شعبيات - الى الخـــــاين والشعب العربي ؟؟

ماجزى من قبل الخاسي وتمرغ بالطمانه"=" الا قص السيف والتعزير في ذاك الجباني
الزمن يطلب رجال(ن) والزمن ماهو زمانه"=" الشجاعه لو يقول ان الزمن ماهو زماني
لابس(ن) ثوب البطوله وداخله غدر وخيانه"=" جعل من خان العقيده وسط بيت اهله يخاني
لعنبو ذالسحنة اللي تدعي فعل الامانه"=" ولعنبو لسانً يخفي كذبه بوسط المحاني
ويش ذنب أم(ن) نحوها عن ولدها وعن مكانه"=" ولا ذيك الطفلة اللي شيبت قبل الثماني
من ضرب تحت الحزام وغرر الخلق بلسانه"=" ادعى حب الرعيه طامع(ن) زود العواني
ابعدو ذاك الملطخ بالقذاره والذعانه"=" يكفي اشواق(ن) تباكت ترتجي صوت الاذاني
يايهودي وان قوى المسلم على عسفة حصانه"=" والله ان تنهض عزوماً مالها اول وثاني
لانكر ولا نفر ولا نخاشرهم هدانه"=" مسلمين مقبلين موتهم عز واماني
البلا ماهو ضعفنا البلا نقص الديانه"=" والبلا بالكاهل اللي مايبي قرب الدواني
البلا في قلب(ن) اسود بايع(ن) حتى حنانه"=" والبلا بالتاجر اللي مايقول الله عطاني
البلا منا وفينا لي متى نكبح عنانه"=" وين نخونتنا عن ارضَ(ن) في يد المجرم تهاني
عاد افهمها ياخالي ماتبي زود الذهانه"=" وش بلانا الا شعوب(ن)ً تاكل وتشرب اغاني

عاد افهمها ياخالي ماتبي زود الذهانه=عاد افهمها ياخالي ماتبي زود الذهانه
عاد افهمها ياخالي ماتبي زود الذهانه=عاد افهمها ياخالي ماتبي زود الذهانه

شاعري / راجي لم أستطع أن أقول لك مساء الخير أي خير بعد هذا النص الموجع
شكراً لـ ضميرك !!!!!