عضّيت خدّك .. ماني قاصد اجرحه !
.............. شفته مورّد ... قلت يا متباهيه :

ما ناقص إلا .. ينخلق لك اجنحه
............. عشان احلف .. انك فراشه زاهيه !

يكتبني فيك احساس نومك وأمسحه
............. وأكتبك فيني .. إني مهبول وداهيه ؟

لن اللي في قلبي .. عيوني تفضحه
............. واللي يحب ... دايم عيونه ساهيه !

في هالزمن زلات .... لكن يدمحه :
............... إني رغم .. كل الوجيه .. الواهيه

قادر أتلّ القلب .. واشقى , وانصحه
............. بس ما تكون هموم صدري راهيه

فجأه اعترض لي خدّك ومن يلمحه
............. بيموت لو ما عضّه .. وإنتي لاهيه !!

قلت لك :

لا قلت لك وقّف

تحدّاني .. وأمش !؟


وقلت لك

لا قلت لك : لا تلتفت لي

التفت .. من دون رمش ..!؟


مشتهي اشوف الفضاء بأحساس عكس

امّا انّا نشقلبه

او على بعض نتشقلب !؟


خلنا نبدأ نجرّب

كيف نتعاند .......... ونتحرّك جميع !

خلنا ندوّر بعضنا

وإن لقينانا ......... نضيع ؟


اهدني فصل الشتاء

من دون برد

وانا بتنافض من الحر .. وأزكّم !؟


اهتف لفصل الربيع

الموت ورد

وانا بجمع لك خضار الأرض كلّه

ونترك الغيمه .. تحكّم !؟



ش احنا خسرانين يعني

لو عصرنا فكرنا الشاطح عصر

لا انت اول من يأشر بأصبعه

ويبغز مداه !

ولاني اول من يصرّ

يخلق من الضحكه شفاه !؟

كسر الخواطر فلا يحتاج تجبيره
.............. إن ما تشافى مع الايام ما يشفى

وشله تطوّل بحكيك دامها قصيره
.............. مانيب مثل اول ادمح زلتك وارفى

لجل آتعايش معك عيشتني بحيره
............. ولو ما احترامي لك وترديدك لتكفى

ولو ما الشواهد على وقفاتي كثيره
............. ما ارتّب انه تحسن حالتك و اجفى

اخفيت نبلي واشياء صعب تفسيره
................ والحين جيت بتبيّن كل ما يخفى

مشكلتك انك خلطت الجد بالغيره
............ واحرقت نفسك لجل تحرقني وتطفى

ومشكلتي اني احفظ الود و الجيره
............ وما احب اسولف بظهر الآدمي لـ اقفى

انا هديتك وطن تتنعم بخيره
............. يوم انك اوّل حزين وعايش بمنفى

انا اللي صج الزمان بعمق تفكيره
............... وعلمك كيف الحمامه لا بردت تدفى

تجمع جناحينها من آخر الديره
............... وتظم باقي جسدها الأبيض و تغفى

حاسبت نفسي لأن الغلطه كبيره
................. اني بلحظه فتحت القلب للملفى !!

ادري والله انّك حبيّب

بس هذا الوقت ماهو وقت

انت كيفك .. وانشالله طيّب !؟



هذي كلمه مثلها مثل السلام

لو تمر بشارع الكل بيقوله

لو دخلت بمجلس ومحدٍ يعرفك

كل من فيه بيقوله ؟

يعني ماله نكهة الماضي

ولا صدق الكلام !

ومن يحدد فيها قدره .. عند من حوله

بيشيّب ...!؟




خذ نصيحه .. إن بغيته

ولاّ إرميها وروح

هذا وقت ان شفت نفسك تايه

أو راسك يفوح

مخطي لو مابك حكيته

تعلّم انك تخفي عن نفسك .. بنفسك

او إذا وصّلت حدّك

فضفض لنفس الجروح !؟


لانها لا يمكن تطلّع سوالفك لأحد

او تضحك بوجهك

ومن خلفك تعيّب


وادري والله انّك حبيّب



يا كثير الطيبه

والنفس القريبه

خايف يجيك اللي جاني

يوم سر القلب بحته

كان ما قدّامي بعده إلـ احد امرين :

يا اموت الين اموت

يا اعيش الين اموت

وحقق الله الثاني .. والأول مسحته !



وهذا انا قدّام عينك يا حبيّب

بس تكفى لا تصير زيّهم وتقول كيفك


لاني والله ماني طيّب !

تـكـس .... تـكـس

لو سمحت إن كنت فاضي

ابغى توديني على دربك لبكرى

وترجع ترجعني لأمس


ودي اشوف ان كانها بتفرق معاي

بس خلك مصحصح عدل

وأنا بخليني متغاضي

ونعيش هالأحساس عكس ..!




تـكـس ... تـكـس

عديت من هذا الرصيف لحد عندك

وما استغرق الممشى ثواني

بس كنّي ما تحرّكت ابد

واللي تحرّك لك مكاني

ما مرّتك حاله تصير ايام عايش

بس عيشتك من دون نفس


إلا اسألك

لا صار مشواري بعيد

وما معي منّي سوى شكلي

وتصبيرة سوالف

والضيقه ملعونة كديد


هاه قلّي بتوديني يا ساعي الشوارع

او هقوتك تضرب على المشوار اكس ..!


اوكيه اجل بنزل هنا ؟




اممممممممم






























































تـكـس


تـكـس

الحقيقه اني نويت احكي حقيقه
............. ما بقى فيها مشاريه و طلايب

كل نفس ٍ لو مواريها طليقه
............ ما خذت وقت ٍ تشفـّى بالقرايب

من يعرف العيب ويميّز طريقه
............ ما يفوته قولة : أذهن للنوايب

ذاك علم ٍ لو تناقله الخليقه
........... ما ذكر حي ٍ يسولف للسحايب

يا معنّي نفسك ونفسك رقيقه
........... لا تخلّي محجر العينيـن رايب

وش يفيدك قولتك: نشّفت ريقه
........... او بغثـّه بالحكي لوم ونشايب

او عشقته لجل يدعونك عشيقه
......... او خذيته بالحجج طيب وغصايب

وانت تدري .. خلّني اكمّل دقيقه؟
......... وانت تدري بأن غيرتك السبايب

من يغط بشكّه اتحدّى تفيقه
......... لو صحى ترجع تباغته المصايب

الغلا ما ينوخذ باية طريقـه
......... كان ما لك من تنهّـاده عجايب

لا تلـفّ ضلوعك .. وكنّك تعيقه
.......... اما تلـّه .. ولا عـلّـمت الهبايب

كم رفيق ٍ حضـّره غيبة رفيقه
.......... ولو تدقق بـ النظر تلقاه غايب

الحياه دروس لا قسته عميقه
.......... بين قصـّاف العمر وسلوم شايب

واحدٍ لو تاخذه للضيق ضيقه
.......... او نساه الدرب واقصته الحسايب

او تحمّل بالخفا ما لا يطيقه
.......... او تجـلّد صبره .. وشـدّ الركايب

يقلع عيونه : ولا تبتل غريقه
.......... لغير خشية ربـّه وموت الحبايب

ولاّ كانه جت على الدنيا بحريقه
........... كل نفس يحوشها بـرد ولهايب ..!

وانت يا الخفّاق وشبك تنوجع وتمص دمّي
................ ليت لك نبض ٍ يلمّك لـ اشتكيت من القهر

كان ما ولّيت وجهي للحنين وزاد همّي
.................. وكان ما قـلّبت نفسي بين يدّين السهر

كم تعيزم فيك ضلع ٍ للعنا وقرّبك يمّي
................... وكم تمرّك من سنين وإنت عدّاد الدهر

يا الكبير اللي نبت لك اجنحه بكيفي وكمّي
................. وش خذيت من البساطه غير طعنات الظهر

إن بغيت تطير هذي فرصتك والدرب فمّي !
.................. وانت حدد يا تموت بأول او تالي الشهر !!

.. لو ما أبيك ..


" ما تشوف "
ضلوع صدري .. ثلّجت
وهي تحتريك ..!

" ما تشوف "
الناس ماتت في عيوني
واختفت !؟

" ما تشوف "
الكلمه لامن جيت ابنطقها
وقفت !؟

انت اكبر مشكله عندك حبيبي
( ما تشوف )
................... الله يهديك ..!!

من يقول النوم بيدي لا نوت عيني تنام
......... وداخل عيوني حبيب ٍ صاحي وحارب منامه


والعشق كنّه دقايق لـ اكتمل وقته تمام
......... دقّت اجراس الخفوق وطار من ضلعي حمامه



والهيام اللي تسولْفه القصص ماهو هيام
......... لو يسولف عنه صدري زاد تقويسة هيامه


سامح الله طول دربي وبيـّح الله العظـام
.......... يوم جيت اشيل نحفي وأطلب الله السلامه !!

هاه يا خلـّي ..!!

كان ودّك بـ البعاد

ما علي خلاف : قـلّي !


وانت كيفك

لا نويت تروح .. رح

رح لـ أاااااااااخر ما توصّل له خطاك

راح تلقى انّي معاك

وراح تلقى الكون كلّـه

يجيبني لك .. من وراك


وانا جالس في محلّي ..!؟

يا متختخه .. وحجاجك الردّاح لا منّه تقوّس
.............. يترك سؤال بداخلي .. معقوله زيّنها الكبر

ما كنت اظن القلب ينضج .. انا خابره متموّس
............. وما كنت اظنّ اسفنجتين الصدر محطوطه بقبر

بس احذري طفل البدو لا طاح بالنعمه يحوّس
.............. ويكره كثير إن الأماني الجيّده .. تُشبر شبر

توّي عرفت ان النظر لو ما انتبهنا له يسوّس
.............. وإن الحنين اللي عقوقه يقتلك فجأه يـبر

وإن القمر لو ما احتياجه للسما ولليل نوّس
............. والشمس تحرق نفسها والأرض ما طقّت خبر

عمرك سمعتي بيد بين اصابعه فم و يبوّس
.............. هذي يدي لا صافحت يدّك .. وطقطقها الصبر !

للذكريات .. وخفيف الدَّم يا جدّه
................... شي ٍ يحد الخفوق ... وشيٍ آحدّه

لن الأماكن ابد ما عاد تاسعني
................. وانا عرفتك رخاء في تالي الشدّه !

ما كنّي إلاّ شبيهي يوم توديعك
.................. وما كنّك إلاّ انا .. واحسبها بالمدّه :

يومي أهز الضلوع والعن اشيائي
................ والصوت ياصل الين اقصاه وآردّه !

شوفيني حالف ازورك بالسنه مرّه
................ واقول واحشني بحرك .. تسألي شقدّه؟

واقول من دون قدّ .. وتنطق عيوني
................. قدّ الحنين ..وعتاب النفس والصدّه !

لاني بأول جريح ٍ ... يزهد بثاره
................. ولاني بآخر حبيب ٍ .... يكسره ودّه !

اعلمك يا صاحبي ليه انا جاي