|
رد : أشــدُّ مـن الشِـعْـر !
باب الزمن واقف على درفة مسافات الثواني ........... من قُربه : اشعر بالسنه .. عقرب ثرى .. تلدغ ثريّا ! عيني بعينك ياصبر : عنّيت رجلي في مكاني ........... وَصَلْت اراوح بيني وبينك / وخطواتي .. هنيّا ياليتني لاشبْت ماشيّب ولي بعض الاماني ........... لاقلّوا الاحباب من زوّادة القلب .. اتـّـــهيـّـا ! ناديت باصوات السنين السود : جدران المباني ........... ماردّ طين الراحلين .... وحاجتي تملا يديّا خلّوني اعيش بزمانٍ جاهلي .. ماهو زماني ........... كلْ مازهمت الجرح في حاجة سؤالي قال : هيّا ! برحل مع الذكرى .. سفير احلام .. متغرّب عشاني ........... وان جبت للحلم المقفّي ( حلم ) ثاني منه : عيّا !! مال الزمن .. غيري زمن .. والعمر ماسدّ بمكاني ........... ان غبت لاتبكين : ياعيني عليّه / هي جفيّا !! |
رد : أشــدُّ مـن الشِـعْـر !
اكثر جميل العمر للموت ناكر ............. بالٍ طويلٍ ماتحدّه سماوات يمكن .. ضحى مكسوف من شمس باكر ............. ويمكن قصيدة شاعرٍ .. وقتها / فات ! هوّ الوفاء ..بين الزمن سيل حاكر ............. ولاّ السحاب المرتوي .. يرعد .. سكات رحله ... حقيقه تفتقد للتذاكر ............. وابسط من احساس المُعافى / بالاوقات ساكت زهر والحكي .. معسول .. ماكر ............. من للقلوب وصادق النحل .. شمّات ؟ ممنون باقي من جحود امس ... شاكر ............... رغم الطريق وزلّة ارض المسافات باقي عبث .. يحمي عرين العساكر ............... واقدام تحذيرٍ على درب الافلات هذا انا تلميذ وقتٍ مذاكر ............... حمله قبل حلمه يباعد ... عن الذات انسان منسي راح مازال فاكر ............. كلّ التفاصيل الدقيقه ... ولو مات !! |
رد : أشــدُّ مـن الشِـعْـر !
هذا المتصفح آآآآآآآآآآآآآآآآآآآآآآسر لا تغيب فيصل :55: |
رد : أشــدُّ مـن الشِـعْـر !
الوجوه : اللّي مع اطراف السكوت .. ماتلتقي في رحلة الجايين .. صوت ! والرايحين بناس مامعهم دليل واللّي مع الجرّه تتوه ! من هو دعاها لاتموت ؟ في قمّة غناها .. وهي في ذمّة الكهف بـ تسير .. ولا احدٍ جاها ! ينقذ الباقي من الظلّ .. ويطير تحت عيون الكلّ .. واجفان النهار لا ماعلى خلّك ملام .. المساء : يخطف من احلامه .. نهار ! ماهو نهار اليوم / يوم ( اكهف ) منام !! واحلام تتشقّق عليك .. تستنطقك صوتٍ يبيك ! ماهو انا : اكيد .. اكيد .. ماهو انا او انت ! او حتّى يديك ! هذا إهو : وجه النهار اللّي غدى بين الوجوه ... ماعلّموه : ان الصدى ... ماهو على خُبْر السنين مخفي : مثل ذكرى / ورى الذكرى يبين ! لاهو رجع صوته مع الايام / صوت ولاهو نسى كلّ الوجوه اللّي على باله تموت |
رد : أشــدُّ مـن الشِـعْـر !
http://sh3byat.com/vb/sh3byat/misc/q...t-top-left.gifإقتباسhttp://sh3byat.com/vb/sh3byat/misc/q...-top-right.gifhttp://sh3byat.com/vb/sh3byat/misc/q...ot-by-left.gifالرسالة الأصلية كتبت بواسطة عنودhttp://sh3byat.com/vb/sh3byat/misc/q...t-by-right.gifhttp://sh3byat.com/vb/sh3byat/misc/q...p-right-10.gif
هذا المتصفح آآآآآآآآآآآآآآآآآآآآآآسر http://sh3byat.com/vb/sh3byat/misc/q...t-bot-left.gifhttp://sh3byat.com/vb/sh3byat/misc/q...-bot-right.gifلا تغيب فيصل :55: ولن أزيد .. |
رد : أشــدُّ مـن الشِـعْـر !
ياصاحب الظلّ الطويل ............ شمس الطريق مطوّله ! تعطيك من دربك .. قليل ............ وخطواتها .. متسوّله مـ اشفق عليك الليل .. ليل ............ من نفسك المتحوّله مرحلك .. توبير النخيل ............ وآخرك ماراح اوّله من علّم البارح .. يحِيل ............ بين الضلوع معوِلّه ؟ يكسر سنا الضلع الصقيل ............ ويشبّ فكرٍ لي .. وله ! انت .. انت مع نفسك خليل ............ تطمين نفس مهوّله ياذا القريب المستحيل ............ في روحي المتجوّله مالي بدل شعري بديل ............ وابيات ماهي مقوّله ماكنت عن عمري بخيل ............ يمنى الكريم تنوّله ان جيتني .. راعي جميل ............ ماخاب راع الاوله وان جيت .. من حالك .. ثقيل ............ في غيّ نفس مموّله اصرخ .. يطاولك العويل ! ............ ولاطحت منه .. ارق .. اوّله ! |
رد : أشــدُّ مـن الشِـعْـر !
فل الاجنحه اشرع القلوب الخاصه والخاصه جدا العزيز فيصل بعيد عن فضائيات الشحاذه والبعارين والشريطيه حين تصبح الصحافه الشعبيه سخافه شعبيه اشبه بكراسة مراهق يبقى الفضاء النقاء الوحيد للحمام الزاجل الاسطوري ولاتنحي الابجديه تحيه هدوء فقط لك لنعود لنبضك اخوك فالح بن مشهور الايداء |
رد : أشــدُّ مـن الشِـعْـر !
http://www.sh3byat.com/vb/sh3byat/mi...t-top-left.gifإقتباسhttp://www.sh3byat.com/vb/sh3byat/mi...-top-right.gifhttp://www.sh3byat.com/vb/sh3byat/mi...ot-by-left.gifالرسالة الأصلية كتبت بواسطة عنودhttp://www.sh3byat.com/vb/sh3byat/mi...t-by-right.gifhttp://www.sh3byat.com/vb/sh3byat/mi...p-right-10.gif
هذا المتصفح آآآآآآآآآآآآآآآآآآآآآآسر http://www.sh3byat.com/vb/sh3byat/mi...t-bot-left.gifhttp://www.sh3byat.com/vb/sh3byat/mi...-bot-right.gifلا تغيب فيصل :55: عنود هو حضورك الذي جعل للحضور معنى .. اعدك ان اكون هنا بمشيئة الله ود |
رد : أشــدُّ مـن الشِـعْـر !
قوم انطفي ضَـوح ! لو .. نادى من الطور .. احبابك .. اللي رحلوا للنور .. من عام ! وانا بـ ... اروح ! انتظر في دربك البور .. كلّي امل .. في الامل لوّ ارجع عظام ! ماهو مهم ... المهم .. استجمع الهام .. في روح عيّت تغيب بداخل الروح ! دُخّان ... دُخّان .. دٌخّان .. دُخّان يتصاعد من الغيم ! ماهو قديم .. اشتعل في خاطري بوح ! سؤال يبقى مقيم / بظلّ منفاي لاهوى في بالي سديم / ولابدى راي ! ( عانه ) هنا ( عانه ) هنا يرقص مع البال / دانه لو راح تشعر مكانه .. بين الابيات خذها قصيد وجديد العين مابات ! لاتموت في راحتي .. مافي يدي روح تحت الغضب يرتفع في يدينك اسراب دُخّــــــــــ ن ـــــــــا يطلق يدين النور وتفوح !! ! تفوح تفوح تفوح |
رد : أشــدُّ مـن الشِـعْـر !
مبدع فيصل .. نطمع بـ مشاركتك أيضا في أوزان واشجان قسم يهتم بالتفعيلة .. سـ أكون من المتابعين هنا أيضا .. ولم ولن نغفل عن إبداعاتك ..http://www.sh3byat.com/vb/images/icons/damn.gif |
رد : أشــدُّ مـن الشِـعْـر !
شقّق جدار الوله صورة العشق التليد ................ كلّ ماطشّ الزمن .. روح غيّابي .. عليّ امس لفّيت المواني .. وانا ساري بعيد ................ من يدي طارت قصيده على قلبٍ خلي ! من ضحك باكي ؟ ومن يبكي وقلبه سعيد ؟ ................ اشتهي موتي غرَق وسط همٍّ ممتلي ! يا اقدم جدار انتظاري .. ترى مابه جديد ................ لاعطيت العمر ( وقتي ) ولاظلّيت .. لي ! مبطي اسافر معك .. في مشاويري .. وحيد ................ نافذه لاطلّ منها .. سحابك ينجلي ياعذابي ريح الايام صلفه ... تستزيد ................ كلّ خطوه تبتعد .. مقرُبه من مقتلي ! هوّ انا ماجيت من خاطري / خاطر عنيد ................ رحت مهجر للمدينه .. بمنفى منزلي ! آسف ... انْ كاني رحلت وبقى منّي نشيد ................ قلت اغنّي ... دامني في دروبك مبتلي ! |
رد : أشــدُّ مـن الشِـعْـر !
يابلادي والسهر ممحل وطرف السفر مايل والعمر والاموات من بينهم وادي !! وانتي فيك ارواح شتّى .. بلاطايل ! ماتنادي في طريق العمر .. تايه لو تشتّى مصيَف الصبر بـ عبايه مو كفايه نترك ارواح ونسافر نترك الدنيا ونهاجر مو كفايه يهجر الحُلم المضاجع .. منافينا وامانينا تخطف الحِلم .. المواجع .. من ايدينا ! ثم نغيب .. نغيب في غيهب التخمين هو بقى للحين حملٍ رحم شايل ! ياحسافه دمعنا ..يضحك علينا ! ياموطني لاشاب .. يافع من العايل ؟ والفقر دافع .. قيمة العجز .... والمبدا فارغ و تملا حاوية صمته .. الدمعه كلّه كذا .. يندا على جمره السُمعه ! ياموطني حضنك خياراتي .. واحلامي لاشفت غيري طال وانا عليك اجدا ! ليه انده ايامي وصوت الرجاء امسى .. عنده اذن من طين .. تبحر بلامرسى سكّين .. تزهم وجه للقبله .. مسمّي من يلتفت يمّي برغم اتجاهاتي لو ينقطع في امانينا عجين امّي ويعيش تحت الجمر .. منّي .. انا .. اثنين واكثر بعد .. منّي بعد ... من مواليفي من غايتي لاطاح ريش التعب .. مرقى ! واول شقا لاختار فيني نهاياته مو هي حكاياته .. ولاهي حكاياتي حكاية التأبين لانسان ماهو ( انسان ) اللي بقى منّه ( لسان ) وجروح كثار تهزّ صدر الثار .. ياجرح ( لاتصالح ) ! لو يشرب المالح قتيل الغدر فيني ! قد طال حبل الجرح .. ماعاد يمديني كل شي .. ينبي عنه شيّ ... ورق حتّه ريح الصبر والجوع واشياء من حتّى !! |
رد : أشــدُّ مـن الشِـعْـر !
 لاتختفي فـ اوضح معالمك .. بـ غموض .......... الوقت بعض احيان .. مايشبه الوقت ! يا اعظم حبيبٍ فيه من وجهي .. رضوض .......... اذا انصدمت ؟ ... انا من اجلك .. تعوّقت من قبل يطلع في السماء .. للمساء .. نوض .......... ضيّقت بعض الليل من كلّك ... وضقت ! لمحت في يدينك مطر ... عَـسِّــه الرّوض .......... مدري فتح طاريك / عيني ... ودنّقت ياخائضٍ مزْن الطواريق ... مفروض .......... تثمر على غصن السطر .. لاتسلّقت ! الشوق : طيحة حيل بالحبّ منهوض .......... وانا كذا مشتاق من يومي [إ] خْلِقـت ! مُـرهـق , وقالوا عنّي الناس : محظوظ ! .......... مرتاح باعينهم , وفي عيني : أُرْهـقْـت ! لاتندهش لاغبت ! .. ماغبت .. بغموض .......... ريّحْـت من عُـمْـري [ سنه ] .. بسّ ... واشتقت ! |
رد : أشــدُّ مـن الشِـعْـر !
بالله وش عُذر الكِبَرْ لامـن كُبَر .. فرق السنين ؟ .................. لاصار خَدْش مرايتك .. يكبَر تحت مَـلْمَـس يدِك ! ماشفت وجهك في وجيه احبابك .. المتْـغـرّبين .................. العين تتجَعَّـد وساده .. للسهر في مرْقـدِك ! في واحة احلام الورَق : حبر , ورطَب نِخْل , وطحين .................. ووجيه تتساقط على ارضٍ .. تحرّى مصـعدِك ! هذا انت ؟ .. مو هذا طموحك .. تنقبر في كلّ حين .................. لاطحت من حيلك حظيظ .. / .. ولارقـى من يسعـدِك ! صافح غِيابك .. كفّ غيَّابِـك .. وعاد اطول .. يدين ! .................. إشتاق لك من كلّ قلبه شوق .. / .. عجّل بوعدِك ! شيّب على ظَرْف الجليد .. / .. [ بلاد ] تستوطِن حنين ..................قصّيت عُمْرك من طَرَف عُـمْرك .. / .. وهذا موقدِك ! ... ودُخَّـان يتململ على رَفّ المنام .. / .. بكلّ حين .................. ودلال باقصى مدْخنتك .. / .. وركن كان لـ مسجدِك ! واصوات ورعانك .. / .. ونور سراجك .. / .. وجارٍ امين .................. وامّـك تنادي : ياااااااولدي لاتروح من ليّ بعدِك ؟ ياذاك من هو راح ؟ .. / .. من هو باقيٍ نصفه .. حزين .................. من خاب تحت الارض ؟ .. / .. من هو قيل له : طاب جهدِك ؟ واللّي قعَـد تحت الحياه .. / .. اذاني من طين وعجين .................. لابدّ يومٍ صـادرٍ من عـِدّ موتاك ... وردِك !! |
رد : أشــدُّ مـن الشِـعْـر !
وين رايح ؟ .. / .. وين رايح .. ياسديم الارض ؟ وين رايح للشقا ؟ .. لاتنكفي بالعرْض ..! .. / .. لين دمعك يستطيل في تفاريق اللقا ! والارض ياصبرك عليها .. / .. ماتبيك ولاتبيها اخترق ضلعك وموت .. وعاهده .. لاتموت فيها .. ! شقّقت فوقك غمام .. احتاج شربة موجعه .. ! وامطر وطاحت من يده .. دمعه على كلّ الشقوق ..! وعيّت تبعده .. كلّ هـ الدنيا عقوق .. والله انْ هـ الدنيا تعوق واحوالها منّا وفينا .. ! بسّ حنّا .. ماعلينا .. / .. لو يجوع الكون .. نبقى .... وين نبقى ؟ في البيوت مشرّدين .. وكلّ شارع ينتصف ..؟ ياخذك بـ اثر الشوف .. عين .. ! ... ولو ظميت من المواجع .. / .. ماظما قلبك ظروف جوع شبْع / وجوع جايع .. / .. والمجاعه .. ماتروف ! ياااااا : آهـتـه .. خُفّي عليه .... بيموت هو .. لاتحتريه ! بياخذ بثاره شوّي .. شوّي .. شوّي لين انّه يموت .. ! ويطيح من عينه وجع لو كان في صبره ... صبور .. ! .. والنور : يبقى لو بدالك في آخره [ حفنة ظلام ] ! مادام جوّك .. ماصفالك ../ .. قوم اندفن تحت الزحام ..! واصرخ ... وحاول .. لاتصيح ! في صوتك الجاهر .. فحيح .. لاتْروح .. من قبل الوداع جول بشوارع خاطرك واقرا على الدنيا السلام .... ! !! ! |
| الوقت المعتمد في المنتدى بتوقيت جرينتش +4.
الوقت الان » 03:09. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع