رد : لحظتك الآن .. بكل صدق
|
رد : لحظتك الآن .. بكل صدق
لامتى يا هالحـزن تغـرس سكاكيـــنك هنيّا لامتى وانا استفز الدمــع بعيــــون الكسالى لامتى يا هالحـزن يشرق صبـاحك في محيّا شاعرٍ .. صاروا بنـات افـكـاره .. بعيـنه .. ثكالى جيت من قيض القوايل تحت سدره .. باتفيّا بالضلال .. اثار به دابٍ .. سبقني للضـلالا وين اشرق ؟ وين اغرب ؟ و ين ابالقالي حميّا؟ والشتاء والصيف رحله .. للجنوب وللشـمالا ماثملنا .. ياجــروحي لو تعـانقـنا شويّا انتــمايل حزن .. لكن يحسبون إنّا ثمالى ياسما الغفـران قال الغي : هيّا قلت : هيّا غــاويٍ جاك بيتـوب .. وزاد في غيّه ظلالا قريتي لا تعــذليني .. مابقى شيّ بيديّا رحت متعلم .. وجيت أجهل كثير من الجهالا واتحدّى ماأنـولد في قريتي مثلي صبيّا صابرٍ / كـادح / حــزينٍ / ماانجبن مثله حبالى وآآآه .. ياطيري وكم قد قلت لك فزّ وتهيّا لا تخلينا سوالف لاش .. في مجلس حثالى |
رد : لحظتك الآن .. بكل صدق
اييييييييه يابوبدر خل مارد الشعر ياخذ راحته ياااااخي انت غيييير وسلالالالالالالالامتك |
رد : لحظتك الآن .. بكل صدق
ابو بدر
صدقني أنت غيييييييييير سلم قلبك |
رد : لحظتك الآن .. بكل صدق
إقتباس:
ياه يا ابو بدر احساسك بكل حالاته غيرررررtsh6 |
رد : لحظتك الآن .. بكل صدق
ابوبدر انفاسك شعر
تسلم أنفاسك يامتنبي تحياتي .... |
رد : لحظتك الآن .. بكل صدق
:
مساكم ورد لمْ تعُد في يديّ أصابع للتلويح لكثرةِ ما عضضتها من الندم . . ! عدنان الصائغ |
رد : لحظتك الآن .. بكل صدق
الايام ليست كامله بما فيه الكفايه ..
والليالي ليست كامله بما فيه الكفايه .. والحياه مرت كفأر حقل .. لا يهز العشب .. (ازرا باوند)... .. |
رد : لحظتك الآن .. بكل صدق
خلوني اسج عن موضوعه أزين لي والاّ الغلا والله ان يبطي وهو غالي من اقوال سعدبن جدلان :) |
رد : لحظتك الآن .. بكل صدق
:)
صاحبـي لامـن بغانـي مالقيـتـه وان لقيته ضاع مني مالقاني وان لقاني رحت كنّـي مابغيتـه وان بغيتـه رحـت كنّـه مابغانـي (كليب بن تغْلب) |
رد : لحظتك الآن .. بكل صدق
:biggrin: ايش عرف البدو هادولا بالبعارين ( فؤاد من مسلسل طاش ماطاش ) |
رد : لحظتك الآن .. بكل صدق
|
رد : لحظتك الآن .. بكل صدق
خطيررررررره يابنت:)
|
رد : لحظتك الآن .. بكل صدق
لحظتي /
ياأيها الأنسان ماذا بعد ذا ؟! دع النجوم والتمس بين القبور بقعةً فقد يسوؤك الزمان وينكسر مجدافك العتيق والريح تعثو في بطون الأشرعه والفارس المغوار يلقى مصرعه عبدالمحسن الفرهود |
رد : لحظتك الآن .. بكل صدق
مباراة ترفع الضغط
يارب سعووودية |
رد : لحظتك الآن .. بكل صدق
|
رد : لحظتك الآن .. بكل صدق
عساه دوم الروقان يانجلاء |
رد : لحظتك الآن .. بكل صدق
ياطولها لحظتي :) : الغابـيه غابيه .. بالصــدر مكمـــيه وانا مانيب امهــبولٍ يفضـح الغابي اخاف من روحتن ماعقــبها جـــيّه يومٍ به اللوم .. يشهق شرهة عتابي في نحو (ابو الأسود الدؤلي) .. له نحيّه وذا النحو نحوي انا .. وإعرابه اعرابي خاسي وهابي .. مجازي الطيب بالسيّه راعي الرديّه رديّ .. وخاسي وهابي ترابي اولى بي .. ان خابت هقاويه أن عوّدت للتراب .. ترابي اولى بي هذا ترابي . . وأنا زبن الجــــلاويه وكنـــوز قارون ماتشـــريك يا ترابي سقــوى .. سقاه الحيا وقتٍ مضى ليه يوم الرخا محزمي .. وزهابي .. زهابي يوم ارضي المســقوي عالوسم مذريه ودون اللحى فرخ بلجيكٍ وشبّابي يوم إنّي اغمض مريح البال جفنيه قبل السهر تستبيح جيـــوشه اهدابي من قبل ماشوف وقتٍ دارت رحيّه وضيوف (بقعا) سرى .. وقفوا على بابي قد لي خـــــلاوي 8 سنين .. وشويه هذا .. وانا لاني بمجــرم ولا ارهـابي احدن بكى ميته .. واحدن بكى حيّه واحدن على الصدق عاش ومات كذابي احيان .. أهيجن وأغني للهــــواويه وأحيان .. كل الهــــــواويه تغنّى بي واحيان .. احصّل لي من القايله فيّه وأحيان .. من حرقة القيض الله ادرى بي وقتٍ ليا ضحك نابي جات بلاويّه كنه حرام علي الضحـــــكة بنابي للحديث بقيّة .. :) |
رد : لحظتك الآن .. بكل صدق
طااااااااااااااوي أي \\\\\\ جااااائع ....
سأخرج لالتهام وجبة دسمه ............:0111: |
رد : لحظتك الآن .. بكل صدق
الله عليك يبو بدر ....
واسف لقطع لحظتك .... تحيااتي |
رد : لحظتك الآن .. بكل صدق
آآآآآه ياحزني اللي ضاق فيه المكان = لو يوزع على كل البشر ما قووه أدري إن الليالي ماعليها ضمان = وأدري أن المقدر لا نوى ما يتوه وادري لو اتنقى من جزال وسمان = وأدري اني لو اجيب الشعر كلبوه ما يخفف عليّه ما رماه الزمان = حتى قلبي على همه ضلوعه نسوه رحمة الله عليكي يام عبد الرحمن = أطلب الله وكل اللي هنا يطلبوه |
رد : لحظتك الآن .. بكل صدق
رحمها الله يا خالد ... واعظم اجرك ... احسن عزائك
|
رد : لحظتك الآن .. بكل صدق
الله يغفر لأم عبدالرحمن ويرحمها ويضيفها رحمته
|
رد : لحظتك الآن .. بكل صدق
الله يرحمها ياخالد ويسكنها فسيح جناته
|
رد : لحظتك الآن .. بكل صدق
إقتباس:
مجرم إبداع يالدحيمي صح الله قلبك تتملكني الدهشه بنصوصك وبانتظار البقيه;) |
رد : لحظتك الآن .. بكل صدق
لحظتي قصيره :) اَه من إحساس نوف ومن سواته ـــــــــ كيف يذبحني وانا ميت بخوف ؟ كل شمعه توقد بقلبي غلاته ـــــــــــ تنطفي من قوة الغيره بــ اوف واَاَه ياقلب الهلالي ياشتاته ــــــــــ كل شوق يجمعه تاخذه نوف :frown: |
رد : لحظتك الآن .. بكل صدق
اهااااااااااه .. عرفنا مويتك على قول اهل جده:) اثر الحب مسوي فيك الهوايل ياللبناني واضح ضعفان حيل :biggrin: |
رد : لحظتك الآن .. بكل صدق
بقيّة الحديث .. وين انت يالحزن ؟!! يا اجمل غناويـه! أذّاني الهم بغــيابك وشقّى بي من بين غيـّابي .. ابطت بك حراويه فاقدك .. ياأعزّ غــايب بين غيـابي وين انت ؟!! ياصاحبٍ ماولفني زيّه ياقو قلبك! .. تخلي الهم يسلى بي؟!! ودّه اشقق ثيــابي غصب بإيديه! والله لأمــــوت .. ويدي ماشقّت ثيابي! ودنيا الهبا .. شف دنيا الهبا .. ســـوّّد الله وجهها فيّه! أبرد صــودايفها .. ياما احرق اعصابي يرضيك بالله؟!!.. يرضيك بالله .. تبـــيّت بي على نيّه؟! قبل اتعشى لياليـها . . تغــدا بي؟!! هيّا تصدّق !! كذا . . وبدون ماريه!! اســتنزفت كلّ جرح ٍ . . قد تخبّا بي خلتني أهجّ واعطي الخبت . . رجليه والعجّ راح بصميلي .. وأذهب ركابي ثم ادرجت بي مهامــــية الزرّاجــيه وجت بي وأخفّ الطعون.. شلاف وجنابي!! يرضيك يالحـزن!! يرضيك يالحـزن .. ياتالي عزاويه ؟! تضحك على شيب راسي .. بين شيّابي؟! يرضيك يالحـزن.. تجهر بي عــلانيه؟! حتى تهـاون بحـالي اقرب اصحابي؟؟ وجدي .. وجود اجـوديٍ صار عاريه هذا وهو من ولد .. عتّاق الأرقابي! وجود محـكوم .. ماقبلوا منه ديّه وخلوه مابين سيف ونطع ونصابي رزقي على عالمٍ جهــري وخافيهّ ومن مثل ذا الجود رزاقٍ ووهابي رهنت لي بندقٍ .. في دين جنبـيه وش يآخذ المرتشي من ذمّــة.. مرابي ظامــي وورّدت بـيرٍ دونها الحــيّه الله يجــازي زماني ويش سوّى بي كلن تتقى طعـــون عــداه غدريه وأنا الوحيد اللي طعوني من احبابي وأن مت .. قولوا لفاقــدني وداعـــيه والله ماني ردي .. وقــــتي تـردى بي |
رد : لحظتك الآن .. بكل صدق
ابو بدر ولا جديد غير الإبداع
في كل يوم نكتسب منك درس فلا تتأخر علينا |
رد : لحظتك الآن .. بكل صدق
وآآآآآآآآآه ياقلب الهلالي الله يسلط عليه نوف لنروى من ظمأه :) tsh3;)tsh5tsh3 |
رد : لحظتك الآن .. بكل صدق
لحظة / tsh3
الفٍ صباح الوفا .. والليل بك .. يسري=والفين صبح الكرز .. من مبسمك .. يحلا لهفان جيتك .. من اللهفة .. نشف صدري=بردان جيتك .. وقلبي بالجمر .. يصلى تكفى .. دخيلك .. تقبّل .. سقت لك عذري=وأنته تعرف البشر .. في بعضها .. تبلى مرات أقول أنها .. تدري .. وما تدري=يا ليتها تفهم .. أني بالحضور .. اولى عشرين عامٍ بقلبي .. يا بعد عمري=ما أظن لحظات .. لو حاولت .. عنك .. اسلى |
رد : لحظتك الآن .. بكل صدق
إقتباس:
مرات اقول ليت حزن الدحيمي ماينتهي للنعم بإبداعاته ;)برغم انك تعلم يابو خالد انني اتمنى لك كل خير بس ياخي مبدع بغضبك صح لسانك من هنا الى اخر سقف للشعر |
رد : لحظتك الآن .. بكل صدق
إقتباس:
ياصباح الكرز والشعر والتركي والوفاء وعشرين عام حطمت كل القصائد التعدديه ياعلي انا اكثر ماوصلت له 8 ولكن غيبتك طالت وحالي صار ماهو حال ثــــــــــــــــــــــــــمان سنين وانا افـــــــــــطر غيابك واتغدابه صباح الوفاء شاعرنا;);) |
رد : لحظتك الآن .. بكل صدق
للنعم = لننعم
قبل مايشغل ابو مقبل الرادار ههههه :globwhore |
رد : لحظتك الآن .. بكل صدق
يالله وش ذا الجلطه!
وش ذا المنتخب! معقول صار منتخب سوريا والأردن يطقطقون علينا! ارفعوا ضغطنا الله لايوفقهم |
رد : لحظتك الآن .. بكل صدق
منتخب يجيب المرض والعله لا اداره ولا لاعبين حسافه من يتابعكم
هايطو اسهل مجموعه وضامنين 6 نقاط برااااااااا والله ماتستاهلون |
رد : لحظتك الآن .. بكل صدق
يستاهلون النشاما ماحولهم احد
|
رد : لحظتك الآن .. بكل صدق
آآآآآآآآه يـا الـأخـضــر مـع التحيــة للـأتحــاد السعــودي لكــرة القــدم مـن عمــل مــن نفســه سبــوس لعبــت فيــه أخـس الـدجــاج مهــا العيســـى |
رد : لحظتك الآن .. بكل صدق
إقتباس » ههههههههههههههه الوجيه ابشرك الرادار رشّه المطر لين غررق واللاب توب روي ماء والآيفون شرْق هههههه وانت خابر المنتجع مكشوف :D ويالله لك الحمد المطر نعمه وخير وصفاء حتى للنفوس |
رد : لحظتك الآن .. بكل صدق
بس الصوره حركة يابو مقبل :) |
الوقت المعتمد في المنتدى بتوقيت جرينتش +4.
الوقت الان » 13:55. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع