|
رد : و ش و ش ا ت
غيّاب / تلويحة وداع / انهياري=دمع / اختناقات وذهول وكآبه عادي كذا ترحل بدون اختياري؟!!=على الاقل ابغي لسؤالي اجابه وان كان ماهمك عناي وقراري=إرحل وانا برثي غيابك / كتابه وان كان شِعري يعجز انه يجاري=حزني ,, تأكد ما لِشِعري مهابه |
رد : و ش و ش ا ت
ماكنت ارتّبْلِكْ من العام أشياي؟؟!!=ماكنّي الاّ الصبح في كف ظلمه ماكنت تصْغي لي / ولا كنت ويّاي=مثل الذي يكتب على صفحة الما ماهمّني درْبك يسولف عن خْطاي=دام ارتوائي بين كفّيك يِظما ليتك تجي هالْحين وتْبعثر اشياي=يمكن يعيش الصبح وتْموت ظلمه وتْموت ظلمه وتْموت ظلمه وتْموت ظلمه وتْموت ظلمه وتْموت ظلمه |
رد : و ش و ش ا ت
http://lh7n.net/files/257.jpg (من تصاميمي القديمة,,رسم فوتوشوب 100%) ما اشْتَقْتِلي ؟!
بين لهفـة حضـور وبـارد غيابـك=عاشقـه تنتظـر مـن قِـلَّةْ الحيـــلهْ لاهي اللـي تِبَـلِّلْ قـاحِلْ عْتابـك=ولاهي اللّي تجي بالبال تعليــلهْ مارحمها البُرودْ اللي طَرَقْ بابك=هيجَـنَتْ لِلْبَكــي وارْوَتْ مناديــلهْ لارِقَـتْ لِلْغَمـامْ اللّـي تَهَـقْوا بـك=ولانـــزل ذا الرذاذ اللــي تغنيــلهْ ياللّي تِماديتْ اجْمَلي أَبَسْأَلكْ: [بِاللّهْ عَليكْ ما اشْتَقْتِلي ؟!] ماهَزَّتْ غْصونَكْ مَلامِحْ ذاكِرَهْ تِعْبَتْ تِنادي : [ إِنْتَ لي ] مافَزَّزِكْ عِطْرٍ تَرَكْتَهْ في ثِيابَكْ ؟! يومْ تَحْضِنّي وَاهابَكْ ؟! وَامْلا أَنْفاسي بْعِتابَكْ وِبْغِيابَكْ أَمْتِلي ماذَكَّـرَكْ فيني الْمُطَرْ ؟! يومْ كِنْت أَجْمَلْ مِظَلَّهْ يومْ تَحْضِنْ واتِغَلَّى وْتَزْعَلْ ضْلوعي عَلَيْ ماذَكَّـرَكْ شِعْري وَلاشَعْري وَلا هَمٍّ وِطى صَدْري ولاجَرْحٍ كِسَرْ ظَهْري ولاحِزْنٍ تَرَكْتَه بْداخِلي؟! ما اشْتَقْتِلي ؟! ما اشْتَقْتِلي ؟! ما اشْتَقْتِلي ؟! ياسُؤالٍ يَطْرِقْ ابْوابْ الْمَواجِعْ في عِيونْ اللّي بـْ غِيابَكْ مِبْتِلي ياسُؤالٍ أَتْعَبْ دْروبِ الإِجابَهْ الليّ نِوَتْ في مَقْتَلي أَبَسْأَلكْ: [بِاللّهْ عَليكْ ما اشْتَقْتِلي ؟!] شَرَّعْ أَبْوابْ الأَلَمْ ثُمْ اعْتَرَفْ لي: [مَنْتَ لي ] . نُشرت في " السابعة صباحاً " في صحيفة " الراي" . |
رد : و ش و ش ا ت
تسوسن .. دامك بصدر المسا / نجم وكثير أشياء=تلوّن .. دامك بصدري فرح وآمال منثورة
|
رد : و ش و ش ا ت
قم لوّن الليل باطرافي=واروي حكايات عذرية قم طرّز الحلم بلحافي=بتمدّد بطيشه وغيّه قم رتّب الريح بضفافي=وافتح شبابيك منسيّه |
رد : و ش و ش ا ت
غيمٍ يمرجحني على مفرق الما=وانا اتمرجح بين حزنٍ ظماني أشرب صباحاتي ألم وارجع أظما=كن ( الظما ) زوّادتي يا ( أماني) أرجوحتي نامي على كف ظلما=مادام هذا ( النور ) مثلي يعاني |
رد : و ش و ش ا ت
فيني دلع فيني عناد وشقاوه=فيني تحدي / منت قد التحدي لو كنت قاسي / ماعرفت القساوه=آنا القساوه / لاكسرتك بيدي |
رد : و ش و ش ا ت
مديت كفي ,, وينها كفك اليوم ؟؟!!=تبغي الصدق ماعاد يعني غيابك لو العطش دربي وفي يدّك غيوم=أموت ظميانة ولا اطرد سرابك |
رد : و ش و ش ا ت
ياطير ياطاير على اطراف دنياي=لو فيك تحكي للحبايب حكايه* ياطير علمهم تفاصيل اشياي=واني وحيدة بين صمت المرايه واني سئمت الليل يترنّح خطاي=يسكب ظلامه في كؤوس ارتوايه * والهوى فيروز ياطير ياطاير على اطراف الدني لو فيك تحكي للحبايب شو بني ياطير,, ياطير . |
رد : و ش و ش ا ت
يِمرْ الما على شفاهْ اليباسْ وينبت / النّسرين=وامُر البالْ/ باحْلامه غديرْ وغيمةٍ خَجْلَهْ أَفِكْ ازْرارَها يِتْلَعْثَمْ بْهذا الخجل ( تشرين)=أَفزّز من عصافير الحكي عصفورهْ لْأَجْلَهْ |
رد : و ش و ش ا ت
البرد باطرافي وكفّيك معطف=وانا وحيدة مايدفيني حْضور مليت انادي للدفا ويتعطّف=مليت ادور في ظلامك عن النور |
رد : و ش و ش ا ت
ناديـــــــة .. أعذريني واعذري مقاطعتي الفضة معكِ ! سرقتني نظراتي مني اليكِ .. لِأمارس المتعة بين حروفك وأستلذ طعمها .. الذي يشكل بصمة جديد فاخرة في عالم الشعر النسائي .. فخورة بجودك أيتها الرائعة . همس |
رد : و ش و ش ا ت
سعيدة بحضورك ياهمس
وفخورة برأيك بما أكتب كوني بالقرب دائماً ياجميلة فلولاكم لما كتبت :rolleyes: كوني بخير::mov:: |
رد : و ش و ش ا ت
من شبابيك
هذا المساء تطل كلماتك العذبه النقيه ومن شباك الكلام البسيط ارحب بك اجمل ترحيب |
رد : و ش و ش ا ت
ناصر المطيري
غمرتني بلطفك ياولد العم ترحيبك واطرائك وسام على صدري تقديري لك ... |
| الوقت المعتمد في المنتدى بتوقيت جرينتش +4.
الوقت الان » 04:30. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع