انا مانيب عصفورن يغرد فوق حيد السور = انا فرخ العقاب اللي مخاليبه محنيها
يابو بابور اظن الحمله اللي شلتها شابور = يبا يصفق عليها الموج لين الموج يفنيها

توقع بارك الله فيك واركد لا تجي مطيور=ترى النيران ماتحرق سوى ياكود واطيها
وانا ماني على صحبه قليل المعرفه مجبور =ونور الشمس في وسط السماء ماحدٍ يغطيها

انا ماجيت اصاحب واحدن فالملعبة مغرور = لبس بدلة صديقه واستلم مافي مخابيها
الا يافكرتي وش دبرتي بك يا سنام الثور = عسى بعض الاسامي ما تغير يوم اسميها

ياهادي لا تعذر وانت عندي ماانته ابمعذور=بعد شفت السفينه وصلّت لاخر مراسيها
اقول انته سواه اللي على نفسه يلف يدور=مغطاهٍ عيونه والخطاوي مايعديها

عسى الله لا يسامح من ثنى رجله عن الصابور = كتبناها لك انته وانت يارجال قاريها
تبا تزرف علي علوم وانته تاكل الخابور = على ماقال مطلق ( من قديم الوقت شاويها )

انا من يام اهل نجران قومٍ فعلهم مخبور=وكلمه مطلق الله يرحمه ماانته ممشيها
لكنك ياولد مرزوق وقف باخر الطابور=قبل قصه تواليتك نقصر في تواليها