|
رد : منااااااا (ياووووطن..) اااااافي
#بوح_مختلف دوبي عرفت ان الحزن له ..كَذَا لون دوبي عرفت ان الوفاء عدّة اشكال اثره صحيح الطيب لايمكن يخون واثره صدق ماكل رجال .. رجال |
رد : منااااااا (ياووووطن..) اااااافي
#بوح_مختلف يابحر جيتك طفل حافظ جزءعمّا مقصرٍ ايه..لكن قصّرت(جدّه) جدّه هي (ام الرخا والشدّة ) تسمّى وين الرخا..! يشهد الله كلّها شدّه |
رد : منااااااا (ياووووطن..) اااااافي
#بوح_مختلف شرّق بي الوقت من صغري .. وغرّبي وعرفت ناسٍ .. وناسٍ كنت امالحها بعض المواقف جزاها خير من ربي وبعض المواقف عسى الله لايسامحها |
رد : منااااااا (ياووووطن..) اااااافي
#بوح_مختلف وخّر كذا ياعذولي .. مالك ومالي مليت من سوء ظنّي .. لاحسن ظنّي الحزن عندي خويّ وصاحبٍ غالي والشعر هذا صديقي من صغر سنّي |
رد : منااااااا (ياووووطن..) اااااافي
#بوح_مختلف وكل حلمٍ في عيوني .. صابته حمّى الضنك يالله اني طالبك .. عـــ الهم والضيقة تعين ان حصدت انجاز يمكن .. ماحدٍ يدري عنك لكن الى طحت .. شف كم من عذول وشامتين |
رد : منااااااا (ياووووطن..) اااااافي
#بوح_مختلف صبّحك بالخير ياذاالجرح يالمبطي يالموجع المستحيل الغير بأحزانه والاّانت في ذمتي ياحظي ان تبطي ماني برحمتك .. في رحمته سبحانه |
رد : منااااااا (ياووووطن..) اااااافي
سجود السهو المجد مجدي .. ولاني من شرى مجده صحيح شاعر وقبل الشعر .. إنساني ابسط من الفقر واللي في حرى النجده واقسى من الصخر .. واسبق كل قوماني ياويح قلبي وياهشمه .. وياوجده ماكل جاني لقى .. من يزبن الجاني وياصدري اللي هدير السيل في رجده آهته تشبه .. شبا (جمبيبة عماني ) حتى بقيلولتي بالظهر .. والهجده ان قلت بأرتاح .. والا احزاني احزاني ماهي جنوبيتي والله .. ولا نجده لكنّها .. شرهة العاني على العاني نسيت ركعه وقلت السهو له سجده وجيت أسجد السهو .. بس ابليس نسّاني |
رد : منااااااا (ياووووطن..) اااااافي
#بوح_مختلف اقسم بمن سن الصلاة وفرضها ماغير عفوه والرضا .. شيٍّ أبيه مقولةٍ من الصغر .. وانا احفظها (حتى الندم في المعصية تؤجر عليه ) |
رد : منااااااا (ياووووطن..) اااااافي
#بوح_مختلف ياحزني البارحه .. مانت بعلى خبري مانت بصديق العمر ذاك اللي اخبره كنك عذولٍ يساومني على صبري جيت اشتكيلك وتستكثر علي عبره |
رد : منااااااا (ياووووطن..) اااااافي
( جزء عمّا ) يابحر جيتك طفل حافظ جزء عمّا مقصرٍ ايه .. لكن قصّرت (جدّه) جدّه هي(ام الرخاوالشدّة) تسمّى وين الرخا..! يشهد الله كلّها شدّه ياحزن قرّب هنا جيت انشدك عمّا قد فاتني من دروس الدمع من مدّه يمّا انك الصاحب اللي خانني يمّا مليت مني .. وقلت الصدّه الصدّه احتجتك البارحة .. ياجعلك الحمّا وشلون يا اوفى اصدقاي تهدّ ذا الهدّه ان قلت همِّ نزح .. عوّد معه همّا وانا معه مثل قولة : (ودّه وردّه) والاّ انت ياحظي اللي طاح ماسمّى بأشكيك للواحد اللي ماحدٍ ندّه لأني طفل / شايبٍ يحفظ جزء عمّا لاني بمجرم .. ولا مرتد من الردّه |
رد : منااااااا (ياووووطن..) اااااافي
#النصر حنّا ليا دارت رحاها مانحسب عجاجها بالمختصر يعني كذا .. ياصاحبي بالمختصر لبيه ياللي يوم لدّتني اتعقد حجاجها تقول ليت تحبني لو ربع حبّك للنصر |
رد : منااااااا (ياووووطن..) اااااافي
اثر الوسيعة ربعها صحراء وباقيها بحور واثره صحيح الموت ماينفع معه كثر الحذر هو من متى ياديرتي صرنا نفاخر بالفجور هو من متى الدجّال الأعور صار مهدي منتظر ? |
رد : منااااااا (ياووووطن..) اااااافي
يانما ماني بناسي يانما لاتذكّر واحدٍماقد نسي شاعرك يابنت في شعره سما شاعرٍ مثل المحيط الاطلسي (جادك الغيث اذا الغيث هما يازمان الوصل بالاندلسي) |
رد : منااااااا (ياووووطن..) اااااافي
#بوح_مختلف تهاوشت بي هقاوي الطيش واحتاست وصوت أميّ يردّني : قم ياولدي وضّي يلعن ابوحزني المغبون والساكت اللي على طيحتي عاهد ردى حظّي |
رد : منااااااا (ياووووطن..) اااااافي
#بوح_مختلف الجمع كله جمع تكسير والعلّه .. حروفها علّه والضامي الى ورد عالبير يشرب من الجم ويعلّه |
| الوقت المعتمد في المنتدى بتوقيت جرينتش +4.
الوقت الان » 13:09. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع