شعبيات - لحظتك الآن .. بكل صدق

لحظتي
من كثر الالغاز صرت احس انّي كلّي لغز هههههههه
تقول في عياده نفسيه من كثر ما اطالع في وجيه الناس ههههههه
ابوبدر وش رايك ؟
.
.
مقبّلات/ وعليها شـــــــــــوي بقْدونس
وحبة طماطه,, وحبة ثوم,, مع كوسه

يصير عندك طبق ماصار في( تونس)
صوره على شاشة التلفاز (معْكوسه)

الناس صارت بعَض الاحيان/ ماتونس
تمشي بلا راي والاحوال,, محْيوسه

والا وشْ اللي تغيّر فيك يا/يونس؟
يوم انت ماشي غلط / وخْطَطْك مدْروسه!!

:)

من الكوسه للخطط المدروسه لخبطتنا يابو مقبل
بس خطيرررررر:thumb:

ابو بدر وش لقيت علمنا ؟

علي التركي

19-01-2011 12:35

رد : لحظتك الآن .. بكل صدق

الهلالي

جماعة الألغاز ذولا يبون لهم دراسة
وضعهم صاير صعب يكلمون ارواحهم :)
وإذا عرفت شيء لا تنساني !!

ابو بدر

مافيه غير الهواوي
أخر مكان ياصله يمرح فيه لين ربك بفرجها
:)

عبدالرحمن الهلالي

19-01-2011 12:52

رد : لحظتك الآن .. بكل صدق

إقتباس:

الرسالة الأصلية كتبت بواسطة علي التركي (مشاركة 309519)

الهلالي

جماعة الألغاز ذولا يبون لهم دراسة

:)

بنفتحلهم موضوع ملاغيز قصدي ملاحيس دوت كم هههههه:d
ونمنعهم من الخروج حتى تستقر حالتهم
:011:

علي التركي

19-01-2011 13:26

رد : لحظتك الآن .. بكل صدق

اي والله يا عبدالرحمن
وخاصة ابو مقبل عقب هــ المكشات الدسم
بس فكنا من قصيدهم لا أحد ياصلنا والله يخوفون
قلهم حنا ما نونس شيء
:)

محمد الدحيمي

19-01-2011 21:47

رد : لحظتك الآن .. بكل صدق

إقتباس:

بنفتحلهم موضوع ملاغيز قصدي ملاحيس دوت كم هههههه:d

ملاغيز ياقلب العنا :biggrin:

فهد الأحمد

20-01-2011 13:49

رد : لحظتك الآن .. بكل صدق

أبو بدر ..
أبو مقبل ..
أبو تركي ..
الهلالي ..
مقدوووور ..
كل النشاما في مضارب اللحظة ..
سلام الله عليكم ,,,

أبو تركي اتذكر اني شفتك أمس .. وين ؟ مدري ..؟؟!

طيب بمناسبة (الملخصات) .. أبو تركي ممكن تلخص لي " اللحظة "
ولا عليك أمر هههههههههه

فهد الأحمد

20-01-2011 13:59

رد : لحظتك الآن .. بكل صدق

إقتباس:

الرسالة الأصلية كتبت بواسطة سعيد بن مقبل الأكلبي (مشاركة 309271)

إقتباس »
الرسالة الأصلية كتبت بواسطة محمد الدحيمي http://www.sh3byat.com/vb/sh3byat/buttons/viewpost.gif
الجهد جهدي ماهو من الباب للطاقة

رجلي لها طرقةٍ مانت بتباريها

ياهيه شرواك يبطي الشق برواقه
ياللاااااش .. باقي الشقوق اشلون ترفيها ؟؟

ياكودك الهينه من الضان ... والناقة -
تبطي بها مانت موسمها وحاديها !!

سلم على فاطمة .. وسلم على شفاقة
وقل ميدهن الحذر / واحذر تطريها !

مادمت رقاص / راضع ديد طقاقه
وش لك وللمرجله / لا مانت راعيها!

شرواك رجلته / رجلة بنت بوّاقة
مع النساوين/ تتبرقع / وتغبيها

وانا..

شفت انا ..

علي اللزززززززززززززززززززززززم ..
والنذررررررررررررررررررررررررر ..
والفاااااااااااااااااااااااااااااااااااااااااااااا قة ..

اني لأكحل عيونك .. واني اعميها!

.
.
.
لا حن صوت الرْعَد,, وانّاااض برّااقه
روس الشْمَع دنّقَت,, سبحان واليها

ياحادي العيس حاديها على فاقه؟
والا انت تتبع هواها مزّريٍ فيها؟

شرّهة قِدَم رجل راعيها على ساقه
اللي يعَرْف وْبَرَتْها في مفاليها

عملاق واللي تجي لرْضاه,, عمّلاقه
ثنوٍ تسوووق الدْلَع,, من حب راعيها

بين الرعابيب مشّفوحه,, ومشْتاقه
تتوووه من زينها,, وتْغيض شانيها

للجو توّاقه,,,, وللقاع حوّاااقه
واللي تحوووق الوطا ربي يهنّيها

كم ورْدةٍ فالجناين في حرى,,, باقه
وكم باقة ورْدها ماعاد,,,,,,, يبغيها

ورب الكعبة عمالقة شعر .. مثل ما قال أبو تركي .
صوت وصدى ..
برق ورعد ..
هتااااااااااااااااان ..
لكن معه صواعق مدمرة ...

أبو بدر
أبو مقبل
صنوان للإبدااااااااع

فهد الأحمد

20-01-2011 14:04

رد : لحظتك الآن .. بكل صدق

إقتباس:

الرسالة الأصلية كتبت بواسطة سعيد بن مقبل الأكلبي (مشاركة 309387)

يصير عندك طبق ماصار في( تونس)
صوره على شاشة التلفاز (معْكوسه)

الناس صارت بعَض الاحيان/ ماتونس
تمشي بلا راي والاحوال,, محْيوسه

والا وشْ اللي تغيّر فيك يا/يونس؟
يوم انت ماشي غلط / وخْطَطْك مدْروسه!!

:)

هههههههههههههههههههه
أبو مقبل
يونس .. لا يصير يونس شلبي .!ههههه
داهية يا بومقبل ..
الله يكفينا شـر الإلغاز ورمعاتها .

فهد الأحمد

20-01-2011 15:11

رد : لحظتك الآن .. بكل صدق

لحظتي :

رغم التعب! .. رغم الوجع وانكساري = رغم الأسى والياس عوّدت أناديك
مشتااااق لك يااا شعر طال انتظاري = وين أنت يا نبض الوفا .. وين أراضيك .؟!
تعاااال خـل الحرف ياخذ بثااااري = تعال موكب نصر .. أزفك واغنيك
تعااال .. يمكن فيك .. أرد اعتباااري .!! = وأروي ظما روحي من البوح واسقيك
اقلط على صدري .. تمرك بـ يساري = ومن دلة أوجاعي يا شعري بـ قهويك
يكفي هجر ..!! يكفي رحيل ومساري .! = شفها المشاعر عقب صدك تناجيك
أرجع قبل يطري لي ألفين طااااري = قبل الحزن يغتال حلمي ويثنيك

ربما لـ لحظتي بقية ...!!

علي التركي

20-01-2011 17:05

رد : لحظتك الآن .. بكل صدق

هلا .. هلا .. هلا .. هلا
ابو سلطان ومساء مختلف جداً

رآيته أو رآني في الحلم البارحة بين كومة من الأوراق والزوار !!
لم أتمكن سوى من ملامسة الغيم وغادرت أنتظر المطر

سيدي الشعر
هنا أرضك فلا تبتعد .. هنا تهل سحابتك فلا يغريك التصوف !!
هنا تبدع وتثير وتستثار
هنا أرض العمالقة وأنت أحدهم فلمن ستورث الأرض !!
أنا الأبن الشرعي لهذه البلاد والكثير غيري فأجتهد في زرعك

ابو سلطان
ننتظر بقية ربما فـ حتى ربما هنا لها بقايا حلم !!
اللحظة بوقتها ولا تحتمل تلخيص فتابع اولاً بأولا
وسلم على كل ( بلقيس ) في الكون

;)tsh5;)

خلف ضحوي

20-01-2011 18:55

رد : لحظتك الآن .. بكل صدق

لحظتي بهذا المتصفح الجميل

أحب الحلو وأشره على ضمة الحلوين
تقل كبدي القشرى من العام منصفرة

محمد الدحيمي

20-01-2011 19:57

رد : لحظتك الآن .. بكل صدق

إقتباس »
الرسالة الأصلية كتبت بواسطة فهد الأحمد http://www.sh3byat.com/vb/sh3byat/buttons/viewpost.gif
لحظتي :

رغم التعب! .. رغم الوجع وانكساري = رغم الأسى والياس عوّدت أناديك
مشتااااق لك يااا شعر طال انتظاري = وين أنت يا نبض الوفا .. وين أراضيك .؟!
تعاااال خـل الحرف ياخذ بثااااري = تعال موكب نصر .. أزفك واغنيك
تعااال .. يمكن فيك .. أرد اعتباااري .!! = وأروي ظما روحي من البوح واسقيك
اقلط على صدري .. تمرك بـ يساري = ومن دلة أوجاعي يا شعري بـ قهويك
يكفي هجر ..!! يكفي رحيل ومساري .! = شفها المشاعر عقب صدك تناجيك
أرجع قبل يطري لي ألفين طااااري = قبل الحزن يغتال حلمي ويثنيك

ربما لـ لحظتي بقية ...!!

تعظيم سلاااااااااام لعودة الرائع جداً فهد الأحمد
ملخص ماهنا انا مشتاقين لك ونبي هاللحظه بالبوح يابو سلطان
سعيد جداً بعودتك وهذا الشعر

محمد الدحيمي

20-01-2011 20:07

رد : لحظتك الآن .. بكل صدق

إقتباس »
الرسالة الأصلية كتبت بواسطة خلف ضحوي http://www.sh3byat.com/vb/sh3byat/buttons/viewpost.gif
لحظتي بهذا المتصفح الجميل

أحب الحلو وأشره على ضمة الحلوين
تقل كبدي القشرى من العام منصفرة

يالله ياخلف انت الوحيد الذي كنت اتمنى ان لايقرأ قصيدتي
يسهل الله الحال ايها الجميل
وقلوبنا معك

سعيد بن مقبل الأكلبي

20-01-2011 22:49

رد : لحظتك الآن .. بكل صدق

إقتباس »
الرسالة الأصلية كتبت بواسطة فهد الأحمد http://www.sh3byat.com/vb/sh3byat/buttons/viewpost.gif
لحظتي :

رغم التعب! .. رغم الوجع وانكساري = رغم الأسى والياس عوّدت أناديك
مشتااااق لك يااا شعر طال انتظاري = وين أنت يا نبض الوفا .. وين أراضيك .؟!
تعاااال خـل الحرف ياخذ بثااااري = تعال موكب نصر .. أزفك واغنيك
تعااال .. يمكن فيك .. أرد اعتباااري .!! = وأروي ظما روحي من البوح واسقيك
اقلط على صدري .. تمرك بـ يساري = ومن دلة أوجاعي يا شعري بـ قهويك
يكفي هجر ..!! يكفي رحيل ومساري .! = شفها المشاعر عقب صدك تناجيك
أرجع قبل يطري لي ألفين طااااري = قبل الحزن يغتال حلمي ويثنيك

ربما لـ لحظتي بقية ...!!

ارحب يابوسلطان ارحب
ومن طول الغيبات جاب الغنايم
وحشتنا يارجل
ولاعجمت على ماكتبت وعلى البقيه بعد لاني متأكد انها بتكون مميزه بالشعر ونفَس الشاعر
فهد الاحمد الراهي بالجزل
ارحب يافهد.

سعيد بن مقبل الأكلبي

20-01-2011 22:52

رد : لحظتك الآن .. بكل صدق