ليتني لااحتجت مااحتاج لغلاه
.......................... وليت قلبي للمشاوير انتبه

صاحبي.. والحب محتاج لحياه
..................... وانت بين الموت واحساسك شبه


.

.
.

جبتها على الجرح وكنك مادريت
وأنت قاصد .. ماهي عني اصدفت

والدليل إنك تبسمت ومشيت
وأنا أناديلك .. ولا يمي التفت

من عرفتك وأنت تجرح مااكتفيت
دنيتي وهي دنيتي .. منك اكتفت

..

من ديوان الشاعر الحميدي الثقفي ..


جتني مع الريح غيمه ورحلت غيمه
ماكل غيمه حملها الريح تغرقني


اموت عطشان ظامي والمطر ديمه
وارحل وانا ماخضعت لغير خالقني


استثني امي وابوي اخضع لهم شيمه
على رضاهم جناح الذل يسرقني


يستاهلون العمر ويهون تقديمه
امشي لهم بالقدم والروح تسبقني




ليلة مطر شق الرعد جو الانفاس
وامطر جنون العاصفه من حروفي

اعد واذكر وأنسى بعض ناس
اشباح ذكرى تسكن اضلاع شوفي

كان الزمان لصادق الحب نبراس
وكان المكان اطهر مكان لوقوفي

طفولتي ياحلم ياغربة احساس
يابعد شق بخنجر البعد جوفي

اصرخ ولكن تحتضن صوتي اقواس
وجمرة قلم مرتد تشعل كفوفي

كل ماتكسر للقمر بيدر الماس
حدر السنابل تورث اغصان خوفي

وكل ماخرج من معطف الليل نسناس
احاول اخرج من ثنايا ظروفي

واكتب شعر تنزيل من وحي الانفاس
لعلها تقلب حروفي حروفي



صار اصبعي ريشة
صار القلم فرد
ومشرد حروفي ... ترعى مضارب جرد



بعض القصايد غذا
وبعض القصايد سم
والبعض الآخر كذا
صرخة بليا فم
جرح ينزف شذا
وجرح ينزف دم
ومابين هذا وذا
شوف المسافة كم ..؟

تقول أمي وهبني شعري الخلاق عز وجل
جمعت لها النجوم بثوبها وأبتلت أسماله!


آه يا قربك ويا بعد المسافة
اقرب من القرب لكنك بعيد

أنت عمر صـب في عمري جفافه
نصف نار ونصفه الثاني جليد

أنت نهر عندي استودع ضفافه
واعذابي لا افتكرت إني وحيد !

حزني ابسقف المسا يأخذ كثافه
ويتصاعد صبح دخان وحديد

وارتمي بين الحقيقة والخرافة
جوف صدري عذق وضلوعي جريد

افتح الدفتر ويصفعني غلافه
ويتساقط كل ما به من قصيد



مسفر قم انفض ثرثرة دفترك عن صمت الغبار
حتى تنامى في فضا الغبشة عصافير احرفه

وان كان من غيم الجبل سيلت للوادي نهار
جبلي معك من سدرة الوادي هديل ورفرفه !!



بس ماخذت من صمتي نهاية مطاف
دمي أخضر ..ورماي القفا مايصوب

ترعد اقلوبهم – لكن مطرها جفاف
وش يميت القلوب الا جفاف القلوب

من يصدق ؟ نهر يغتال حلم الضفاف
بين جزر الشمال وبين مد الجنوب

الاماني / سنابل ..ينتظرها القطاف ..
والمواسم / تعاني جوع كل الشعوب

.
.

بس لحظة ..
ودي أفهم
هو حقيقة أو خيـال ؟!!

لكن أدري ..
هي كذا دايـم حيــاتي
تستفز الحب فيني
ليــن يكبـر
ولا عشقته وانتشيته
ألقى إني كنت ( أحــلم ) !!!

.
.

تبسّم تشتهي فمك الخزامى وأغنيات الراك // ترى الدنيـا رخيصة لاتجهم وجهك البادي

حبيبي والبحر في جوفة .. المحـار والأسماك // أنا في أعماقي أسراب القطا والعشب والكادي

على بابك هلا بك عـاذلي البرد عن لاماك // مادام إنك حبيبي .. صاحبي وبلادك بلادي !!

حبيبي يقطع المضماه حافي من سقيته ( مـاك ) // وأنا من نبعك البارد رويت وتقت لأبعادي

نساك بقلبي النسيـان جيت أضيع بك وألقاك // وأحطك في عيوني يارجـاي وغاية مرادي !

ألا ياصاحبي .. فل الستايـر وأشرح الشباك // سرى ليل الهوى وأقبل صباحك وأشرق اسهادي

أحبـك كثر ماتامـر عروقي تنتفض وانهـاك // وأحبـك كثر ماهز الهوى لدنات الأفنادي !!

وحيـدٍ مامعي غير ( الوله ) والطرس والتنبـاك // كتبتك .. هاك رمانة فمي .. وحكاية فؤادي

نايـف صقـر