|
توجعيني !!
. . توجعيني . . لا غفى رمشك فـ عيني . . و رحت أدوّرك افـ ضلوعي . . و لا ألاقي غير صوتي . . بعض أنفاسك و موتي . .! توجعيني . . . و اِنتي أجمل من سكنّي لو بتوفيك القصايد . . لو بتوفيك الحروف . . صدقيني لو أقول : أصدق احساسي قصيدة . . . ما بعد قلبي كتبها كانت عيونك و دارك . . توجعيني . . . و اِنتي أطهر من من سكنّي ! يا الأمان اللي انتشلني . . من غياهب ليلي الدامس . . . شرود ! كل شي هـ الليلة موجع . . من أحبك . . لين تسكن أغلى دمعاتك فِـ عيني . . مُتعب الشوق لـ عيونك . . ياللي خانت بي ظنونك . . ينتهي هـ العمر كلّه . . و لا تجي لحظة و أخونك !. |
سافر
. . سافر . . و اترك الليل لعيوني . . و لهموم الوقت . . باكر سافر . . ماقدر اشوفك تساقط . . لو كسرني ألف خاطر . . كان لازم أعترف لك . . إن هـ المرّة قراري . . مو بيدّي . . كان موت الحب . . شيًّ إضطراري . . آه لو تدري وش اللي . . بعد هـ الموقف تغيّر . . شيِّ أكبر من خيالك . . لما قلب إنسان صادق . . ينكسر قدّام عينك . . و ما تحسّ . .! يعني كل الكون في عينه تساوى . . يعني لوّك من حياته ما انتهيت . . الأكيد إنك من عروقه نزلت . . و إن هذا الهم كافر . . يا لله ســــــــــــــــــــافر .!. |
رد : بقايا .. من بقايا !!
وَ هـَ أنآ مُستمرّه في متَآبعه.. هآلصرح آلشَآمخ.. إسمح لي أخي’ أحمد..:: أسميت هآلصرح / ٌ بقآيآ من حنين !! لك عبق يَآسميني متآبعه جدآ / :55: |
خلود العبدالرحمن
. . تسرّني وتشرّفني جداً متابعتك يا خلود .. عميق الود والتقدير ................ tsh6tsh6 |
الأغاني
. . كثر ما يعْرَق لسانك بترديد الأغاني .. غَرَق صوتي بترديدك .. و تجديد الأماني !! على غفلة من الترتيل .. نثرت أغلى عطور الوصل على اهدابك .. وغَفَتْ تهليل .. قاسية كلّ الأغاني .. لو تغيبي قاسية كلّ الطرق .. والمسافات .. ونصيبي ! قاسية كلّ الملامح .. و اخضر طعونك .. ووجهي لما تكْسره المرايا ..! حتى وجهك يالمدينة .. حيل أرهقني شحوبه !! صار بغيابك ضباب !! حتى دمعي اللي تبينه .. صارت أنفاسك دروبه !! وصارت عيونك كتاب !! وليه طيّب كلّ هذا ؟ وانتي أقسى من غرس خنجر غيابه .. وانهال في وجه الأغاني .. دون ذمه .. !! قاسية كلّ الخناجر .. اللي مغروسة بصدري .. مثل بُعدك .. حيل [ فاجر ] !! كلّ هذا .. وماكفاك ؟ يا انتِ جيوش عتيدة ..!! سمّعيني .. كيف [ نبضك ] .. لمّا تشعلك الأغاني .. في غيابي ! سمّعيني .. كيف سوّت [ الشبابيك القديمة ] في عروقك ..؟ رددي أعذب شجن .. واعزفي جروحي ونادي : [ للمواعيد القديمة ] و بوح / صوتي .. من تشقّق فـ المدى .. و اشجاه ترديدك !! عِجِز يوصل .. ذرته الريح في صوتك سنابل .. و انحنى لليل .. ذابل ! كثر ما يعْرَق لساني بترديدك على لحن الأغاني .. غَرَقْ دمعي بمنديلك .. ولا ملّ الأماني !. |
نص الليل !!
. . إنتي يا حسّاسة .. نامي يكون أحسن .. شاعِرك ما يضمن .. قلبه ... ولا احساسه دايم تصيح وسادته .. عيّت تغيّر عادته .. كلما نبض قلبه .. رماه بك ../ داااسه ! آسف على الإزعاج .. و الشوق و الإحراج .. مع قلبي و عيني .. ياللي عقدتّي حجاج ! هذا المسا بارد .. في ذهني الشارد .. اللي تِعِبت آجمّعه .. من قلب هـ المارد ! قروك في حرفين .. هناك وسط العين .. لك هـ الحنين المرّ .. ما يكتبه سطرين ! يا روحي يا بلادي .. هذا الألم ../ سااادي لا صوّتت فيروز .. غنّيت يا شادي ! لو شوقي الليلة .. هدّ الصبر حيله .. بالله قولي لي .. وشلون أنادي له ؟! يا ام الهَدَب و الليل .. جبينك القنديل .. ماقوى أخونك لو .. فسّرتي هـ التأويل !. |
أفواه الشوارع !
