|
رد : منااااااا (ياووووطن..) اااااافي
وكل عام وانت بخير يابو فراس انت من القلة القليلة التي تشعرنا ان الدنيا لازلت بخير فكن بخير ايه النقي |
رد : منااااااا (ياووووطن..) اااااافي
اهلاً بك هنا وفي كل وقت وزمان اختي وحش بساتين من الورد لحضورك الكريم كوني بخير |
رد : منااااااا (ياووووطن..) اااااافي
وانت بخير يابو سلطان لك الله ما اعظمك وما اروعك وما اسعدني بك يافهد شكراً على كل شي ايها النبيل |
رد : منااااااا (ياووووطن..) اااااافي
وانت بخير يابو تركي كل ما في هذا الصدر وطن لك ياعلي تحله كيف تشاء ما اسعدني بك ايه النقي |
رد : منااااااا (ياووووطن..) اااااافي
حان القضاء ياراعي الدين لاحول يامحترق في صرخةٍ مالها صوت مشيت في دنياي بالعرض والطول ولقيت بالدنيا شقيٍّ ومبخوت لو يستوي فيها معافى ومهبول كان استحى التفّاح .. من عزّة التوت ماكل من طبّ البحر يجلب اللول ولا كل بحرٍ فيه لولٍ وياقوت ولاكل مزنة تروي القاع هملول ولاكلّ مزنٍ يحجب الشمس .. ويفوت ما احتاج (سور الصين) .. لشموخ ( ابو الهول ) ولا استعاب الفقر .. من ملك (طالوت ) باب الدعاء يالصبّر .. لو كان مقفول ماكان (يونس) ناجيٍ من حشى الحوت! طفولةٍ .. ماتعرف اسطورة ( الغول) وطفولةٍ .. منها غدى الغول مبهوت حلّ القضاء ياراعي الدين .. لاحول يامحترق في صرخةٍ .. مالها صوت ! احدٍ .. ينازع سكرة الموت معلول واحدٍ .. مع الدنيا نسى سكرة المووت .. حسبنا الله ونعم الوكيل |
رد : منااااااا (ياووووطن..) اااااافي
لا اله الا الله , سبحان الله , ماشاء الله , تبارك الله ..
سيدي محمد الدحيمي ... قسما بمن جعلك معجزه شعريه اني قبلت الشاشه من شدة الطرب وادامك الله ذخرا للشعر ... وكفى |
رد : منااااااا (ياووووطن..) اااااافي
إقتباس:
لا أجد ما أقول حقيقة كي أفيك حقك .. سأكتفي بكلمة واحدة محمد الدحيمي |
رد : منااااااا (ياووووطن..) اااااافي
ياغارم : يكفيني ان هناك من يقرأني مثلك لأستمر دمت لي اخاً وصديقاً وابن عم اعتز به |
رد : منااااااا (ياووووطن..) اااااافي
ياعبداللطيف : حضورك الغيم هنا شرف وكرم منك على اخيك دمت لي اخاً وصديقاً اعتز به ايها النبيل |
رد : منااااااا (ياووووطن..) اااااافي
(( بداوة حضر )) عوّدت عيني وعودي عاده اخضر لامات حلمٍ .. قلت ياعين فدوى وأردها لله .. اذا مسني الضّر ولا ادرهم رجيلي على غير جدوى ليه اتعدوى .. لمن بالطيب يحضر ماهو عدوي !! وانا ليش اتعدوى؟ يامناظر الشين وأسمه شين منظر اتقدّ بي .. والاّ انا .. بك ماتقدوى لاعاد تتفلسف علي .. او تنظّر خل الجروح اللي بلا دوى بلا دوى ماني مصدّق وانا لي عين تنظر هذا مريض .. وذاك نقّال عدوى مايغبنك شوف ابدوي ٍّ .. تحضّر الموت .. لاشفت احضري ٍ تبدوى!! |
رد : منااااااا (ياووووطن..) اااااافي
ياااااااااااااااااااااااعم طيرررررررررررررررررر هناك بس منّة الله ولامنّة عبيده فضلك يالمنان بالتراب سفر .. غربة .. متاهات وطريقٍ مامشته خطاي انا والسندباد اللي يحث خطاي تسرع به اذا شق المساء وجه الشفق قلت ابتدأ مسراي نحرت الوادي اللي مانحره الذيب من رعبه تحزمت الشقا واخذت شلفا جدي بيمناي تزهبت الكفن والخوف ولد اللاش يشبع به ادوّج خطوتي واسج لا ذاكر ولا نساي احدّر بالسهل واليا زمالي مرقب اطلع به اثرني كلما اسج وعلى غربي طويت رشاي طواني واديٍ كنه يبات الموت في شعبه وانا والله ولد نشمي ولكن خيبت هقواي حظوظٍ كلما طيرت لي طيرٍ توقع به وصلت وفي يديني سلعةٍ ماسامها شرّاي لدارٍ قالوا اهله : يانما ماجبته ارجع به يبيعون السراب وكل رايح له خطاوي جاي واذا ساوم .. شرى عزّة فقير لطفلته لعبه انا اللي وان غدى جلدي غطى والا الحجر مركاي عزيزٍ ماخضعت الاّ لرب الناس والكعبه وانا ماني نبي ولا عصى موسى بمثل عصاي ولاني كافرٍ لا صارت سهامي بلا جعبه تمدن داخلي طفلٍ عشق رعي الغنم والناي صدق والله ابوي اللي يقول : المرجلة صعبه |
رد : منااااااا (ياووووطن..) اااااافي
يارخص هالدنيا / بعين اللي عشقك / ويا غلاك يعيش بعضي في هواك .. / وميتٍ فيك اغلبي أنا وبارد قهوتي .. / من أمس واحنا في حراك وهذا الرماد اللي تشوف شفت الرماد اللي هناك البارحـة .. كان حطبي بـأورد مغاتيـر الولـه / عدكّ واقول أطفي ضمـاك وليا أرتوت / قلت : اررررجعي يمـّه وعلّي وإشررربي حيـل الله أقـوى / كلّما قفيت ناداني هواك وان جيت تجفل مثلما / يجفل من الزول الظبي بلاي يجبرني هواك / اتحملك وادمح خطاك وأعذرك والاّ اغلب معاذيرك / لها وجهٍ غبي اشرق بشمسك / خل شمس الكون / يكسفها سناك ليا شرق نورك .. / تساوى فجرها والمغربي ان كان لي مقيال .. / مقيالي عيونك ياملاك وان كان لي مرقاب / في نايف رموشك مرقبي يامتعب الخطوة عساها بالعمى / عينٍ تراك ما تذكر الله / ثم تتبعها الصلاة على النبي كل لقى حظه وانا ../ يا لعنبو حظي معاك خليتني تالي العمر/ طفل من الشوق يحبي |
رد : منااااااا (ياووووطن..) اااااافي
.. اطوي جديل الليل بعيونك وخلي لي السهـر الليله اما أنه سهرنـي الليـل والا باسهـره شاعرك نثّره الزمن مابين مدّه والجزر الليل لو لملم شتاته .. جاء الصباح وبعثره لا صار معروفٍ صنعته ذنب وشلون اعتـذر في وقت من يصنع به المعروف محدن يعذره قلبت في وجه السنين ولا لقيت الا الصـور وابيات شعر بين موزونـه وبيـن مكسـره وش عاد لوني شاعر كله هواجيـس وفقـر كم شاعر ٍ مثلي غدا به هاجسه ليـن افقـره انظر بناتك كلهن صـارو عوانـس بالفكـر ماقلت لك من يزرع الزقـوم يبلـش بثمـره كم عندلٍ كانت تبي قصيدةٍ مني مهر جاات بغنج عبلة .. وانا جيت بشجاعة عنتره لـو للهوى شيمـه تـرده مالقينـا بالبشـر رجاااااااال تخشاه الرجااااااال .. وتصرعه نظـره مـره مسكت لي غلطه على قلبي وغلطتة بعشـر لكن نزف جرحه وقلت : العفو عند المقـدره اعاند ايامي واشوف الوقت شيـب بالشعـر واضحك واقول ان الزمن ماهز بالراس شعره ياحلوتي.. تدرين وايش اقسى وامر من الصبر حلمٍ فطمه الياس في مهده وعـاش بمقبـره ياحلوتي .. لو تحرق الشمس الفيافي والشجـر تعجز لهايبها ولا تقوى علـى ظـل شجـره المغفره والذنب كلن جاء يـدور لـه عـذر هالحين مدري من يتوب الذنب والا المغفـره |
رد : منااااااا (ياووووطن..) اااااافي
من كمك الى كمّك من تربتك للمّي ازريت كيف المّك وتقعد معاي شويّ الله ما اثقل دمّك يالميّت اللي حيّ تخمّني واخمّك حتى حفت رجليّّ ياخي اذا مايهمّك يهمّني ياخيّ ياحظّ يرررررحم امك ركّز معاي شويّ |
