لا جزا الله الشعر خير ومسرّه
.............. اليا هِنا وقّفت .. يكفيني مغثّه

عمري ما حسيت بأحساس المضرّه
............. لين طحت وطيحت المهموم رثّه

الزمن لو ينأمن بالطيب شرّه
.............. ما يخلّي نابض الخفّاق جثـّه !!




tsh6

http://www.s77.com/pic/data/media/227/Romance_27.jpg


حبيبي للعشق سيره طويله وللجروح أرقام
................. ترى ما مات من ورّث غلاه وثبّـته بدري

انا ما كنت ادوّر بي ملامح والوجيه ازلام
................. ولكن كنت ادوّر بك هواء يتنفّسه صدري

فقدتك وآآه يا شين الحنين ونظرة اللوّام
................. متى ما جت على مشهى الزمان وطيحت قدري

كثر ما اتخيلك تسحب يدي وتضمّها وتنام
.................. كثر ما ودّي اهرب من جحيم الذاكره لـ :


















مدري !

إحتياجي
مو لأن العيشه من دونك دمار
العُمر ما يوقف لغيبة أحد
حتى لو نصفي يتقطّع
ونصفي الثاني يغار
بس إن جت للحقيقه :
لأنك أكبر قطعه في قلبي .. وخذوك ..!
وأنت شوف شقد تبعد هالمسافه
لأنتهو منك .. ورموك !!
وجيتني
ويديك تتنافض تعب
وقلت لي عطني علاجي
بعدها بتعرف صحيح
إشلون تدمنك الجروح
شلون يدمنك إحتياجي !!
؛
يا أنت
وأنت اكبر من إنّي أخفي وجهك وأختفي
أو أدوّر منك زلّه
أو أغثّك وأكتفي
أو أشوفك تشحد الماء من يديني
وأنثره بالأرض
ويذلّك هماجي
؛
تبقى غالي
مو بيدّي أمنعك
لا جاني من طيفك وله
لأني اعرف من قبل لا أعرفك
إن بحر العشّق غدّار بـ هله
وإن لو نصفك ظلام
نصفك الباقي سراجي

http://www.moveed.com/data/media/126...7792ea83f4.jpg



كثر ما كنت أأمن له .. واخافه حيل .. وأحتاطه
..................... كثر ما كنت اصوّت له ... وأبرهج بابي ويجفيه !

شسوي بجرحي ..!؟ دام انّه فتحه وما رجع خاطه
...................... شسوي بقلبي ..!؟ دام انّه معاه ( الله لا يعافيه ) !

كذا .. من دون ما أدري ... لقيته رتّب شناطه
...................... وأنا للحين مو قادر ارتّب ... وش صدمني فيه !!

اقول أحيان يفهمني ... واطوّف أكثر أغلاطه ..!
....................... وأقول أحيان ... أعطيته من الأعذار ما يكفيـه !

وانا بالحالتين ... أدري بسرّ إحباطي .. وإحباطه
....................... وأدري : إن الزمن يظهِـر مع الأيام ما نخفيه ..!!

لو جت علي .. ما رحت أدوّر من ورى جرحك دوى
.................... لأنك كذبت ..!؟ وما أحب الشخص لا أخطا .. جحد !!

بس الغريب ... اليا مشيت لحالي ! القانا سوى ..!
..................... وأسألك وش جابك معي ... ! وتقول ما عندي فأحد !؟

يا أمّا عقلي ما يجمّع صح ... ! وبراسي هوى !!
........................ يا أما ناوي إنّك تحدّا .... هاااه خرّبها ..؟ وتحد !!

http://www.mzaeen.net/albums/93/s33.jpg




دبدوب
بالله عليك شقلت لك ..!؟
ما قلت لك : نظرة عيونك لا حزنت تزيّنك
ما قلت لك : خلَني على بالك إلى منك بكيت
اخاف كحلك لا نشف بلساني
صدري يبـيّنك

أدري :
انك تسرق النظره إلى دنقت راسك
وإن رفعته فجأه أتكرفس وأذوب

وانا يعني الله خلقني منترس نبض وقلوب
هو قلب واحد الله يمحط به
ويمحط بك معاه
ويلولش البخت
وأتوب ..!!

http://up5.m5zn.com/photos/00172/baoaurajfxh3.jpg


tsh6

http://www.al-wa7a.com/ads/email/fanoos.gif


هذا الشهر هلّ وتباشيره إحسان
................. الله يزيدك فيه قرب ومحبّه

جيتك ببارك لك وأبادلك الأشجان
............... وأعطيك قلبي في يدينك وخبّه

غالي كثر ما يجمع الصوم خلاّن
................ وكثر إرتباط الساجد بعفو ربّه

وكثر الحنين لشوفتك بعض الأحيان
................ لا صار صدري ضايق وإنت طبّه

حنين يا خلّي وأنا لا ثار في صدري الحنين
................. قمت أحبس الدمعه وأكف الملح وأقرض شفّتي

مدّيت يدي للكلام .. وقلت يا سرع السنين !
................ وأرخيت جفني للسما .... والغيم رجّح كفـّتي

الدرب : علمني أجي محتاج لك وأرجع حزين
.................... والحب : علمني أطيّر لك درايـش غرفتي !!

ما قلت لك إن راودك شكك ... تعوّذ باليقين
.................. وإن ضاقت أنفاسك عليك الشمس تسرق وقفتي

يعني إذا خليتني بربّّـــك تخليني لميـن !
................... ويلك يا ظالم ... ما تخاف الله وترحـم رجفتي

لا إنت بيّنت ... وأنا للحيـن مو قادر أبين
................... أنا أختفيت بـلهفتك ... وإنت إختفيت بلهفتي

مابيك تظهـِر من وراي القسوه وبوجهي تلين
................... أبيك لا منّك غرقت فبحري .. تحضن ضفّتي

البـُعد نااااحل .. وإنت مثل البـُعد لكنّك بَـدين
.................. ما همـّك إنّي ناطرك ... والملح قطّع شفـّتي !

ما فيه غيرك ماخذ القلب لله
................ لأن الحياة بدون شوفك ولااااا شي !!

وإن قال بالك غير هذا .. فقلّه :
................. ما عاش راس يذلّ شانك وانا حي !

لا ياخذك في مجمل الناس قِلّه
.................. ولا تشرب عيونك إذا عطشت المي !

يا اوجب عليّ من المواجيب كلّه
.................. يا اقرب من أنفاس المحبّين للغي !

إنت الحنان اللي آآتظلل بظلّه
................. لا قمت أسولف مع هجيري عن الفي

إن شفتني لغز وتصاعبت حلّه
................ رح واسأل الظلما عن حكاية الضي !!

http://photo.live.advance.net/modbri...01flowers5.jpg


كل عام وإنت الخير .. وأيامك بخير
..................... عيدك مبارك ... والأماني كبيره

وحشتني .. يا ليتني أقدر آآآطير
................... وأجيك ... عندي لك سوالف كثييييره

ما تدري إنّك غير .. ومواصلك غير
..................... وإن العيون بدون شوفك ضريره

ألهتني الدنيا عن مصافحك .. مير :
.................... الكل منّا .. صار عايش .. بديره

يا أصدق من وجيه البشر والمعاذير
.................... يا أقرب من أنفاس العشير لعشيره

الله يـِلحقنا من أعـيادنا خـير
................... ويسقي الدروب اللي حفظنا مسيره ..!!

انا كثر ما اشتقت لك ما تكلّمت
............... ساااكت لو إنّي ما آتحمّل سكوتي

البرد جابك قبل أشتّي وسلّمت
............... قمت آتنافض عنك وأسقيك موتي

علّمتك تسافر معاي وتعلّمت
................ إنّك تلابسني الجسد قبل كوتي

شفني حبيبي بعت ضيي وظلّمت
................ لأني جمعت غيابك وراح صوتي !

http://www.moveed.com/data/media/126...dc403f33d2.jpg



البارحه ما بين أحضن صورتك وألمس يديك
.............. مرتني الذكرى وأنا ما كنت ناوي أذكرك

ظنيت بإن خيوط جرحي طابت وقلبي نسيك
.............. وأتفاجأ إنّي أضم طيفك يوم جاني وأشكرك !!