. . ما وصلت .. أذكر اني كنت أمشّط هـ الطريق .. و اتوسّل خطوتي .. خايف السكّة تضيق .. ولا ألاقي .. إلا صوتي ! أجهش الموقف بكائي .. بالدعاء ! و احدودب الصبر .. و صرت سيّد هـ الرصيف ! أجمع أصحابي فـ صدري .. وجه وجه ! وآتأمّل هدير الماء .. أعشاب في جلدي تنامى .. من قلوبٍ آمنت بي .. الـ فسوق النظره الصفرا .. في عيون العابرين ! أخذت من ظلّي الشحوب .. وقلت أنسى .. و استمرّيت افـ دعائي .. قلت : أطاول هـ الطريق و خطوتي .. مُدهش الحزن الفجائي .. يِخْرِس أفواه الشوارع ..! ودي أعلن إنتمائي .. بس هذا الحزن .. فارع ! كانت أرصفتي تنادي : و ين سيّد هـ المكان ..؟ حتى أرميني عليه ..! كنت تايه ... بين ماء و إنتماء مدري ويني ! يا صوتي الواقف تموت .. ما بيني و ظلّي .. يشيب في حلقي السكوت .. غيرك .. أنا من لي ؟ يا عابر فيني هناك .. قلّي إذا وجهك نساك .. و حلمك توسّد إصبعك .. و جمعت بعضك من أساك .. من هو اللي يسوى أدمعك ..؟ ما بقى حولي سوى ...... بعض أشجارٍ و ظلّ حزنٍ افـ صدري ذوى ...... و ليل من جفني يطل نفضت من الغبار عيون .. وقلت آهندم شحوبي .. مدام إن الطريق الناس .. و ارصفتي الكراس .. يصير أجمعك يا حظّي .. و أنسى نفسي و الطريق .. و ارمي أعبائي على هذا الرصيف .. و ترحل النظرة هناك .. ذيك المحطة ... بااااردة تستوعب همومك فقط .. إسرق ثواني .. شاردة و اكتب حروف .. بلا نقط خلّك مثل هذا الرصيف .. بسيط .. لكنه مُخيف ! و قل للطريق إنسى . |
وحشة أماكن !
. . لايفوتك .. رحت أدوّرك فيني ... البارحة و لا لقيت إلا صوتك .. ماكنْ قلبك شافني .. أو حبّني ليلة .. ما كنْ قلبي عافني .. في غيبتك ليلة ! مدري وش اللي تغيّر .. كنت كلّك فيني ساكن .. اتحسس في غيابك .. فيني وحشة هـ الأماكن ! وين راحت رهبة غيابك فـ صدري .. وين راحت ؟ وين ذاك اللي إلى منّك زعلت .. زلزل أرجائي ... و جيتك كل ما فيني بيتك .. لهفتي /.. خوفي عليك آآآآهـ منها /.. ومنّك و آآآآهـ من صوتك حبيبي .. يا حبيبي .. لما كلّك تختفي .. و لايجيبك حتى صوتك .. و كل مافيني يفوتك .. و انتهي بك منك .. و أنساني معك !. |
رد : بقايا .. من بقايا !!
. . الساعة : إنتي و نص ! فيني أقدّمها .. و تصير إلا ربع .. و عقاربي ترقص ! قومي و حبيني .. الساعة إنتي وعمر .. لا مابعد عشته .. لكني أحيا به .. ليل /. و حنينٍ مرّ .. و شيٍّ على هـ البال .. يمرّني غربال .. علّق لي أهدابي .. صار انتظاره جمر ! قومي و ناديني .. الساعة إنتي و خوف .. كافر .. ولا يوحي ! ينهش وسط هـ الجوف .. ينسلّ من روحي .. ما يسمعك /. أبكم ! قومي و ضمّيني .. الساعة إنتي و همس .. لاتصدقينه دوووم .. لو هو لِبِسْك هدوم .. بعض السوالف ... لمس .. و شاعر مهزوم .. دايم يصدّق كذبته .. يقول " أحبك " للأخير .. و يرجع يكسّر /... لعبته بقولته : مهموم ..! قومي و غنّيني .. ما قلت لك شاعر ؟!. |
رد : بقايا .. من بقايا !!
أحمد
تشدني قصائدك لدرجة أني أتمنى أحيانا أن أكون أنا من كتبها .. كلماتك قريبة من الروح جداً .. شكراً لهذه الشاعرية المختلفة .. لك الود والورد .. |
ياخذونك !
. . ياخذونك !. في غيابك .. قالوا إني كنت أخونك .. كنت أخونك في عيون الناس لمّا .. تختصرهم في عيونك ..! كل شيٍّ فيك ... ياخذني معه ! طيبتك /.. خوفك علي لمسة يدينك .. حنانك صوتك اللي .. كل ما ضقت أسمعه ! همسك اللي ترجمه دمعي : أحبك لِينك اللي خلّى قلبي .. جوّا قلبك ! حاولوا بي .. من عيوني ياخذونك مالقوا بي .. إلا قلبي في عيونك ! وإني أجمل حيل أجمل .. لما شافوك فـ عيوني ! قالوا إن الروح تكمل .. يامعك و إلا بدونك .. ولما شافوك الذهول .. صار منطق حكيهم ! أدركوا معنى .. أحبك و إن هذا العمر كله .. يكتمل بس .. فـ عيونك !. |
رد : بقايا .. من بقايا !!
أحمد المطوع ..حرف ماشاء الله ..كان ويكون
اسمح لي ..بالقراءه ..والبقاء طويلا |
رد : بقايا .. من بقايا !!
|
رد : بقايا .. من بقايا !!
. . فائق الشكر وعظيم الإمتنان يا شيخة tsh6 |
فارق !
.
. قد ما فيك تبعد .. اِبعد اِملى هالكون فغيابك .. لا تخلي للأمان فرحلتك أي بارق .. اِحمل أعبائك .. و فارق دام حتى الارصفة .. ما قوت حتى تشيلك !! اِترك الدنيا أمامك .. و دير وجهك للسما .. الأرض مليانه ضما .. والعشب الاخضر .. سالفة نرويها للي بعدنا .. لأجل الأمل يكبر .. و ينسى الزمان يعدّنا ! و اللي بذرت أمك سنين .. تسنْبل فبطن الجراد .. لا لاتحاول تحصده .. و القيظ بدده البراد ! واِضحك إذا خاب الأمل .. لانه غدى لعبة ! بتموت ما حققتها .. و تموت لو حققتها .. ولان النتيجة واحدة .. بس اختلاف المفارق .. ولان الألم فارق .. احمل أعبائك و فارق !. |
بقايا ,/ وسم !
. . حبيبتي إنتي و الناس و الذكرى و اللي ترك باكر سطور جداً باهتة عجزت أنا لاقرا ! لو همّي الكافر يترك ( بقايا الوسم ) و عيونك تسافر ... لوحة ( بيوت الطين ) و عاشقٍ ما طال من غايته إلا دعوة عجوزٍ طاهرة مرسومة فوق الجبين ولا تسألين .. العاشق اللي مارحل ولا قدر يوصل مشتاااقلك ،، وجداَ حزين !. |
رد : بقايا .. من بقايا !!
..
إشتقت لهذآ آلمكآن كثيرآ .. :) ولقلمك .. .. |
رد : بقايا .. من بقايا !!
.......... لحرفك... الهام عاشق ...وعطرست محب ... وملكية ..مشاعر
... عسى الغياب ..خير |
رد : بقايا .. من بقايا !!
خلود , شيخة :036:
|
رد : بقايا .. من بقايا !!
. . من ايدك ذي لـ ايدك ذي .. شف اللي بس يرجعنا .. وانا حاضر .. وممنونك أبيع الدنيا لـ عيونك .. ولا أترك في نفسك شي .. أنا اللي من تفارقنا .. إلين اليوم ، إلى باكر إلى .. مالا نهاياتك و انا تارك لك عيوني .. على المفرق .. ورى سْهادي ! و أقضّي ليلي البارد .. أعدّ أوراق رزنامة .. تركتيها تحت جفني .. وانا اتحرّاك .. و اقول الله ياهادي !. |
تعويذة !
. . ....../ وارتب لك حكاوي ليلي البائس : خيوط الفجر ،/ ريحة قهوة أمي ،/ بسملة شايب بعد فرض الصلاة .. الله أكبر .. الله أكبر .. يافلاح الصبح في "تنوّر قوْتي" .. ياكفاح المُتعبين اللي تنامى في سكوتي .. أخبز أحلامي تفاؤل … في دعاوي والديني يكفي ياهمّي تساؤل … لقمة العيش وسنيني والحبيب اللي تحت ضلعه طموحي .. صار لي في كل مفْرَق .. لما أدفن صورته في كل خطوة .. ينبت فـ عيني طموحه .. و أغرق، أغرق .. بين حلم وبين واقع ! بسمك اللهم .. أوادع بسمك اللهم .. أوادع ! غازل الدمع .. الظلام يا وسادتي يالله .. ننام !. |
| الوقت المعتمد في المنتدى بتوقيت جرينتش +4.
الوقت الان » 23:45. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع