|
رد : بانتظاركْ .. !!
روح ابعد
كل واحد فينا يعرف يلملم اجراحه بإيده روح قررت اشطبك من كل حياتي واكتب الحب وأعيده ويكون حبك.. طيف ذكرى يموت في احروف القصيده تنتظرني ! انتظارك ذا قرارك شنهو يعني تنتظرني وكيف تتوقع بأني.. راح ارد لك تعرف اني ... صعبه أرجع صعبه أركع تعرف اني بهالمواقف أنثى صعبه وهم عنيده روح ما همني اعتذارك لا ولا همني انتظارك روح يمكن انسى انك من ظلمني واحاول اني (اغفرك ظلم داريته عداله) وابتدي صفحه جديده روح أحاول ادفن الذكرى معك وحبك الي يوم كسرني لا وربي ما أريده .. لا وربي ما أريده... أيها الوافي هلا عذرت خربشتي.... كنت هنا مرات ومرات... حاولت ان ادفن روحي بين صهيل حرفك وصمتي... لكني لم أصمد كثيرا |
رد : بانتظاركْ .. !!
عاتبيني ... واسمعيني لابديت أقول من طيبي الحقيقة ... عاقبيني ... ان طراك الشك فيني بس لاتغيبين عني بها الطريقة ..! يا غريبة ... هي صحيح إن السما صارت قريبة ...؟! وانْ .. ها النجمة حبيبة ..! http://www.sh3byat.com/vb/images/icons/damn.gif الوافي بالشعر شعر يأتيك من حيث لا نحتسب ! الأنتظار .. / الحنين.. يرتب ذاكرة العاشق .. ليهدم جدار الصمت ويتلاشى .. ولتنجلى تلك النصوص .. احساس راقي .. غنية ماتكتنزه تلك الأحرف .. ومسافات من الإبداع ندركها بطرفة عين .. / شعر ثم السكنى على ضفاف حب .. دام رذاذ الحضور .. / توهج الحرف .. |
رد : بانتظاركْ .. !!
الأحبة ..جميعا هنا ...
أحبكم جدا .. وسأعود إليكم .. (4 ) بانتظاركْ .. صارت الساعة دقيقة .. والدقيقة ..الف ساعة .. كانت الظلمة افـ ـــقاعة .. تلعن غبار الأثاث ..! دقت الساعة ثلاثْ .. قلت تصحى .. تكتب ارقامي وتمحى ..! واتصدّد ..! صدقيني .. يوم ..ماجيتي كأنّ الموت داهمني بلحظتها وتردّد !! كن حلمي فيك من يأسي ..تبدّد .! *** في غيابك .. كانت ( الرنة) الغريبة ..صوت بابك ..! كنت متخيل .. عتابكْ ...! أفتح كتاب الحقائق ..! واجمع احساس الدقائق واعتذر لك ..! *** كنت مخطي .. ! دامك تغيبين .. لازم .. كنت مخطي .. ! يمكن انك يوم .. تعطيني وأنا ما كنت معطي ..!! صدقيني .. صعب اكون انتي .. أوَ اني يوم اشوفك في مكاني انتي اكبر من زماني صدقيني صعب اصور لك شعوري .. وامتناني !! غير هذا ...! انتي اكثر من سواليف الغرام ..! وانتي أكبر من تفاهات الخصام ...! انتي احساسي بخطوات الثواني ..! *** ياحريئة في غيابك ...! يابريئة .. ! من عذابي ومن عذابك ..! وينك انتي .. الصباح اللي تحرانا ..على باب الحنين .. يصدّ بنتي ..! شافت الدمعة بعيني .. وتركتني ... سآلتني .. واربكتني ! كنت اقول اني سهرت اكتب قصيدة ..! بس .. كيف اكتب مدام انك بعيدة ..؟! يا عنيدة ..! ذنبي اني في غيابك ..كنت ذنبي ..! ذنبك انك تتبعين الظل جنبي ..! اتبعيني ...! صدقيني سيرة الظل المشتّت تفتريني ..! اسمعيني ... افتح كتاب الحقائق ونتخانق ...! احتويك وتحتويني .. ونتعانق ... صدقيني صدقيني كل شي يهون لا جابك حنيني ...! 6/5/2006 |
رد : بانتظاركْ .. !!
أســـتـــاذي الأديــب الـحـبـيـب
أبــراهيم الوافــــي ليس بالغريب أن يأتي الابداااع من الابداااااع نفسه والله ومااخفي عليك اني وقفت عند هذااا النص أكثر من مره واني عجزت وش اكتب !! والله القصيده أخذتني لفووق الشعور آه يانجمه بعيدة .. لو قريتيني قصيدة تقدر تخمّ المشاعر .. بالمشاعرْ ...! عاصفة هزّتْ سكونك .. كنت كاتب .. صرتْ شاعرْ ..! يانصيبي ..! لاتغيبي وين صوتي .. وين صوتِكْ آه وشلون اتخيّل .. شوق ها الليلة يفوتكْ ..! ؟ غيبتك صارت مساحة ... يجتمع فيها حنيني مع غيابك لاتهجيت الصراحة ..! في عتابك ضاعت افزحمة سكوتكْ ..! عاتبيني ... واسمعيني لابديت أقول من طيبي الحقيقة ... عاقبيني ... ان طراك الشك فيني بس لاتغيبين عني بها الطريقة ..! يا غريبة ... هي صحيح إن السما صارت قريبة ...؟! وانْ .. ها النجمة حبيبة ..! |
رد : بانتظاركْ .. !!
كل الذين يمرّون هنا ..
لهم قلبي .. ووعد لي بعناقهم ..! ( 5 ) في غيابكْ .. شمسي أصغر من سحابك الغبار اللي يزوّد ( كحّة ) الشارع .. تكوّم عند بابكْ ..! والعلاج اللي ينوم يومك الثالث غدابك..! يامريضة .. لاتنامي ....! آه ياشين التمني ..! نايمة عني .. وانا محتار مني ..! بعض ظني ضاعتْ افــ زحمة قصيدة فاتحة صفحة جديدة .. تكتب اللي فيّ عني ..! كلميني .. لاتنامي .. ولا تعدّين الأسامي .. صدقيني .. كل شيء ابــ ـتعرفينه تسمعينه في كلامي ..! 7-05-2006 |
رد : بانتظاركْ .. !!
وتشاء لي الاقدار.. أن انتشي في اليوم مرتين.. ومن ذات المصدر / الوافي / إبراهيم.. لاعدمتك.. نص.. اتردد كثيرا في الاقتباس منه فكله.. مطر..tsh3 ليلى |
رد : بانتظاركْ .. !!
أنت مصدر الحب
الذي يستمد منه العشاق حُبهم دام االابداع عنوانك |
رد : بانتظاركْ .. !!
كل الذين يمرّون هنا ..
أحبكم جميعا وسأعود لكم ..! ( 6 ) عند بابي صار ظلك شمس وهروبك سرابي ..! علميني يا .. الزيارات الخفيفة .. ! لاتسمّرت افـ ثيابي كيف من صوتك بنيتي لي سقيفه .. في غيابي ..! كيف كل الشيح فالشارع بعد عطرك تمايل مع حفيفه واعتنابي ..! ياأنيقة .. احتباسي داخل أنفاسي حقيقة ... آه لو من آخر الشارع رجوعْ .. يمكن اللي يرتجف وسْط الضلوعْ يحتمي في زولك العابر دقيقة ..! 8-05-2006 |
رد : بانتظاركْ .. !!
