رد : للجرح بقيه
لاتسولف عن جميل احدن قبل يتجمل ولا تصدق هرجةاللي .. بالذنوب يجاهر وانت بشراك الفلس يا حضرة المتأمل مستحيل الفار تلقا فيه .. فار ٍ طاهر |
رد : للجرح بقيه
في زمان الطهبله ماعاد للابداع .. دور صار صعب تفرق الشاعر .. من الطقاقه لاتحسب الشعر ماواجه مصير الدينصور انقرض .. مدري بقى وانقرضو الذواقه |
رد : للجرح بقيه
لـولا .. طـهـارة نــيــتي . . مـاتـألمـت هي غلطتي .. ولاانت مسئول عنها هي السبب والله ولاغيرها .. لمت اغلب جروح ٍ صابت القلب منها عـلى كـثـــر نكـبـاتـهـاا . . مــاتعلمت شفني لهالحيـنـه وانـا ادفـع .. ثمـنـهاا ياصاحبي ماعندي ابلغ من الصمت بـيض النوايا . . يـررحم اللـه زمنهاا |
رد : للجرح بقيه
ركاب العزايم ماعليها من الــ هو هو ونعمه من الله فقد من فقده .. يربح تجله تحشمه تكرمه الردي هو هو تمسيه بالجزله .. على الهزله يصبح |
رد : للجرح بقيه
والله اني مالقيت اصدق .. من العفويه والصراحه مكلفه .. لكن .. تريح بالي عشرتن ماهي على وضح النقا .. ملويه جـو .. ماتـرتاح له نفسي .. ولا يحـلالي ومع سواد قلوبكم .. تبا .. لحسن النيه كان ردت للكاعه .. يصعب استـغـفالي بس ، ماعودتها مبطي .. على الدونيـه القمم تروق لي .. واللي يبي .. يرقالي |
رد : للجرح بقيه
القمم تروق لي .. واللي يبي .. يرقالي
شطر هامته أعلى من كل ثناء من أجمل ما قرأت. |
رد : للجرح بقيه
هذا من ذوقك ، الله يحفظك اختي الكريمه ، أعلى من الشعر والثناء عليه وقوفك هنا:rose:
|
رد : للجرح بقيه
جرحين في قلبي غدى كيدهن كيد يـاعـيـد فــقــد الـلـي عليهم .. وعـيـنا اقصى مداها فرحتي فيك .. ياعيد هي هالصلاه .. ولاقضينا .. قضينا |
اللي خلقني .. ماترك في داخلي لهم .. مكان
ما احتقرت احد كثر من يستلذون الهوان واللي على لا شي .. لا قامت ترز نفوسها واهل التلون ، والمنافق ، والدني ، والهيلمان واللي ليا سمعت خبر ، راحت تدربي روسها |
من راح منه الحيا .. جاوز جميع الخطوط
ياتايه الراي مشخال الرجال الضغوط وركايب الهـم .. لامـن حطت رحـالهـا تفرق طريق المعالي ، عن طريق الهبوط ومنهو تمركت عليه .. ومن تمركى لها فرسان وقت الرخا .. مردها للسقوط يوم الشدايد معاها .. تطلع .. رجالها |
... من جعل نور وجه الله مصباحه ...
ماتعودت من صغري على الراحه وكل حاجه بحب خشوم .. مابيها الفرج بالسما .. والصبر : مفتاحه وخالق الروح .. لايمكن .. يخليها |
رد : للجرح بقيه
بالفلسفه .. ماتمتلي يالمترف بطون الجياع اللي مدى احلامهم ماجاوزت حد الكفاف مالك لوا ياللي تقول الحاجه ام الاختراع هذا مثل والا الوكاد "الحاجه ام الانحراف" |
رد : للجرح بقيه
لاصار ربك .. عن اللي تنطقه راضي لاتحسب حساب من يزعل ومن يرضا |
رد : للجرح بقيه
الكبر اذمـه .. واكـرهــه .. واتـبـناه لا اوشـك الـواطي .. علي يـتـجـســر والهــرج ، لامنك تجـاوزت .. معناه فهمه : على حسب النوايا .. يفسر يطيب فهمه .. عند من طاب مرباه واهـل المـكـســر .. يـفـهـمـونــه مكسـر الـلـي يبي قربي .. مـن القلب حياه ومـن زان لـه درب المفارق .. ميسـر اللي خشيت مفارقـه .. ذقت فرقاه ومـاعــاد بـــه شي ٍ .. عليـه .. اتحـسـر من لاحرص يكسب من الخالق رضاه حتى اليـســير .. ليا بــغــاه .. يـتـعـســر |
رد : للجرح بقيه
اللي يخاف من الطويلات ويهاب ينزل وماله بالطويلات .. حاجه |
رد : للجرح بقيه
العذر ياللي متت جوع وماتهيالك رغيف الله يفـرج .. هم ربعي .. لاتـزود همهم ياليت همي مثلهم دوريك ياعبداللطيف اللي على هم الصداره .. محرقينن دمهم |
رد : للجرح بقيه
التجـربـه .. آخـر قياس العلاقات عندك قبل خوض التجارب بصيره تلقى الصغار .. يكبرون الصغيرات وتهون .. بعيون الكبار .. الكبيره ولاشفت منهو تستفزه .. تفاهات هذا هو اللي عنك فرقاه .. خيره خـسارتـه .. ماتتـنـتمي للخـسارات الـلـي على سمـعـــه .. ركـابــه مغـيره |
رد : للجرح بقيه
ياصاحبي بعدك منعت التلفات فقدك .. لحق حتى على ذكرياتي خلاني اكره لايجي ذكر مافات مع انه .. اجمل مرحله في حياتي |
رد : للجرح بقيه
ياللي على البال مامريت !! لاتـنـفعل .. كلهــم .. غـرو لانك معـزب .. وراعي بيت ماكنت من ضمن من مرو |
رد : للجرح بقيه
المشتهي يستخدم الوقت معلاق وتصير عنده كل عوجا .. سويـه شماعةٍ واللي ورى ، فقد الاخلاق موتت قلوب الناس، والناس حيه |
في هالزمن بيض النـوايا شحيحـه
ياصاحبي .. لو قالو الناس للناس قـل ليتها من بعضها .. مستريحه في هالزمن ماعاد الامثال مقياس صح المثل..يوم الاوادم صحيحه |
رد : للجرح بقيه
معادن الناس .. تكشفـها لك الشــده مصير الايام، تكشف لك عن الخافي عند الزمن .. من صدور الناس مسوده تفرز لك المعدن المغشوش .. والصافي في ساعة الكرب يامكثر هل الرده قليل هالـوقت تـلقا الصاحب .. الـوافي |
رد : للجرح بقيه
وليا ضاقت صدور الناس ماضاقت بنا الآفاق لك الله .. ماتضيق بعين .. من حط الله بعينه |
رد : للجرح بقيه
استفحل الامر والا صدرك .. استمرا بالحـالتيـن .. اعـذرك لـو .. ماتدانيني بعيون مثلك.. طبيعي .. صوفتي حمرا ولو زنت بعيون مثلك، طحت من عيني |
رد : للجرح بقيه
ماضاع بالناس، عند الخافض الرافع تلقاه .. لاعـودت روحـك لباريهاا النـيــه الطيـبــه .. يـامـدور النافـع لو الوفـا بـار .. مـابـارت براعـيـها |
رد : للجرح بقيه
موتك.. بقلبي حسـرته ليـن ما موت لين اتبعـك مايتـرك الصدر .. همي اما بـهـذي .. ما معك حـق يـالمـوت ماقلت لك خـذني؟ قبل تـاخذ امي |
رد : للجرح بقيه
"نذيرالخراب ليا غدى الكذب سبوبه" ........ ترى العقل لامنك عفيته..من التـفـكير تساويت باللي خالـقه ربك .. ركوبه لياصار همك ترضي الناس.. منت بخـير ترا الصدق.. باللي مانطق فيه.. له حوبه تغانم رضى من بـيده العسـر .. والـتيسير والارزاق عند مقسم الرزق مكتوبه كثير المهايط.. ماخذ المسأله.. تخدير لعله .. يعوض .. حاجةٍ منه .. مسلوبــه |
رد : للجرح بقيه
من الظلم انك تطلب العلم..لين اتدوخ لتحقيق حلم ٍ.. قيمته عمـرك الماضي ويجي جاهل ٍ .. يحمل شهادة، ممسح جوخ يخلي تعبك.. يروح كله على الفاضي |
رد : للجرح بقيه
هذي شواهد.. لاتحسب انها شيب واسبابها :nono: هذي، لك الـلــــــــه عنها شف من لها بين الاوادم .. معازيب اغديك تلمس بعض الاسباب.. منها تقصر..عن اللي مارفعها عن العيب لكن على الطيب .. تـسابق زمنها |
رد : للجرح بقيه
الصدمه اللي خلت الواهم .. يفوق يـازيـنـها.. حتى ولو هي .. شنيعه ياللي على طبـيعتك .. حدك الشوق دربـك خضر..ولاتـدور ذريـعـه دربي ترى ماهو.. لحي الله.. يلوق تحـد لـه رجلـك .. ولاهي مطـيـعـه معذوره اقدامك..ليا واجهت عوق منـتى مـعـودهــا دروب ٍ .. رفيـعـه مغـفور ذنبك بنـظري..منت محقوق عمـر الـتطبع .. ما يـغلب الطبـيــعــه ماهو خطاك..انك تحدرت من فوق خطاي انا.. رفعت ناس ٍ..وضيعه |
رد : للجرح بقيه
دور الناصح .. وبعدين النصيحـه النصيحـه وين؟؟ والعالم .. تراقل اقرأ القرآن .. وتشوف الصحيحه ولا تهاون.. بالصلاه .. ولا تـثاقل |
رد : للجرح بقيه
لا يغرك .. من تـقـفاني بـغـيــبـه اجرها جاني، وعند الله جزاها شفني بعينه ليامن جيت.. هيبه مايكمل.. سالفته اللي بداها |
"ماحملك ذنبٍ وانا فيه ساهمت"
خطاك وحده .. مايعرضك للشمت ونفسي .. مهو خذلانـك اللي غبنـها لـولا..طـهـارة نــيــتي .. مـاتـألمـت هي غلطتي .. ولاانت مسئول عـنـها هي السبب والله ولاغيرها .. لـمت اغلب جروح ٍ صابت القلب .. منها وعلى كثر نـكباتها.. ماتعلمت شفني لهالحيـنـه وانـا ادفـع .. ثـمـنـهاا ياصاحبي، ماعندي ابلغ من الصمت بـيض النوايا.. يرحم اللـه زمنـهااا |
"مفرق دروب"
اكذب عليك ان قلت لك عفت مابيك ماقلـتـها.. مابـيـن نـفـسي .. وبـيـني يـاشيخ انا لاجابت الناس.. طاريك تـطــيـح والله حـاجتي .. مـن يـديــني غــلاك في قلبي.. على حطـة يـديـك سدٍ وقـف .. بـيـن الاوادم وعيـنـي لو هو عطاك من الغـلا .. مايكـفيك مـاصك بـيـبانــه .. عـن اللي يـبـيـني |
بسطت لك كف السماح وتماديت
كانك تحرى جيتي يـوم صديت كرامتي لاشفتني جيت..هنـها وكرامتي ياللي بروحي تساويت روحي ورحك .. ماتـعادل ثمنـها ماني من اللي يلقطون.. الحتاويت انا الثمينه لاسقطت..شمت عنها |
خل السوالف بيننا منطقيات
بالشعر.. يوم اقحمتم .. العنصريـات عندي عن افكـار التـخلف.. منـاعه ماعرف..تصنيف الفرق والجماعات اللي اعرف .. اني لحـالي .. جـماعه ومفاخـر الاحياء .. بافعال الامـوات مثـل السجـين .. اللي يـدور شفـاعه بشت الفخر واقع.. وراعيه بالذات اللي يعيش .. ولقمته .. من ذراعه |
"الجمايل بالردي مثل الرزايل"
لاتجمل بي .. ولا فيك .. اتـجمل التجارب.. ورت عيوني.. هوايل ماخسـرت بـهالعمر .. يوم اتـأمل! غير من سويت بـلحاهم .. جمايل |
رد : للجرح بقيه
مـاكنت قـدام الخـيارات .. مـحـتـار كـل الخيارات .. المتاحـه . . لعينه القلب حبك، وانت صدتك الاقدار وانا ضحيه رحت بـينك.. وبـينه ومن صد.. ماله ذنب في كل ماصار الذنب .. ذنب اللي عليه.. يعينه ذنب الخفوق.. اللي يدورله اعذار يقنع بها.. والعمر.. تركض سنينه واللي بقى من حلو الايام .. تذكار تدعيه لحظات الغروب .. الحزينه غلطان ياللي تحسب الليل..ستار لاوالله .. الا.. هو بلايه..بعينه |
رد : للجرح بقيه
وعين الردي ماتشوف الا العذاريـبي ياعل ماللـردي .. عين ٍ يشوفــ اـبها مابين روس الشواهق، والسراديـبي كلن عيونه تـشـوف اللي يناسبـها |
رد : للجرح بقيه
اذا كانت النصيحه تساوي جمل ، فليس من العدل ان تقدمها الي حمار |
الوقت المعتمد في المنتدى بتوقيت جرينتش +4.
الوقت الان » 09:43. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع