|
رد : عندي لك مفاجأه ..
احم احم
يا ولد روقنا لا تحرق المفاجأه خخخخخخخخخخخخخخخخخخخخخخخخخخخخخ <<<<<< والله الظاهر بيخلص الماجستير و بيودونه لخليج غوانتانامو |
رد : عندي لك مفاجأه ..
إقتباس:
هههههههههههههههههههه من جدك انتي وربي اني قاعد اسوي المستحيل عشان اتخلص من النظاره ادعي لي بس يوم الثلاثاء عندي عمليه ليزك والله يستر نجاحها الدكتور يقول لك عليه :) وتسلمين على المجامله الرقيقه كلك ذوق يا ستي صالح من جدك تعطي حربرب هالنصيحه يا رجل احنا من غير بلاويكم واحزمتكم الخربوطيه اذا رحنا امريكا حققوا معنا ساعيتن عند الوصول كنا مجرمين وش عندك هنا كم بتقعد ين بتروح ايش بتتعشى فما بالك تخلي حربرب يدلك بوش :) وربي لا يجرون شعبيات كلها تحقيق يقولون تعالوا انتوا ربعه اكيد مثله حربرب ما عليك من العبدالكريم الله يرضى عليك ركز في تدلكياتك وكريماتك ابرك لك يا مدلكاتي الحته هذا بيضعك ويضيعنا معاك ===== خاف :) |
رد : عندي لك مفاجأه ..
إقتباس:
اخيرا لقيت واحد يحس بمعاناتي معهم ساعتين زينه يا رجال الشباب خمس ساعات.... ثمان ساعات طبعا خويك استقبال رسمي عند باب الطياره و يرافقه ضابطين من منسوبي الجوازات الامريكيه الين تخلص اجراءاته ههههههههههههههههههه شي ما تتخيله... الله لا يوريك بس |
رد : عندي لك مفاجأه ..
اول شي مبروك يبو ربيّع الاشراف و تستاهل tsh6 * انا اسعد مفاجأه في حياتي كانت سياره فارهه :D شراها لي اخوي واحلى مافي المفاجأه السيناريو :D حيث كنت <<< ودي ذالمره اسولف فصحى حيث كنت في البيت , و اتصل اخوي من الجوال على البيت حيث ذيك الايام ما كان فيه في الرياض الا عشر جوالات فقط احدها الجوال حق مدير اخوي اللي كان يكلمنا منه :) و اتصل اخوي و قال اطلع لي عندي الباب شف سيارتي الجديده , واطلع واشوف السياره وانا وجهي منصب عليها كنها سفرة الفطور قبل الاذان بدقيقه :D قلت ماشاءالله يعطيك خيرها و يكفيك شرها وش ذالزين ؟ قال هذا مفتاحها و بكره رح بها المدرسه و ووقفها في مواقف المدرسين :D قعدت غايب اربع ايام من الفرحه ولا داومت عليها لاني كنت ارفض انه يركبها واحد لابس طاقيه :D عبدالرحمن الله يسعد قلبك tsh6 |
رد : عندي لك مفاجأه ..
إقتباس:
الله حيّه .. كيف هالك موهاماد <<< يسألك بالانقليزي :D اسفرت وانورت والله انها احلى مفاجأه انك تجي ومعك الشهاده الكبيره وترفع روسنا ونفرح بيك <<< كمّل المسلسل :) بالسلامه تجي بس اصمل وخلنا نشوفك ياهووووه tsh1 منور يابعدي . |
رد : عندي لك مفاجأه ..
نرجع الى صلب الموضوع
حلوة صلب احس يبيلها حديد ونحاس :D اذكر مرة كنا طالعين مطعم بثالث دور في لندن واقفين ننتظر الاسانسير لين فتح ركبنا بنقفل الا جا واحد وهناك عادي مو مثلنا يتركون الحرين براحتهم ( يا قلبي على بلدي آخر احترام ):D الموهم ورطنا ركب الاخ وعادي يوم قفلنا الاسانسير وريحة خياس الله لا يوريكم شي يجيب المرض :o انا اكلم اختي اقولها يا ربييييييييه هالانجليز ما اوصخهم ما يتحممون الا بالمناسبات خياس مو طبيعي مدري شلون متحمل روحه احس الاخ انجليزي معفن مو فاهم الا وقف الاسانسير ويقول تفضلوا دوركم يا ليديز :D خخخخخخخخخخخخخخخخخخخخخخخخخخخخخخخخخ يا دلي عم يحكي عربي شو هالورطة انا وجهي راح الوان طماط على خيار على فئوس :D وهو يضحك طلعنا الا اقول لاختي وش هالفشلة تقولي لسانك متبري منك وش اسوي ريحته شي فظيع ولا ظربان الله يكرمكم :o وبث :D الى حين مفاجعات :55: |
رد : عندي لك مفاجأه ..
إقتباس:
تسلم يابعدي وهذا من طيبك .. منورنا ومبروك السياره الفارهه:D بس وش معنا ما تركب اللي لابس طاقيه :) طيب لو لبس طاقيه مشخله معليش :D يسعد ايامك ودمت بود . |
رد : عندي لك مفاجأه ..
مساكم الله بالخير .. المفاجئه الثانيه لي وماكنت تخطر على بالي ولا بالاحلام tsh8 وهي مفاجئتين في واحد مثل بيرت بلس 2×1 شامبو وبلسم :D قبل كم سنه كنت ناوي اخت ( اسافر ) لاحد الدير اللي يراح لها بطياره :Copy of 0 ولا كنت ابي احد يدري :Copy of 0 كنت وقتها في الشرقيه ادرس هناك وكانت فرصه للنحشه من هناك k3 المهم كان فيه اجازه وش لون اصرفهم وش لوووون يادحمي اقصد اهلي المفروض اجي للرياض ;) دقيت على الوالده وقلت عندي شغل وتطبيق لمده عشرة ايام وبعدها بجي :diablotin ومشّيت السالفه عليها الله لا يعاقبني واروح واتقضى للسفره وطبعا لحالي ما معي احد واطق ام التشخيصه واروح للمطار كني فريد الاطرش في فلم لحن الخلود :niark: وبعد ما وصلت اول يوم نمت الين العشاء وقمت وقلت ابروح اتعشاء واتمشى وادوج ودخلت مكان ما <<<< مشفر عشان الرقابه :D وكانو حاطين اغنيه فوق هام السحب ويطقني الحماس واقعد اهابد معهم وكان زحمه يادنيا زحمه وانواع الهبال:beerchug: tsh1 وانا في غفلتي وانا راجع على وراي الا واصدم في شخص والتفت عشان اعتذر له الا هو احد زملاء الدراسه بشحمه ولحمه ومن زمان ما شفته ونوقف انا واياه فاتحين خششنا ونطالع في بعض :stern: :stern: طبعا ماهناك ميانه بيننا ولا كنت ولا واحد في الميه اتوقع اشوفه في هالديره ولهو بعد :rolleyes: وكانت مفاجئه كبيره بالنسبه لي وخصوصا كان يعرف اخوي اكثر مني ومتواصل معه قلت في نفسي رحنا ملح :D بس طلع ذوووق وقال استر على ما واجهت ;) هذي الاولى !!!!! الثانيه الرجال هذا عزمني اليوم الثاني في مطعم ورحت له وكان معه صديق له عرفني عليه وجلسنا نسولف عن ايام زمان وحنا نتعشى اطالع بالزاويه هنااااااااااك الا واحد وكان كبير في السن يشيلني ويحطني ويتمقل فيني قلت الاخ مشبه والا شارب والا لحيه :D وبصراحه بديت اقلق ولاحظوا اللي معي الارتباك علي وسألوني وش فيك عسى ما شر :confused_ قلت لهم هذا الرجال امتحني وهو بيركد والا ابتفاهم معه :o قالوا الشباب اركد مانبي المشاكل بس ماش ماهنى لي بال قمت ورحت له وقلت وش فيك انت مشبه ولا مضيع لك مفاتيح في وجهي والا مثقل العيار :o ابتسم بكل هدوووء وقال انت ولد فلان بن فلان ؟؟ صح والا لأ tsh1 قلت الا بلا :rolleyes: قال الله حيّه وش جايبك هنا والله طالت رجليك ومنتب سهل يا ولد فلان :) انا انبلهت وماادري وش اقول قلت انت تعرفني ومن انت ؟ قال انا اعرف ابوك واعرف عمانك ومناسبينكم بعد :D بس مت من الضحك يوم قال لي شف لا تعلم ابوك انك شفتني هنا ترى ابوك يقدرني ويعزني وانا جاي في عمل مهوب زييك :D قلت وش شفت عاد انا جالس في مطعم مهوب مرقص tsh1 ضحك وقال امزح معك يارجال بس ولو لا تقول شي احسن لي ولك :Copy of s وهذي كانت المفاجئه الثانيه واللي ماكانت على البال وصارت اثنين في واحد :D ويوم قلت للي كانوا معي ماتوا من الضحك وفعلا الدنيا صغيره وين تروح ولو تروح لسطح القمر بتلقى من يعرفك :55: وآسف على الاطاله بس المخرج عاوز كذا tsh1 فتكم بعافيه:) |
رد : عندي لك مفاجأه ..
|
رد : عندي لك مفاجأه ..
اجمل مفاجأه تذكرة سفر من أخوي الكبير الله يحفظه ويخليه :)
|
| الوقت المعتمد في المنتدى بتوقيت جرينتش +4.
الوقت الان » 15:24. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع