شعبيات - همهمه خلف جدار..

الصفحة رقم 11 من 11

« الأولى

عرض 40 مشاركات من هذا الموضوع في صفحة مستقلة

شعبيات (http://www.sh3byat.com/vb//index.php)

- ضفاف الروح (http://www.sh3byat.com/vb//forumdisplay.php?f=93)

- - همهمه خلف جدار.. (http://www.sh3byat.com/vb//showthread.php?t=17682)

منتهى القريش

21-12-2011 01:41

رد : همهمه خلف جدار..

يمه وينك
أبي طيفه
اشوفه في بحر عينك

أريد اغرق أنا وياه
أريد أبكي على فرقاه
أريد اجمع
شتات الحزن من قلبك
عسى اقدر
أسدد بعض من دينك ..

منتهى القريش

27-12-2011 00:44

رد : همهمه خلف جدار..

مر الـ عام
وبعده م الأسى كم عام
كل عيد وانت ابعيد
اشكثر تتشابه الأيام

منتهى القريش

27-12-2011 00:45

رد : همهمه خلف جدار..

أجي يمك
أشم ريحة غدر وابعد
أنادي لك
يرد صوتي
صدى وسفات واتنهد
عليك الله ..
أبد ما مرتك ذكراي؟
وانا اللي من يمر طاريك
على صدر الندم أصحى
واحط راسي .. على انفاسي
أتكوم على جرحي
وبقايا همي أتوسد ..

منتهى القريش

27-12-2011 00:46

رد : همهمه خلف جدار..

مرني بـ اسكات خل جروحي نايمه

منتهى القريش

31-12-2011 02:31

رد : همهمه خلف جدار..

راح
وش سوى حنيني في غيابه
دق بابه .. وانتخى به
سأل وينه؟
غص صمتي بالإجابه

منتهى القريش

31-12-2011 02:32

رد : همهمه خلف جدار..

رتب أوجاع الغياب
ولا تمر
ما ابي تخطر ببالي
طيف ذكرى في خيالي
وفرحتي بجيتك ..
حتى لو كانت كذب
ما أبيها تحتضر

التفاتاتك وصوتك
حتى حكيك أو سكوتك
والدفا .. الـ كنت أدوره في يدينك
ضي عينك ..
انطفى بي ..
من عذابي ..
صار يشعلني جمر ..

منتهى القريش

31-12-2011 02:33

رد : همهمه خلف جدار..

شوف عيني .. من كدرها
لو تمرها
ينتحب شوق اللي بيها
وتحتريها ..
غيمه مليانه قهر

الغدر!
تعرف اشمعنى الغدر؟
لما إحساسك يخونك
لما تلعب بك ظنونك
لما ترسم لك عيونك
لوحه أحلى م الحقيقه
وتكتشف كذبة خيالك
وش بقى لك
غير أحزان وشجن
تلونك عتمه وسهر ..

منتهى القريش

02-01-2012 09:14

رد : همهمه خلف جدار..

تعال
خذ باقي حنيني
روح عني ما أبيك
وحتى آنا ما أبيني
هو مني ولا منك ..
اختلط شكي ابـ يقيني
قولها وبكل صراحه
ما تبيني؟
ولا إنك .. تبغى تملاني كدر ..

منتهى القريش

02-01-2012 09:14

رد : همهمه خلف جدار..

وش أقول
والكلام الي اشتهيته..
ما لقيته
وما عرفت اشلون اقوله ..

منتهى القريش

02-01-2012 09:15

رد : همهمه خلف جدار..

الغياب ..
مو عذاب ..
شي أكبر ..
غصن يابس ..
كان في يوم أخضر ..
وانكسر ..

الجراح
مو ألم ونقول راح ..
شي أخطر ..
ذكريات .. ناس ..
رحلة من مواجع ..
بيوت .. أرصفة ..
زحمة شوارع ..
أفراح كانت ..
ثم صارت ..
أحزان فينا تنتحر ..

منتهى القريش

10-01-2012 09:14

رد : همهمه خلف جدار..

ما تعلمت اكره ولكن ..
اليوم أكره كل شي ..
يمكن..
لأن الأشياء عندي ..
اليوم صارت ..
ما تعني لي شي ..

منتهى القريش

10-01-2012 09:15

رد : همهمه خلف جدار..

رحت
أخذت الضي بيدينك
لجل عينك
بقت روحي مع العتمه
تعال وسدده دينك ..

عطني ما بقى مني
حنين الوقت بعثرني
أنام أتوسد ادموعي
ويلحفني .. صدى وينك؟

يموت الصمت بـ اشفافي
وجفني لو يكون غافي
يصحيني
واسألني .. أنا ويني؟
ألاقيني .. بنص الهم
مسافه بيني وبينك ..

على رمشي
تعبت أمشي
مشاوير القهر وحدي
تعال ولو تكون ضدي
خذ ادموعي قرابينك ..

منتهى القريش

10-01-2012 09:17

رد : همهمه خلف جدار..

(وترحل)
وانا أذبل
وثوب الفرح يتبدل
وتاخذني مشاويري ..
تلبسني مقاديري
ثياب الهم
وأتبسم
واغني لك ..
(مقادير يا قلب العنا) وينك ..

على صوتي.. يموت اسمك
ولا همك
وجع يسكن بتفكيري
يهز النوم في جفني
ويحضني ..
سهر محموم
وكلما غمضت عيني
يفز النوم ..
ياخذني الـ عناوينك ..
عنا .. وينك؟

سرحان الزهراني

03-03-2012 02:48

رد : همهمه خلف جدار..

صباحك شعر ، يا منتهى الشعر
:)

منتهى القريش

18-03-2012 01:11

رد : همهمه خلف جدار..

إقتباس »
الرسالة الأصلية كتبت بواسطة سرحان الزهراني http://www.sh3byat.com/vb/sh3byat/buttons/viewpost.gif
صباحك شعر ، يا منتهى الشعر
:)

سرحان

وبحضورك الصباحات والمساءات تصبح أجمل ..

منتهى القريش

18-03-2012 01:14

رد : همهمه خلف جدار..

المشاعر
كذبه يمكن!
ولا لوحه ..
ملونه بـ احساس شاعر

الدفاتر
أوراق .. ماضي .. ذكريات
اسم حي .. وإسم مات
الي سافر .. والي أقفى ..
والي بيته صار منفى
والـ حمل حزنه على كتفه وهاجر

النواظر
عيون كانت ..
حتى في الظلمه تشوف..
ولما رمش الليل مات ..
صارت الدنيا كئيبه ..
فيها خوف وفيها ريبه ..
وأيقنت .. هـ الليل كافر

منتهى القريش

18-03-2012 01:15

رد : همهمه خلف جدار..

ما أبيك
عزة النفس الي فيني ما تبيك
بس جيت أسأل .. كيف حالك؟
تكفى طمني عليك ..

منتهى القريش

18-03-2012 01:17

رد : همهمه خلف جدار..

غبت ..
وما تركت إلا الحنين
وحلم مكسور الجناح
إنت قاسي؟ ولا ناسي؟
ما أظن .. يسعدك نزف الجراح ..

وين وعدك
(لا تخافي .. دللي كل الأماني)
وهذا صدك ..
في لهيب الإنتظار ..
كم بكيته .. كم شكيته .. كم رماني

تعال
والله مشتاقة اشوفك ..
مرني لحظه ..
رجع الوقت الي راح
مرة وحدة لو تمر ..
يشتعل شوقي جمر ..
ومن كثر ما كنت اعاني ..
يمكن أفرح بك ثواني ..

منتهى القريش

16-05-2012 09:58

رد : همهمه خلف جدار..

(لسه فاكر)
ولا إنك بعد هجرك قد نسيت ..

منتهى القريش

16-05-2012 09:59

رد : همهمه خلف جدار..

حبست آهاتي
في قفص صدري عصافير
من كثر ما ضاق بيها
تبغى لو لحظه تطير ..

منتهى القريش

16-05-2012 10:00

رد : همهمه خلف جدار..

تذكرتك
ومرتني سحابة هم ..

منتهى القريش

16-05-2012 10:00

رد : همهمه خلف جدار..

قبل احبك ..
كنت مرتاحة كثير ..
بعد حبك
أعتقد ماني بخير ..

منتهى القريش

16-05-2012 10:01

رد : همهمه خلف جدار..

بـ اعتذر لك عن حنيني
لو يفيد الإعتذار
بـ اعتذر عن كل لحظه
ذوبتني انتظار
بـ اعتذر لك عن جراحي
وليلي الي يبقى صاحي
يزعجه صمت النهار ..
بـ اعتذر عن كل ذكرى
كل فكره
رادوتني وكنت فيها
ما أبيها..
راح أحاول إني أنسى
عصفور في ايديني حبسته
فتحت شباكي وطار ..

منتهى القريش

16-05-2012 10:02

رد : همهمه خلف جدار..

ليه تقسى
وآنا أنسى
قسوتك واغفر واسامح ..

منتهى القريش

16-05-2012 10:02

رد : همهمه خلف جدار..

ليه طعم الظلم مُر؟ ..

منتهى القريش

16-05-2012 10:03

رد : همهمه خلف جدار..