اسمعيني .. كل مافيني حنيني الطريق اللي تدلِّيني عليه .. يضيعْ فيني .. ! والمحلات الكثيرةْ .. فالشوارع .. كلها تبـْ تشتريني ..!! واشتريْتِكْ... ( كوب قهوة ) ثاني ... أو عنوان بيتكْ ..! ما أدلّه ... لو تحرّيتك .. بركنه .. يمكن اني صرت كلّه ! واحتريتكْ ... ذاك بيتِكْ ... لا .. أظنه ذاك ... يمكن لو أقلّه .. ! وينك انتَ ؟ ... كان جاوبني بظِّله ..! آه .. لو تدرين وش معنى انتظارك ... سيرتي والظل .. واوهام الطريق .. وباب دارك ..! (((ليمتى واحنا ننتظررررررر ))) اخوي // الوافي سلمت وصح لسانك |
رد : بانتظاركْ .. !!
( 7 ) بانتظاركْ .. من سنة لو سألتي مين أنا كان جاوبك الغيابْ .. للعتب ..مليون بابْ .. مادخلته وللعذر صمت وعذاب .. ما احتملته قولي إني .. والسما .. نجمة وشاعر اكتبي لو حرف عني من مشاعرْ اكتبيني .. اجمعيني في حنيني ... رجّعيني سيرة الروح الحزينة وأول أخبار المدينة واحفظيني ..!! 10-05-2006 |
رد : بانتظاركْ .. !!
إبراهيم الوافي هل بقي شيءٌ من الإحساس لم تقله !! آه .. لو تدرين .. وش يعني .. تخلّين الغياب اللي يعذّبني خيارك ..! ؟ انكساري وانتصاركْ ...! لست هنا للتعليق إنما للاستمتاع ! يا حظي فيك يا ابراهيم |
رد : بانتظاركْ .. !!
(الأخيرة ) بانتظاركْ .. ظل والشارع نهار .. ..صدقيني .. كلنا حزن وحصارْ لاتغيبي .. آخر الشارع رصيف .. وأوّل أحزاني جدارْ ... يا القلوب الساهية .. لو تصبّرنا شهرْ .. آخر الفرقا دهر ... وأول غيابك .. قرارْ ..! لو تخيلتي نهاري .. في غيابكْ كان جيتي ... لو تذكّرتي دقايق ليلنا الأول .. ذكرتي مانسيتي ..! ... ياتفاصيل الحكاية .. خلي غيابك نهاية للنهاية .. خلي ذنوب الظروف اللي تشكّكبك هواجيس البداية .. فالبداية ..! كلميني .. صدقيني بانتظارك .. بانتظارك من عرفتِ اني وتاريخي وأوهامي وأحلامي .. تجمّعنا كواكب في مدارك ..! 18-05-2006 |
رد : بانتظاركْ .. !!
إقتباس:
شكرًا لأنك بيضاء جدا أختي النبيلة .. |
رد : بانتظاركْ .. !!
إقتباس:
إذن كل شيء هنا ...! لاعدمتك ياخالد |
رد : بانتظاركْ .. !!
إقتباس:
أيها الـ عتيق كذكرى .. الشاهد على زمن النبلاء .. والباقي من الزمن النبيل .. ياااه أنت ياعتيق قادمٌ من صخَبِ الهدوء .. مشعًّاً كالشمس .. وواثبًا للضوء بثياب الظِلال..ْ أصدقكِ أيها الأبر بالصدق .. الشعراء ورثة الأشقياء .. حين قلتُ ذاتَ ادعاء بهم .. الشعر ماحاك في نفسكَ وحرصت باطلاع الناس عليه ... هكذا ياصديقي .. أكبر العلامات حياة الشاعر بصوته .. وموته بالصدى ...! ولهذا سنرصف الكلام في شفاة الشوارع .. وسنتلو على الليل سيرة الصباح ما استطعنا .. بمثلك نثق بنا .. وبقلبك نبصر مرآة لانبارحها خيلاءً وفتنةً ياعتيق .. ياعتيق .. خطواتك .. ضوء .. ضوء .. سأتتبعه كثيرا علّني أتحسس نورًا ..! |
| الوقت المعتمد في المنتدى بتوقيت جرينتش +4.
الوقت الان » 12:32. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع