صوتيّه tsh6


هذاك اللي إلى كثرت على قلبي الهموم أجيه
............ مهو بيقول لا كثرت عليه خطاي وش جابه !؟

يا زميل
لو كل السوالف في الهوى تُعتاد
ما مشينا للقا مقدار أصبع
ولا تعكزنا بعاد
حاول إنّك ترمي نفسك للسما
وإلاّ حاول يدخل بصدرك براد
راح تلقى بكل بساطه
إن أحلام البشر مثل أحلام الشجر
ما تبي تيبس
ولا حتى تبي تتقطّع
وبين هالفرقين فرق
لا عرفته
جمّع ظنونك وفلسف لك بلاد !

الليله اغراني السكوت عن الكلام
............... بردان من جوّاي واتقاطر عرق

لو كل هم ّ يمرّني ، يمرّ بسلام
............. ما كنت اسولف للسما وانزف أرق

والآدمي لا طاح من طوله وقام
............... وحاول يعيد اللي مضاله أحترق

أحيان ودّك تفرش الغيم وتناااااااام
............... وتصير مثل الريح وهمومك ورق !!

عمري ما فكّرت أشيل بصدري وإلاّ اخبّي
.................. ولو يضيق الصدر القى بالنهايه دبره

إلاّ إنت ادعي عليك وينتقم لي ربّي
................. كثر ما تحكي بظهري والحكي يا كبره

يعني أمّا إنّي اسلّم أو تطيح بسبّي
................... ياخي الله لا يسلّم بك مغزّ الأبره !


(:

الصمت حكمه وأكثر القول محسوب
................ لا صرت بين الناس سيّد مكانك

ما احبّه مثل اوّل بس ما عمري كرهته
........... طبعي لا عاشرت شخص اذكره بالخير واروح

يكفي إنّه كان ذكرى كل ما اسهي لمحته
............. حتى لو رجع لي قلبي شاحب ومملي جروح

يا صباح الخير
من فجريّة شفاهك
إلى ضي الجبين
وش تبين
بس قولي وشتبين
وإلاّ اقولك : هاتي بوسه
من زمااااان وانا ودّي اختفي
وإنتي تحرّيني أبين ..!

تقول إنّي تعبت وضاق صدري والأماني بور
............... وانا من قبل لا تفتح نوافذ حزنها داري

كأن اللي جمع فيها : الحبابه والفكر والنور
............. جبرني اشيلها وانزف غلاها وادفن اسراري

عظيمه ما خذى منها الزمان إلاّ تحايا الحور
.............. رزينه تنثر احلام الصبايا وقلبها عاري

حنونه لا بكت ينبت دفاها بالجسد والدور
............. تجي مثل الحنين اللّي تشكّل داخل اشعاري

وانا م ارضى بعيد الناس ينام وخاطره مكسور
............... ابرضى للقريب اللي تفز لجيّته داري !؟

يا صبح دُف الليل يا صبح دُفه
.....................وش فايْدته وسيد الأحباب نايم

ما كـنّه إلاّ وسّد البال كفّه
.................... وانا اتمقـّل في وصايفه هايم

كلاٍ خذا له بالتعـاليل شفّه
................... وانا انتِظره بمفرق القلب دايم

لو ما صحالي راح اشيله والفّه
.................. بفراشه .. لين يقول والله قايم !!

http://www.badr-3.com/up/uploads/bdbec99295.gif


ليتني طعتك يا قلبي
كان خلّيته ورحت
خذت نفسي بنفسي يَمّه
كنت اقول أخطاءنا : ماهي مُهمّه
أثرها نزعات موت
وشفني بين ايديه طحت ..!


موووووووت
يا موت الزمان
وتمتمات الصدر
وأصوات الضلوع
والحنين اللّي أكل وجهي وهو يبكي لي :
جوووووووووع
جوووووووع
جووووع

وأنا يدّي تنتفض
وأطراف رجليني : خشوع ..!!؟

أحيان تتفاجأ بأنك للأسف طيّب كثير
............... وفي وقتها ما تسعفك ضيقتك حتى لـ الندم

والكلمه اللي توجع الخفّاق وتخج الضمير
................ مثل الفـقير اللّي بنى بيته بيدّه وانهدم

قولوله إنّي بدون حسبة منزله : ابقى كبير
................ وقولوله إن الناس ماهي عند رغباته خدم

إمّا نصير لبعضنا أقراب ، وإلا ما نصير
............... مو كل ما قمنا نعالج صدمه نرجع ننصدم

والله لو ما للغلا : هاجس وأحداق ومصير
.............. لأرمي تراتيب الحكي من وسط صدري للعدم !

لاتسوّي نفسك بالنهايات قاسي
.................. وتحدّني لأقصاي والله تندم

الحب ما يعني اقضّبك راسي
................. هذي الحقيقه وافهمه يا افندم

الفرق إنّي طحت بس متواسي
............... وانت الخفه يابو الشعور المهندم !

http://www.physics.org/UploadDocs/Fe...ons-cradle.gif


إحنا مثل اللي يبي التركيز والواقع مشتت
.................... كل ما سالت دموع الصبر سيّلنا دموع

ما بقى عظم ٍ تحمّل وقفتي إلاّ تفتت
................. وأنت ادري الله يعينك ناطر وشايل شموع

صحيح احبك بس مابي ابيّن
............... يمكن عشاني ع الفراق متعوّد

نحف العواطف هدّني يا متيّن
.............. ما تشوف قلبي بالضلوع متجوّد

هوّد يبو القلب الرقيق الحنيّن
............... لا تجمع انفاسك بيدّيك .. هوّد

أقشر طريق اللي مواريه هيّن
................ ما يسعفك تاخذ حذرك وتزوَّد