لو قسيت
لو جحدت العشرة في يوم ونسيت
يبقى لك في داخلي أجمل شعور

منتهى القريش

16-05-2012 10:03

رد : همهمه خلف جدار..

ليه بس
تتهمني ثم تروح ..
عطني فرصه
أذوب البرد بكلامي
ولا اقول لك ..
روح الله يحفظك
ان كان يسعدك اتهامي ..

منتهى القريش

22-05-2012 10:39

رد : همهمه خلف جدار..

تدري شنهو يجرحنا؟
إذا افرحنا
ولا به من يشاركنا
شحيح الفرح .. بس احنا
نبي نتقاسمه ونضحك
وندفن به مواجعنا ..

منتهى القريش

22-05-2012 10:40

رد : همهمه خلف جدار..

على طاري الأرق والهم ويا الضيق
وش اخبار السهر وياك
وش اخبارها اعيونك ..
إذا طيفي في عز الليل مر بيها..

منتهى القريش

22-05-2012 10:41

رد : همهمه خلف جدار..

طيب اسأل
وش بقى غير السؤال؟
بس تخيل
شلون يفرحني سؤالك
رغم قبح الكون وهمومي وحزني
تصير دنياي اجمل
واعيشك ظل كذبه .. كثير عذبه
واعيش وصلك لو مجرد احتمال ..

منتهى القريش

22-05-2012 10:41

رد : همهمه خلف جدار..

وش كثر هالليل معتم
يزروني طيفك ملامح ذكريات
أنام يمكن لحظه أحلم
واصحى من حلمي على صوت الألم
آتبعثر .. وآتكدر ..
أضيع في سكة وهم
وارجع أجمعني شتات ..

منتهى القريش

23-05-2012 09:57

رد : همهمه خلف جدار..

البارحه .. ضاق الكون فيني
واشتهى رمشي ينام
تلحفت عيني بعيني
قلت ادفيها حرام ..
تحس في رجفة حنيني
بردها نار وسلام ..

منتهى القريش

23-05-2012 10:00

رد : همهمه خلف جدار..

بعثره
والكلام اللي أقوله ..
بكل سهوله!
بعثره ..

محبره..
واوراق صفرا مكسره
والكلام الـ باقي فيني
ينكسر في داخلي
شي يشبه ..
صوت فقد وغرغره

أعذره ..
ليش قلبي م اعذره
إنت تعرف ..
إني أؤمن بـ (العفو عند المقدره)
كل شي ممكن أسامح واغفره
إلا صدك .. لا وربي م اقدره ..

(ع اللي جرى)
جيت أغنيها وادندن
ما مداني أبتديها..
اختنقت
انتحر فيني الكلام ..
صار صوتي مقبره ..

منتهى القريش

23-05-2012 10:02

رد : همهمه خلف جدار..

عادي تروح
عادي تجدد هـ الألم

عادي تراجع حسبتك
وتشوف من فينا انظلم

دام الله كاتب هـ الفراق
راح ارضى بـ اللي لي انقسم

انت الـ بديت
انت اللي على هجري نويت
لك عين تشره تتهم؟

وتقول لي.. متغيره!
تعتب علي
وبصبري آنا أحتويك
روح ما أبيك
غصبن علي اقولها
ما ريد روحي تنظلم ..

منتهى القريش

23-05-2012 10:03

رد : همهمه خلف جدار..

أحب أكتب قصايد شوق
واعلقها على بابك
واعشق غربتي وياك
أحب ضعفي وانا يمك
أحس عمري اشكثر يصغر
أحس اللحظه تتغير
تصير أحلى تصير أقصر
وكلمات العشق تكبر ..

منتهى القريش

23-05-2012 14:15

رد : همهمه خلف جدار..

مو غريبه .. تبقى وحدك
والـ معك في يوم كان
مو غريبه يصير ضدك
الغريبه..
إنهم وبكل شراسه
يدنسوا فيك البياض
والمشاعر ..م انت شاعر
استباحوها وراحوا
وبيحوا بالغدر سدك ..

منتهى القريش

23-05-2012 14:17

رد : همهمه خلف جدار..

لا اتندم ع اللي راح
الوفا ما هو خطيه
لا يا قلبي لا اتألم
لا ولا تشره عليا
كنت احبهم .. إيه أحبهم
مو بـ ايديا
إنهم خانوا شعوري
ما دريت
إن حبهم في حياتي
للأسف أكبر خطيه ..

الوقت المعتمد في المنتدى بتوقيت جرينتش +4.
الوقت الان » 11:08.

الصفحة رقم 11 من 11

« الأولى

عرض 40 مشاركات من هذا الموضوع في صفحة مستقلة