رد : منااااااا (ياووووطن..) اااااافي
ماعاد ياليل الوجع / باقي احداق ياراجيٍ .. من مزن الأحلام / هملول! سرّاق/ ينهب من ردى الحظّ / سرّاق! معلول/ ومصدق يداويه معلول ! يالايم ٍ صدر الدحيمي / اليا ضاق بدلت / لامعقول الأيام / معقول! والا فأنا عالدرب / والساق بالساق ماصدّق الحكمة / من لسان مهبول! لكن شفت بعمري / الوان وأذواق واضرب لك مثال ٍ / على كل ما اقووول :- اعمى.. رزقه الله ولد / لكن معاق !! وتاجر .. ولا له غير بنتين / وخبول!! ومشلول.. جاء له طفل / لكن طلع عاق!! وعاقر .. تبي طفل ٍ / ولو كان مشلول!! |
رد : منااااااا (ياووووطن..) اااااافي
محمد الدحيمي
أتمنى أن تعرف شعوري اثناء قراءة قصائدك ... يارجُل ... أنت .....؟؟؟؟ تدري ماني بقايل فأنا لم أحضر هنا لكي أقول عنك وأقول فما تكتب خير عرّابا لمحمد الدحيمي ... ونحن هنا كلنا نمثل كفّان كلاهما يصفّقان لك طربا ... ادامك الله وأطال الله في عمرك يا بعد راسي .. تقديري |
رد : منااااااا (ياووووطن..) اااااافي
صديقي الغالي جداً محمد آل مريع
حضورك وقرائتك ومتابعتك شرف اكرمتني به فشكراً لك كما يجب |
رد : منااااااا (ياووووطن..) اااااافي
البارحه ساري وانا كلّي طعون وكنها تعرفني .. كل لوحااات ساجر! وغنّى ( عبادي ) انتي انفاسك .. ادخون! وغنيت انا .. لازلت يالحزن فاااجر!! ايّة خناجر .. أيّة جروح بتكون ؟ هو عاد في ظهري محل لـ خناجر ؟! وزرق المحاجر / ماهي هموم وشطون انا انولدت اصلا / بزرق المحاجر هاجرت طفلٍ عن بلادي / ومغبون! وفي اربعيني في بلادي مهاجر! .. |
رد : منااااااا (ياووووطن..) اااااافي
محمد الدحيمي
السلام عليكم ورحمة الله وبركاته مررت بهذة الخميلة الشعرية المتميزة ولا بد أن أضع بصمة إعجاب وتقدير ويبقى للشعر أربابه الذين طبعوا عليه مودتي واحترامي هاني |
رد : منااااااا (ياووووطن..) اااااافي
حضورك الغيم والديم الكريم ياهاني شكراً لك مطر حضورك |
رد : منااااااا (ياووووطن..) اااااافي
ابطيت في وحدتي .. كالعاااااده لحااااالي يااااارب محتاااااااااااج لأي انسااااان افضفض له محتاج لأنسااااان بس .. يدااااري احوااالي مابغى صديق ٍ ماغير .. اغمز واغمض له ماني بحاااجة خسيس ٍ يشفق بحاااالي والا قعدت احتري من عينه .. النضله وش ذا القررررف .. ياسنيني بأول وتاااالي ؟ حتيش والهم يفتل لي / وانا انقض له؟ الله خلقني انا والحظ / عذاااالي من فطرته مقفي ٍ عني / وانا اركض له! |
رد : منااااااا (ياووووطن..) اااااافي
يادرب ياللي ضعت به وسط الضحى هذا وانا اللي كنت خايف فيك اضيع انا ادري انك مستحيل الصحصحى يعني لو انك مستطاع .. بنستطيع لكنّك ابعد مـ النجوم .. السبّحا في مهمان الفلك .. والكون الوسيع الساق والا القلب ؟ مادري من نحا ازريت وانا اذبها مع كل ريع واوراق شعرٍ قد كتبته وانمحا طشيتها وانا على الخط السريع والحب .. شف الحب .. لو له وجه يغسله السحا .. مادرّج العبرات / في عين الشجيع!! |
رد : منااااااا (ياووووطن..) اااااافي
بعض الهقاوي عذرها قلّة الحيله وبعض الهقاوي / عسى الله لايوفقها يقلون لي ليه تعشق ريح هالشيله؟ .. فيها بعض ريحة امي !! .. / كيف ماعشقها؟! |
رد : منااااااا (ياووووطن..) اااااافي
كيبوردية لاتحتمل اي حساب اقبلوها كما هي بكل تلقائيتها وتقليديتها المباشره ولكم الفضل في ذلك :) .. الجادل اللي عقبتني مبري قدرت علي وانا قوي الهمّه كنها احلفت بالله لتحفر قبري ولأورد قليب الموت واشرب جمه قولوا لها تاخذ من الله .. اجري وتخاف بي علاّم غيب الأمه وان علموها ان الزمن ذا مغري فـ انا الزمن علمني ارقى القمّه مادري هي اصلاً تدري او ماتدري اني لها اوله / مثل طفلٍ لأمه وان حبها عوّد بدمي / يسري لين استباحت من الدحيمي دمّه بنتٍ تقووول : تحب ريحة عطري من يومها واقسم قسم بالذّمه اني شريته كلبووه وعذري _ مابغى لاجيت اشوفها .. ماتشمه :) |
رد : منااااااا (ياووووطن..) اااااافي
اهداء للشاعر الجميل فهد الاحمد وكل عشاق طلال المداح رحمه الله http://www.youtube.com/watch?v=qOowS...eature=related .. البارحة واقصى الوجع يشبه ادناه انا وحزني مثل هرشٍ وحاديه ياقطع قلبي يابري الحال برياه كني ضريرٍ مالقى من يقديه صوتٍ يقول التتن يامال فرقاه وصوتٍ يقول التتن حذرا تخليه ماغير انا والتتن ومقيط ورشاه والخبت والغدراء وليلٍ تواليه .. تشبه ضعون مربعينٍ بمثناه يبكي الخزام ضعونهم والتهاتيه ياصاحبي ياعاشقٍ كني اياه كنه يسولفني بعشقه وماضيه عاشق تمثناه الغرام وتمثناه صحيح كل اناء ينضح بمافيه والله لمن حدّ الدحيمي من اقصاه الين صارت كل ذكرى تناديه اللي بلاني به من العشق يبلاه واللي رماني به من الوجد يرميه بعض الغلا تعجز توصفه الأفواه وبعض الوفا / تلحقه بعض المشاريه وبعض التوجد ضعف لاقيل ويلاه والحر مايدري بسده بناخيه والرجل لامنه توجد وقال اه يما يبّكي الخلق .. يما يخليه طرى علي وانا اعرف الدرب واقراه وسجيت فيه .. وتوهتني المهامية ومن دون مادري قمت اخايل محياه وادرّج الزفره بصدري واناجيه مادري على ايش ابكيه .. واسرفت ببكاه بس احمد لله .. كنت وحدي وانا ابكيه مع ( طلال) / اقفيت اغني .. لذكراه (منهو حبيبك غايتي بس اهنيه) |
رد : منااااااا (ياووووطن..) اااااافي
بعض الهقاوي عذرها قلّة الحيله
وبعض الهقاوي / عسى الله لايوفقها يقلون لي ليه تعشق ريح هالشيله؟ .. فيها بعض ريحة امي !! .. / كيف ماعشقها؟! أقوى حروفك في هذه الزاوية ممتعةوتشعر القارئ بالسعادة وأبسطها مبكية وربي لله درك حتى ترضى دمت برعاية الله |
رد : منااااااا (ياووووطن..) اااااافي
الى حبي الأبدي وعشقي الخالد .. .. من علبة الوانش / الى علبة اااااالواني هيّا .. بنرسم سوا / طفلة ويااااااسمينه دلووووعتي / طفلتي / يا اجمل الحاني تدللي / سوووي اللي بي / تسوووووينه وان قلت لش لا / وقلتي لي .. علشااااااني .. آآآجيش طفلٍ يكااااابر جرح .. سكينه تدددلّعي .. واستبيحي كل وجدااااااني لبببببيه / ياكبددددد ابيش / ويابعد عينه انتي وبس الأميرة .. مامعش ثااااااني ياسندريلا الدحيمي / واجمل سنينه ضحكتتتش ..يـ ( الزينه ) / تنسيني احزاني وازعّل الخلق / لأجل رضاش .. يـ ( الزينه ) ... .. . يااااه ياطول وياحلو الحديث عن: الزينة بنت محمد الدحيمي :) وللحديث بقيّة.. |
رد : منااااااا (ياووووطن..) اااااافي
حضورك الغيم اختي هناء شكراً لك كل هذا المطر |
رد : منااااااا (ياووووطن..) اااااافي
لاصار .. لاوازع حيائي .. ولا دين بعض البشر مدحه يجيلك مسبّه ! عادي وجدا..! صدمتك في القريبين بس الوجع .. صدمتك باللي تحبّه ! |
رد : منااااااا (ياووووطن..) اااااافي
ممنوع الدخول لأصحاب القلوب الضعيفة :) .. ,, االلي شرى له بندقٍ .. ( ام حبّه ) ليته شرى له بندق ٍ .. ( ام ناظور) ,, وجعان واهل الطب عجزوا بطبّه ان قلت هذا ثور .. قال احلب الثور ! مطفّف المكيال يشبع بحبّه والشر مدحورٍ .. وراعيه مدحور ياسيدددددي .. كلن بيرزقّه ربّه لكنّ .. / رح منّاااااك..! / دستور / دستور ! ماني بمن يُمدح بوجه المسبّه او يحترم مدّاحه .. ببيت مكسور والا خبيلٍ .. كل من جاء لعبّه ويكبّر اللقمة / وهو ماش حنجور ! ماعمر مثلك / شال همّ المنبّه او قوّمه جوعه / مع بزغة النور من ذمّة مقاول على دين صبّّه يمسي على همٍ / ويصبح على جور يمّا غدى بين / اصطوانه ودبّه او لاجل شيبانه .. شحذ كل دكتووووور بالله تعرررفني ؟! او انك مشبّه ؟! اقووووول سقها / لاتخليني اثوررر الله ولا بعض الغلا والمحبّه لاجتك من مفضوح .. في وجه مستور ياشيييييخ / قفلها بقفلٍ / وضبّه وطقطق على غيري وماجور ماجور :thumb: |
رد : منااااااا (ياووووطن..) اااااافي
ماكن بيني وبينك/ يالحزن موووونه ؟ عقب الوفا / كنك البارح تبي غدري !! يقطعك يا خوّةٍ / ماهيب مضمونه الله واكبر! كذا ؟! / كنك .. ولا تدري خليتني من سفاف البيد / لضعونه من سدرة المنتهى .. لـ منتهى السدري القلب قلبي / وانا ابخص منك بطعونه والقدر قدري / ولاني جاهل ٍ قدري بعض الطواري / تجيك شطووون مجنونه وبعض التناهيد / جاثومٍ على صدري لاهان راسٍ وضح شيبه / ولا مهونه ياعارضي / وان غزاك الشيب من بدري |
رد : منااااااا (ياووووطن..) اااااافي
عملاااااااق.. ياعملاااااااق / في حفلة اقزام وشللللك وللأقزام .. مادمت عملاق ؟ السالفة كبوة جوادٍ ولا قام سبّاق شوط / وخمسة اشواط لحّاق ! وحنّا على الحروة نعض له الابهام ونظلم (سبأ بلقيس) / يا فتنة الساق !! لوما حسنّ الظن / باضغاث الاحلام ماكان ضعنا بين طاقٍ وطرباق ولاقيل لعيال الخزى سبعة انعام او تشمت بعمر اللقاء / لحظة فراق احدن يعيش / ويحتري حكم الإعدام واحدن يموت / وكم يعيش له مشتاق يااصاحبي .. لاتخدعك بعض الاقلام وتضيع من ذمة .. منافق / لسراق كم فاجرٍ / متستر بثوب الإسلام وياما بـ برّ الوالدين / ايهذي .. عاق وان شفت لك عملااااااق وانجب له اقزاااااام طلاااااق .. الاّ حراااام / ماعمر القزم جاب عملاق |
رد : منااااااا (ياووووطن..) اااااافي
لحظتي بكل صدق : اكبر همومنا واسوء مايشغلنا ويقلقنا يتقزم امام عامل النظافة هذا .. اللهم انس وحشتنا بقربك وقربنا اليك كما قرّبته وردنا اليك ردّا جميلا .. |
رد : منااااااا (ياووووطن..) اااااافي
يا واحة الشعر.. علّك ما نسيتينى ما تذكرين الدحيمى ؟؟ .. ما تذكرين الدحيمى يا ربا الواحه..؟! أنا الدحيمى ..! بعذرك ما عرفتينى العرف ضاع بزمانٍ قلّت أفراحه دخيل نزف القوافى لا تلومينى مزّاح .. يحسب جميع الخلق مزّاحه والله ذبحنى .. وهو من قبل مشقينى قلبٍ يسجّ .. وصروف الوقت ذبّاحه تدرين وش غلطتى واللى مخطينى؟ إنى مثل مسعف المجروح بجراحه..! خطاى جيتك وأنا بأول ثلاثينى طفلٍ .. تعانق براءة طيشه صياحه فى حروة أمّه تنادى : .. يا بعد عينى والى أنتهى من غبوقه.. تفرش مراحه ياما .. نشدت القدم : وين بتودينى ؟ وياما .. نشدت العيون : لوووين نّزّاحه ؟ بالمسبحه قلت أبطوى هالقلق فينى حتى طوانى القلق وأصبحت مسباحه وأثار كلّى .. يدوّر فى شرايينى عن بعضى اللى شهق بعروق نواحه رجعنى الحظ الاقشر .. لاجمل سنينى للفارس اللى .. تنثّر دمه بالساحه يا راحة البال .. كيف تضمك ايدينى لا صار بال الشقاوي .. فاقد الراحه ؟! تكفين يا واحتى .. قولى عرفتينى ..! قولى ذكرتى الدحيمى .. شاعر الواحه ..! |
رد : منااااااا (ياووووطن..) اااااافي
|
رد : منااااااا (ياووووطن..) اااااافي
بعض الهواجيس.. يالله عافني منها يارب عفوك وتوبة .. تغسل آثامي احيان لاسج فكري .. قمت اهيجنها واحيان .. كني اعيش بآخر ايامي |
رد : منااااااا (ياووووطن..) اااااافي
كلن له الله .. وكلن يسري بهمّه الليل ظلما .. وسرّاني لظلاّمي يممت وجهي.. وكانت قبلته يّمـه عقدت صومي / ولكن فطر صيامـي نمام سوده / لفتان الحور .. نمّـه خدّر رموشه .. ولحظ الخدر مانامي لحظٍ تقل قاضي ٍ لا عرف .. لا ذمـه فيه البراءة .. تعدت حد الأجرامي وعينٍ تشوف الطمان بعالي القمّـة شرهة كوابيسها .. لأضغاث الأحلامي مآجور .. يا جرحه اللي كل ما ضمّه اهديت للبيد .. زرفالي ودرهامي ظامي .. وإلى جيت ثغره بأرتوي جمّه اورده ظامي ٍ .. واصدّره ظامي أثار ماكل صيدٍ .. ينسفك دمـه ولا كل من شل بأيده بندق ٍ .. رامي يالبدر .. انا لو مدحتك / كني أذمّه وشلون أقول انت تشبه ترف الأقدامي ؟! بلاك ماشفت ذاك اللول في فمّه اليا انبلج بين حبة خال .. وزمامي |
رد : منااااااا (ياووووطن..) اااااافي
قريت لي تغريدة ..تنعى وفاة انسان يقولون كان موظف..في المقبرة دفّان هالوقت لاتستغرب .. لو تزرع ببستان شتلة عنب بنّاتي .. وتصبح وهي رمّان |
رد : منااااااا (ياووووطن..) اااااافي
ياوقت عقبت مركى الشايب هداني وخلّيت راعي الوفاء والطيب عارية حنا ترانا برحمة عالي الشاني عالم خفايا النفوس وعالم النيّه والا ترى ماحد ٍداري عن الثاني كلن على عرق جدّانه تواليّه ابووووك يالمال .. كم عليت من داني عقب الكدش صار خيّال ٍ على عبيّه |
رد : منااااااا (ياووووطن..) اااااافي
لحظة اخرى من أحد الأركان الخالية في اقصى زوايا الذاكرة : .. كان ابوي يحدّني من صغر سني للثقيلة قال لي مره وهو زعلان : ياخالي الفؤادي والله ان اللي بروس النخل مايشبه هليلة ومن قرصه البرد لاشح الحطب شب الشدادي اول احلامي / زماااااان / .. اصير شيخٍ للقبيلة واخر احلامي عقب / عمرٍ قضى غربه .. بلادي وكانت احلامي .. كثر ماهي بسيطة مستحيلة واجمل احلامي .. صباح الخير من مبسم هنادي |
| الوقت المعتمد في المنتدى بتوقيت جرينتش +4.
الوقت الان » 22:22. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع