![]() |
شتات !!
.
. اذكر إني .. كنت المّك .. أجمع احساسي .. و همّك .. كنّي اتعرّف عليك .. كان قلبي مايبيك .. أو يبيك ..!! آتلمّس بعض أطرافي .. كان قلبي .. غير قلبي وانتِ قلبك .. لك ينادي وين حضني .. وين حضني ..؟ و كنتي باحساسٍ شتات .. هو فرح .. و الا ممات ؟! فاضت انفاسك عليك .. تشكي همّك .. تنده كفوفي تلمّك .. آآه ياحساسي معك .. صدقيني قد هلك .. صدقيني قد هلك و انهدم فيني طموح .. و استوت عندي الجروح .. لمّي بعضك .. جمّعيني .. و ارحلي وخلّي قلبي .. و دوك همّك .. ودعيني .. و اسألي و نادي قلبي : من متى للعشق حاكم ..؟ و من يقول الحسّ ظالم ..؟ آآه ياقلبي معاها .. لو ذبحك الجرح .. هاجر و آآه ياذيك الأماني .. لاستوت معها الخناجر .. ولانهدم فيها طموح .. كثر مافيها جروح .. تنهي الروح .. و تروووح 6 يونيو 2005 م |
انتماااااء !!
.
. قلت : إنتميت .. قال : .. إنتَ ميت !! |
بابي المجفي !!
.
. أكذب أنا .. ما لي شبيه إلا العنا ..! و اللي بقى بـ ظلّي .. يا ظلّي الوافي الكذوب .. من علّم عيونك تذووووب .. من شكّل الوانك غروووب .. و راح ينثرها عليك ..؟ حتى عيونك ما تبيك !! يا [ بابي المجفي ] .. للموعد المنسي .. صار العمر أشباح .. شفني أناديني .. من ظلّها الكاذب .. إلين حنجرتي ..! |
ما فقدتك !!
. . ما فقدتك .. ما فقدتك تدري ليه ..؟ خلْني أحكي لك حبيبي .. إيش معنى اني أحبك : يعني اِحساسي بـ " أناي " ..! تكبر أكثر .. و اعزفك ونّة ,, و ناي ! و افـ غياااابك .. آتبعثر ! تدري إش معنى أحبك ..؟ تعني لما تروح و تنسى .. تبقى فيني .. صورةٍ ترسم حنيني !! و اشربك أكثر و أكثر .. ليييين ألقاني عطشتك !! أكثر من الأمنيات .. اللي تتراكم بـ صدري .. كنت ادوّرني في قلبك !! أعذب من الأغنيات .. امتلا صوتك بـ شعري .. و دوزن احساسي بـ قربك ! عيّت جروحي تملّك .. يا للي قلبي صار ظلّك .. أفقد عيوني حبيبي .. و لا تجي لحظة .. و أملّك . |
هذيك !!
. . أصعب شعورٍ ينرسم في عيونك .................... لا شفت فيها هذي وقلبك بـ " ذيك " !! |
أُبْحُر .. بدونك !!
. . على أُبحُر .. سنين أُبحُر .. حنين أُبحُر .. و اشجانه تذكرتك .. أُبحُر الليلة .. بدونك ! مثل حضني !! آآآه يا أُبحُر بدونك .. مابقى به شيّ .. يغري إلا جرحي .. إلا همّي ! إلا موعدك الأخير .. واحساسي بدونك و بعض دمعي .. اللي مَـ ارواني وصال .. و لاشفاني !! أُبحُر الليلة .. شجن للقلوب اللي تذوب !! أبحُر الليلة .. كفن للبقايا .. و الدروب !! أبحُر الليلة .. وطن للنوارس .. و الغروب !! اللي غنّت في وصالك .. بس ليلة .. صوتها صاير .. نحيب ! تبكي موعدنا الأخير ..! , , يالله ياقلبي نروح .. أُبحُر المرّة [ كئيبة ] .. لاملامح .. و آلآروح !! تنْظر بـ عينٍ [ مُريبة ] !! ما تبينا .. ما تبينا ! |
خذني .. كلّي !
|
الثريا
. . بقى له قلب ينبض بي هنيّا _____________ و لو انّه بعيـدٍ ما تهيّـا ثلاث سنين ينبت في عروقي _____________ غدى رمشي ظلاله لا تفيّا حلف بالله لـ ابقى في عيونه _____________ و حلفت آصون عهدي له حميّا و لكن الزمان اسرف بـ غلّه _____________ و ضيّع مابنيته في يديّا على هون المصايب صرت اغنّي _____________ بعد ما طلت بايديني ثريّا ذخرته لليالي السود لكن _____________ سواد الليل وقّف لي و عيّا بيبقى قلبه اللي قد ملكته _____________ علامة فارقة فيني " هنيّا " |
زَفْرَة
. . ما ذبحني من الجروح .. إلا غيابه و مافجعني من الغياب .. إلا بقايا : دمعته .. زفْرة حنينه .. لهفته .. ضحكة عيونه .. مابقى بي .. من جنونه من فنونه .. من ألم صدرٍ تمنى حضنه .. و زايد طعونه !! من حنينٍ شقّق الصوت .. و كسرني إلا جرحي ..!! كنت احسب إني .. قدرت كنت اظن إني .. سليت انكسر فيني طموح .. وانولد بي .. ألف بيت !! يحكي فراقه .. وقلبي كيف يحيا .. ماهقيت ! غصّة فراقة بحلقي .. باقية .. مُرّة .. أليمة آتجرّعها .. حنين و آتوجّد .. لاحكيت و اشتكي حالي .. لـ حالي مادريت إني .. لحالي !! دون ماشعر .. بس بكيت .. و انزويت اختلف فيني .. ملامح !! بعد ماكنت .. طامح انكسرت ..! و بعض مافيني كتبته .. و اكثر الباقي .. طويت !. الرياض 16 / 03 / 2008 |
رد : بقايا .. من بقايا !!
[المطوع أحمد] لِبقايا أنفاس حرفك جنون لا يُضاهى لك :55: |
أقدّمها لك وانا على استحياء منك ..
: http://www.khozamanajd.com/upload/najd//vggggggg.jpg وكل مايجي [ باااكر ] .. يطييييير هـ/العصفور ..! ::mov:: : |
مها بنت محمد
. . الكريمة / مها بنت محمد بتواجدكِ انتشر العبير .. tsh6tsh6 وهذه لروحك . |
سُهاد
. . الكريمة / سُهاد تعجز الكلمات عن تقديم خالص الشكر والامتنان لهكذا جمال .. فائق المودة والتقدير .................. tsh6tsh6 |
و ... ماتجين !
. . انتي لو ليلة تغيبي .. حتى جدراني اتْألّم !! و كل هذا الكون يصغر .. تذكرين .. لما قلتي لي بـ تجين ؟ صار كل الكون صدري .. وقتها كن الثواني .. خطوة الشيخ الهزيل !! لين ذِبْت بـ ساعتك !! و ما تجين .. و اجمع اعباء انتظاري .. و اذبل اذبل .. و ماتجين .. تذكرين ؟ أنا للحين ,, لو تدرين أمارس لعبة التخمين ! و اقطّف من ورق هـ التين .. و اعلّقها على الموعد .. وجهٍ حزين .. و ماتجين !! تذكرين ؟. |
ميلادُكِ .. أم فقدك ؟!
. . [ 1 ] هَا هوَ عِيْدُ ميْلادِكِ يَعودُني للمرّة الثانية .. يَمُرُّني .. مُرورَ " اللئام " ..! هَاهيَ جُدْرَاني تَنْتَحِب .. هَاهيَ أحْرُفي حُبْلى بك .. كلُ أَشْيَائي هُنا تَرْثيْك .. تُصَلّي كل ليلةٍ بـ " مِحْرابِك " .. تَبْتَهِلُ بـ تضرّعٍ و خشوع .. أن تَعودَ لها الْحَيَاة .! [ 2 ] ما زالت أطيافُكِ تُشاغِبَ جفوني .. ما زالت هَيْبَةُ عِطْرِكِ تمْلأُ أرجَاءَ صَوْمَعَتيَ الْعَتيقة !! تُتَمْتِمُ جُدْرَاني اِبْتِهَالاتها ... بَحْثاً عَنْكِ ! [ 3 ] حُبُكِ خَريْطَتيَ التي أَبَتْ أنْ تَرْسِمَ لي حُدُودَاً أو مَعَالِما ..! [ 4 ] أيَا رَاحِلة .. بَعْدَكِ مَاتَ النْساء .. ضُرِبَت الأُنُوثَةِ في عُقْرِ دَارِها ..! [ 5 ] لِمَنْ أَكْتِبُ أَشْعَاري _________ و عيناكِ لَمْ تَسْكُنْهَا ؟ لِمَنْ أَعْزِفُ أوتَاري _________ و إحْسَاسُكِ لَمْ يُطْرِبْهَا ؟ [ 6 ] ما زَالَ للحَديثِ بَقيّة ,, كَمَا لِغِيَابِك كُلُّ الْـ [ بَقَايَا ] ! [ 7 ] و .. " انْزُفُكِ " لا أَزَال ! الرياض 19 / 11 / 2008 م |
الوقت المعتمد في المنتدى بتوقيت جرينتش +4.
الوقت الان » 20:45. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع