ان سلهم الليل خليت الهوى سيـره
اطفي به الجرح الاول واشعل الثانـي

والوم حظي على شحة وتقصيـره
لامن نخيته يقول الوقت مـا مدانـي

قمت اطلبه في سلوم الجار والجيره
من شان خلٍ ابي وصله ومن شانـي

وانا اخبره قبل ما تاخذني الحيـره
ما مرةٍ جاد لي في وصـل خلانـي

من يوم كان المطريجفى نواويـره
والبرق يقصف شذا حرفي على لساني

ليته تجمل ولا قصرت مشاويـره
ماهـو بحـقٍ يعاندنـي ويجفـانـي

كنت اتجنب طريق الشوك ماسيره
دربٍ سقاني من اللوعات واظمانـي

وهبت بي الريح تجبرني تباشيـره
وجيته وانا ماقصدت اجيـة بالعانـي

لكن هويته وقلبي مارضـا غيـره
بتموت عيني وهو في وسط وجدانـي

حبه تمثنت على قلبـي مساييـره
لين اصفر الجرح سميتـه وسمانـي

غديت له بيت لا لا صرت له ديره
وان سج طرفي معه لحظه تباطانـي

تبعت قلبي علـى شفـه وتدبيـره
انا اشهد انه كسـب ذنبـي وعنانـي

ادري بحبه الـى دقـت مزاميـره
يزعج جروحٍ غفت وتقـوم تبلانـي

والصدر مايحتمل دكـة مغاتيـره
يكفية مافية مـن لوعـات واحزانـي

وان سلهم الليل ما جا للهوى سيره
ياويل جرحي الاول من عنا الثانـي

من شعراء شعبيات المبدعين .. / عبدالهادي الخليوي ..
رحمه الله عليه رحمه واسعه ..