ولمّة الأصحاب
........... احبّك لو يغول الوقت حلقي ويجرح سكوتي

انا مالي بعد عينك عيون تلاغي الأهداب
............ وانا مالي بعد قلبك قلوب تحس في موتي

ورب البيت اعرف إن السوالف حفنتين تراب
............. ولا باقي من أنفاسي نفس وآزرّره كوتي

وانا لو بفهق عظامي عن البرد وأحط أسباب
............. أبتراجع عن أحلامي القديمه وأنتظر قوتي

عسى ما اطيح في كبد الليالي والنوايا باب
.............. وراه تخبّي الدنيا وجيـه يميّزه صوتي ..!

منتا غريب
تعرف اللي صار لي لو ما حكيت
منتا غريب
الزمن علمني إنّي لو أموت الفين موته
ما شكيت ..
شف كثر ما دار من خلفي كلام
ما تندمت إني طيّب
ولا دخل صدري ملام
جايز إن الملح بضلوعي تكسّر
وجايز إني مختنق
بس إستحيت
أحكي عن ذيك السنين الحالمه
أحكي عن طٌهر القلوب
قبل تتبدّل وأغيب

يا رفيق الدرب الأول
والزمان المُر
وأسرار الكلام
إدخل بصدري وشوف شلون مهجور وظلام
طاح كل اللي بقابي من حنين
طاح حتى الطاري اللي ما طرى للحين
وأشعلني جفا
كل ما أضويت منّي إصبعين وكف
صحّاني ونام ..!

منتا غريب
كلها كم يوم وينشف جرحي
وأتشاوى وأطيب ..!

يا عديل الروح والنيّات حيّه , ميته
................ ما لحق طيب النوايا غير طيب أفعالي

يا كثر ما للحقيقه دمع لو هلّيته
............... ما بقى من دربي إلاّ جثّتي وظلالي

الكلام اللي قبل لا تنطقه خبّيته
............ أكبر من اوجاع صدرك وأصغر من أحمالي

انا ماني ناقص أحزن والتعب ملّيته
............... كان لي عندك معزّه خلّني في حالي

من يجي أهلاً وسهلاً ، والحنايا بيته
............... ومن يقفّي بارك الله بالمدى و آمالي

لو خذيت من الليالي قد ما أعطيته
.............. كان أقلّه ما سهرت البارحه بلحالي

لا تشب الجمره اللي بالحشا أطفيته
............ شفني ما صدّقت أشيل السالفه من بالي !

كل ما جيت ابيّن لك غلاي
ضاعت حروفي وخانتني شفاي
وأسكت وبصمتي حكي
وأتوه من وين ابتدي
وأشوف كل نجمه بسماي
خجلى وتحضنها يدي ..!





أعشقك ياهي قليله ولاتساوي هالسكوت
ليتني اقدر ابين لك قبل وقتي يفوت
انت اصدق حب لا لا
انت اجمل حب لالا
انت نبضك وسط قلبي لو وقف
والله أموت ..!



tsh6

http://www.art.gov.sa/vb/upload1428/...8407f2d744.jpg


خلاص يعني ما بقى لأيامنا الحلوه أمان
............. ولا عاد باقي للحكي قيمه وللحيره مصير

شفني على قد السمار اللي ملا وجه المكان
............. مو قادر أشري راحتي وأبيعك لنفسك وأطير


لو كنت قادر أتركك والله تركتك من زمان
........... ولو كنت ناوي احرقك ما رحت اضمّك بالأخير

المشكله كل ما نويت أصير في عيني جبان
........... وأروح مثل اللي يروح ودرب خنّـاقه قصير

أرجع وأفلّ الذكريات من القسى لين الليان
............ والقاك في أغبى مراحل عشرتك قلبك كبير !

سلامة خاطرك ، لا باس
أحس بدمعتك داخل كلامك
والهدب كرّاس
تجين أنقى من اللآزم
تجين أعمق من الإحساس
كأنك من كثر مـ أنتي رقيقه
تلبسين أنفاس
يا طيوبه
يا صوره ما لحقها خدش
ولا تزييف
ولا خُلقت من أكذوبه
يا محبوبه
يا سِتر الضايق وثوبه
عن وجيه السكك والناس ..!


سلامة خاطرك ، لا باس ..!

http://www.filaty.com/i/805/bf1ce69.(DSC03258)40.JPG




ما كننا جيناك يا هالضلع والعيشه وجع
.................. وبتنا على جال الغرايس نحفر وندفن سنين

يا سرعها مرّت وانا مرّيت والميّت رجع
................... والكل منّا ينتفض من حزنه وكثر الحنين

الدمع صوت ٍ للمحاجر لا تغافلني سجع
................... واليا بدا ينقط على الخدّين تسمع له ونين !!

طوّل غيابك قلت ادوّر لك اعذار
.............. وعجزت الآقي لك عذر أقتنع فيه

يا كثر مالك في دواليبي اسرار
............. أهرب لها لا ضاق صدري واداريه

ليتك تركت مصوّب القلب يختار
.............. موته قبل لا يفضحنّه خطاويه

لو جت على شح الليالي و الأقدار
.............. مبطي وانا حبل الرجا ملتوي فيه

أحبّـك أكثر منك يا سيّد الدار
............. يا اقسى عليّ من الحنين وطواريه

الحُب مبصر لكن إيدينه قصار
............. والشوق يلعن خيّره مقدر أخفيه

تعااال
يالله ناطرينك
على ناااار

أنا
وقلبي
والرضا
والمشاريه ..!

صباحك خير
صباحك طير
يرفرف وسط صدري لك
يعلّمني أغنّي لك :
أحبـك
وإسأل عيوني إذا مدّت لك أهدابي
أحبـك
وإسأل الدنيا إذا به غيرك أولابي
أحبـك
وأنت أكبر من أحبك وأعشقك
يا غير
صباحك خير ..!

http://www.dubaieyes.net/gallery/dat...0/hx-3-2-9.jpg


بكيت فجأه والبكا فجأه من افضع ما يكون
.............. هو عكس حالة لا عصرت عيونك وشحّت بماه

هذاني جيتك يا يبه وديارك وربعك سكون
.............. أبطيت وأدري إنك تعذر الغايب وتدمح خطاه

ودّي أسولف وأدري إنّي لو بسولف تسمعون
............. وأدري بأن الله كتب لقبوركم موت وحياه

شفني على قد التعب ويباس صدري والمتون
.............. والضيقه اللي تقتفي هالسور وتضيّق مداه

والجمعه اللي غرّقتني بالمطر دمع وعيون
............. واللحظه اللي صرت اناظر لله بعالي سماه

واقول : يا ربي وأنا عبدك وتتعبني الظنون
............. عشرين عام وهالقبر يحفظ سواليفي معاه

حفّظني أشكال الحصى وقدر الشجر عند الغصون
............. وحفّظته أثني ركبتيني عنده وأبكي غلاه

يُحدّثني وغصّه بحجم الفُرقه تحيط بملامحه ، يعيد سرد الماضي وكيف كان ، كيف له أن يمنح الشخص أجنحه من بساطه وقلب مغطّى بالغيم تتذوّقه السماء عِشاء كل ليلة ، وكيف أن الناس لم تعد كما كانت في المبادئ و القيم والقلوب والأحياء التي تكتض بهم ، هنا قاطعته لأبدأ الحديث وأعرف أنه يود ذلك فقلت له : ألم تجد وأنت تزرع عينيك صباح كل يوم بالمسمّيات أن حقيقة الأشياء التي أوجدها الناس لم تعد صالحه للأستخدام البشري بل أن ما بقي منها أصبح قليل جداً .
الأحياء سمّيت بذلك لأن من بها كذلك ، هُم هُم حتى الآن ولكن للبحث عن حلول حياتيه كثيره أصبحو مختفين داخل جدران المنازل ، أسقف المساجد ، أرصفة الشوارع يُزاحمون الإسمنت ، أعمدة الإضاءة والتي تقوم الآن بدور الأشجار فتحمل الحمام وأعشاشها وتساعد العصافير على حق العيش كما أراد الله لها ذلك ، كل شيء بات على غير وضعه وأصبح مكانه الأرض والأرض درجات !!
أعلم جيداً بأنك مُتعب لأنك طيّب جداً وتفكّر كثيراً وهنا الخطأ ،لا تساعد الأشياء عليك
دون أن تعلم ،لا تمتثل إلى الأماني فقد أهلكت الكثير قبلك وستعبث بمن سيأتي من خلفك ، هناك نِعم كثيره لا نُحسن شكرها ومنها الوجع فهو من يخلق مساحات البحث والتفكير و الخوف فالبسطاء من يستلذّون بأوجاعهم يشعرون بها جيداً ينتمون لها كثيراً ، لذا بات الكثير مِن من يفقد لذة الوجع يتمنّى بأن تُخلق مساحات بداخلهم
ليتماثلوا شفاء ً من السعاده الدائمه وليحاكوا كل ما قد تنتجه الحياة والأمكنه !!
عندما تشعر بأنك بأمس الحاجه لإستعراض شريط الذكريات سواءً بالشأن العائلي أو الإجتماعي أو حتى على الصعيد الشخصي وإنزلاقاته وعبثه وجدّه ، عليك أن تستعرضها وأنت تبتسم لكل زاويه فيها وتشعر بأنها لذيذه جداً وتمارس معها دور الحكايات الخِتياريّه ، المشكله الكبيره أن الجميع بات يستذكر الأشياء لتكون غصّه في الحلق طمعاً في إستمرارية الأشياء وهي لن تكون كذلك وتذهب فُرص المُتعه والذكريات ..!!

ودّي أحطّه بأيد وأيامنا بأيد
.................. وأرفع يديني للسما وأدعي الله

إنه يجي قبل الصُدف والمواعيد
................ وإلاّ أوصّل ياس محد ٍ وصلّه

البعُد ضلعين الشقا والتناهيد
.............. إن ما كتم صدر الليالي يعلّه

ينقص كلامي عنه والخافي يزيد
.............. وأقول لو غرّوه بالمدح ، أقلّه :

ما فل صدري وإنحنى للبواريد
............. وخلّى الصور ترتادني في محلّه ..!