|
صرخة الجدران !!
. . وش يجيبك ..؟ دمعتي ,, حزني عليك ؟ صرخة الجدران .. تنهيدة حبيبك ؟ قل لي بالله وش يجيبك ؟ و كل مافيني حبيبك ! |
غباء !!
. . من الغباء .. يضيع هـ الإحساس .. و يكون في لحظة ( هباء ) ..! بالضبط مثل " القلب " .. لمّا يكون بدون ( باء ) ..! بالضبط مثل " الماء " .. و انتَ على جال الغدير .. و لا تشرب إلا " الضما " ..! مثل النوى .. لا طوّل أحبابك عليك .. و في عزّ يأسك و العنا .. ترسم ملامحهم " سماء " .. و تشربها من حرّ الضما .. بس للأسف ... ما تشربه .. من غير ...... آء ..! يا سيدي المكسور .. خلف المدى و السور .. أتعبت " علّ " .. و " عسى " ! أنت .. و عيونك .. و المسا [ صورة جميلة للـ غباء ] !! |
نقش
|
عصفورك
|
رد : بقايا .. من بقايا !!
ولا زالت الروعة تتسيد هنا ...
لله درك كم اخرجت الآه من دواخلنا بقوة متابعة ,,, |
غادة
. . غادة .......... tsh6tsh6 و جيوش من الشكر والمودة . |
إنتي .. وينك ؟
. . بين ايدينك .. ذآآآب فـ شفاهي العتاب : إنتي وينك ؟ و رحت اقبّل راحتينك .. و اسأل جروحي من اللي : أملك الدنيا فـ لقاها .. و في الغياب .. تمتلي عيوني رماد ..؟ و ينتهي عمري فـ رجاها .. تقول اِنتي .. و اقول اِنتي و احتفل هـ القلب .. يضرب و المشاعر .. يرقصون ! و هاجت الخمس .. الحواس إنتي وينك ؟ و ارجع اتأمّل يدينك .. [ لا تأمّل : كلّها ذكرى سنينك ] !! " هذا صوتٍ كان فـ اِذني " ..! و ارجع اسأل من جديد : من هداني العمر .. عمر من سرق هـ الصبحٍ منّي .. تردد الأشياء : اِنتي .. و اقول اِنتي ! المنافي .. خلّ وافي ! لـ انسان ضاع من الزمن .. من لحظة فراقك .. إلين ما بنتي !! أوااااه يا إنتي .. اسألي كل الأحبة : من شَرَقْ بـ اسمك .. و صار الحرف .. دمع ؟! من إذا غبتي .. يصير الصبح ليل .. و اوصد أبوابه .. بـ شمع ؟! من ملى طيفك .. فـ جدرانه .. مصابيح ! ترجع حواسي السبع : تقول اِنتي .. و اقول اِنتي !. |
رد : بقايا .. من بقايا !!
كم آنت رآئع
لكَ يآسميني.. |
خلود
. . خلود العبدالرحمن ......... tsh6tsh6 |
ليل بارد !
. . ليل باااارد .. و اشتعلتك ! ذهن شارد .. و انطفيتك ! جمرة في وجه الرياح و .... زمهريرك ! اِحرقي شمسك فِـ شمسك .. و اسألي البدر البعيد .. من سكون الليل للفجر الجديد : هو في هذا الكون .. مثلي ؟ بترجع اشيائك تقول .. لا .. ولا فـ قلبه أحد .! ألبس ثياب الغياب .. و انزوي في وسط قلبك ..! ترجع وجيه الصحاب .. ما بقى لي غير حبك ..! أوقِد اطرافي هبوب .. تنتحر ألفين دمعة ... و ألف شمعة .. تحتريك ! من يدفّي الليل لا طاحت نجومك .... من يلمّك ؟ من يهندم للسما أجمل غيومك .... من يهمّك ؟ اِنزعي هـ البرد و اِلا .. اِتركيني للهبوب ..! أشتِعِل في وسط قلبك .. ميّتٍ ما حدٍ درى بي !. |
أكون .. أو لا أكون !
. . رتّبت لك شيٍّ كبير .. هـ الصدر منزالك .. و القلب مجلسك و دمع العيون .. سحايبك مثل المزون ! و كل الجوارح أعلنت .......... في حضرتك معنى الخلود : أما أكون ,, أو لا أكون !! هذي الطعون .. الكراسي ! تخيّر لك ألم و اِجلس ! دام هـ الجرح .. ناسي تقدر تخليني أحس .. تقدر ترجع بسمةٍ .. .. من شفتي يا ما اختفت و إن الأمل .. .. لا زال فـ الدنيا كبير يا اجمل حياتي .. من تكون ؟ الألم .. لم السكون اللي تلبّسني فـ غيابك ! و الأمل .. ملّ و تركني غارق بمعنى .. إيابك ! و الأمان .. مان و رحل بي دمعةٍ تِثْمِل ثيابك ! كل هذا يا حبيبي .. و آنا مدري .. من أكون !!. |
رد : بقايا .. من بقايا !!
و كل الجوارح أعلنت .......... في حضرتك معنى الخلود :
أما أكون ,, أو لا أكون !! الله من اي نبع تنهل حروفكَ العذبة ؟؟؟ نورٌ واسراب غيم شديد النقاء : آسر الحضور ننتظر دوماً يراعكَ المتفرد ... شكراً بحجم السماء ,, |
غادة بنت تركي
. . غادة .. انتِ شمعة البقايا tsh6tsh6 |
قلبك الكذّاب !!
. . [ 1 ] و حبيتك .. ياللي هنا بيتك .. خلّيت للناس بعضي .. و شِلت أكثري ... و جيتك ! [ 2 ] ياللي تمنّيتك سنين .. قبل أعْرِفِك ... في دمعتين ماظن تِنْكِر لهفتي .. و اِنتَ معي ... و انزف حنين ! [ 3 ] ما كانت عيوني تشوف .. ما بين ظلمى ... و بين خوف شمسك أبَت لا تِنْتِظر .. شف كيف ... تجمعنا الظروف ..! [ 4 ] يا ماخذٍ كل الخيال .. يومي مثل أمسي ... محال بس اِنتْ ريّح خاطرك .. و اِترك علي همّ السؤال .! [ 5 ] قِم غنّ لي عَذب القصيد .. جوّاي نارٍ بي ... تِقيد من يِزرع بقلبي غلاه .. أموت أحبّه من جديد ..! [ 6 ] يا سيّد الأحباب .. " تحبّك الأسباب " .. قد قلتها مرّة .. يا قلبك الكذّاب ..! [ 7 ] ناظر مكانك من زمان .. وشلون فاقد هـ الأمان .. حتى العروق اللي نشفَت .. شِف كيف .. يبكيك [ المكان ] ؟!. |
التعب !!
. . تدري وش معنى التعب . .؟ إنك تحب . .! و اللي تحبّه بين ايديك . . و اقرب من انفاسك إليك . . دايم عيونك تحرسه . . و عيونه لك . . سكّة و بيت تلقى الأمان افـ نظرته . . و لو غاب لو لحظة بكيت . .! تقول و انت تناظره : لو أفقدك . . يعني انعميت ! و يزفر من اقصى خاطره : أحيا أنا لو أفقدك . . بس قبلها هـ القلب . . ميت ! معنى التعب يا صاحبي . . ما هو الأرق هـ اللي تشوف . . و إلا الشحوب افـ نظرتي . . الموت لو تدري بعد . . كل هـ المحبة تنتهي . . باكبر سخافات البشر . .! يا صاحبي بالمختصر . . و الله زِهِقنا هـ الحياة . . الموت أرحم من حياة . . طريقها . . كلّه حَجَر ! أحسن نموت و لا نقول : إن النهايات الجميلة ما تكون . . إلا على غفلة ( ..... ) !. |
| الوقت المعتمد في المنتدى بتوقيت جرينتش +4.
الوقت الان » 04:06. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع