http://www.sh3byat.com/vb/images/icons/damn.gif



مــدري خيال اللـّي حـصل ولاّ حقيقـه غايبـه
........ أنـّي أشوف الكـون يعـكـِس صورة أشباهك عليك

دام المشاعر كـلـّها بشـفاك صـارت ذايـبه
........ وشـلون أبستـر هالغلا..وأسكت..وشوقي يحتريك؟

أقصر معانيـك اللقـا وأطول حدودي سايبه
........ وأوضح تفاكـير المـسا أنفاس ملــّت تـهـتديك

شفتـك مسافه والفضا رحب وحظوظي خايبه
......... وأقسى تـجاعيـد السهر كذبه تـحِـس أحيان فيك

كن الخـطاوي لغـير دربك من أثرها تايـبه
........ وكن العـُمر أوراق صفراء هزّت أغـصانه يـديك

توّي بقول إن المدى مـُبصِر وكفـّي عايـبه
......... وأخيط فم الليل والعـب لعـبة تجـيني أجيـك !

تتوقعين اللي جرْحه الشوف عـينه طـايبه
........ دامه إلى ضم الهدب فوق الهـدب ما يحـتويك

شـ عاد لو صرت التمس عذرك وأنا اللي جايبه
......... أو أمحي وجَْودك وأخـلّي عـِرق فيني يرتـجيك

الموت حق.. ويخـتـلف صِدقه : وكِلاٍ هايـبه
......... لوّك خـذيتي سكرتـه مِـنـّي جبرتـه يفـتـديك !

سجـّيـت عن وجهي وأنا متأكد إنـّك غايـبه
........ وردّيت لـه وآنـا مشكـّك..وأسألك إنتي هـذيك !؟



ساحر اللعب بالكلمات .. / صالح العبدالكريم ..

قدره على التركيب والجمع بين المتضادات والمتباعدات جمع جديد ومبتكر

في أبيات يعجز الوصف عن جمالها وقوة / رقة أحساسها !!

.
.
.

كن الخـطاوي لغـير دربك من أثرها تايـبه
........ وكن العـُمر أوراق صفراء هزّت أغـصانه يـديك

توّي بقول إن المدى مـُبصِر وكفـّي عايـبه
......... وأخيط فم الليل والعـب لعـبة تجـيني أجيـك !

شـ عاد لو صرت التمس عذرك وأنا اللي جايبه
......... أو أمحي وجَْودك وأخـلّي عـِرق فيني يرتـجيك




الشعراء كثير .. ولكن ليس كل شاعر مبدع ..

وهذه القصيده وخاصة الأبيات تستحق برواز .. وشهادة وسام .. وأستحقاق لشاعر مبدع ..

الف صح لسانك ..

إعجابي ثم إعجابي ثم إعجابي ..



.