http://www.up.7bebtte.com/up/7bebtte_eevL3bwM5v.amr
تأكدي كيف الوفـا بعدين قولي ما تبين
.........انتي معك نصف الحقيقه ونصفها الباقي معاي
إن ما يجي للحب شرع ٍ يجبرك انك تجين
.............و الا فلالك وقفة ٍ تستاهل اشواقي وعناي
ملّيت من كثر الألم وش عاد باقي ترتجين
.............دام الامل اصبح على قوْلتك ابعد من رجاي
فيض المشاعر من غدى حلم وتنبهته حنين
............ما والف الصدق ومداه اقصر لعيني من مداي
تدرين احبك من عرفتك طفلة ٍ تنظر بعين
.............من فتحة الباب وتطاول نفسها واظهر غباي
خايف الى منّي وقفت وقلت اشـوفك تستحين
...............وتضيع فرصه ما يتكرر مثلها وهذا بلاي
هـناااك كنتي ساكته وهناااك كنتي تضحكين
.................وهناااك لا منـّا لِعبنا ما تجين الا وراي
وهناااك كنّا نجلس ونبني عشش وبيوت طين
...........واكبر طموحك لا سـكنّا فرشة الخوص وغداي
ما كنت ساعتها اخاف الا من انّك تزعلين
...............ولا شي يهمّك وقتها الـ انّي اظهر لك رضاي
الله ياهـي حالمه ذيك البراءه تذكريـن :
..................وشلون كنت اسابقك لا اسبل همومـه مساي
واكذب واقلّد (صوت عوّي) واقول يمـّه تسمعين
................عشان اجي وامسك يديك وتبتدي لحظة هناي
وش كنتي لي غير المدامع لا غدى وجهي حزين
.............وش كنت لك غير المعزّه من ورى همـّك وجاي
واليوم شوفي وش كثر مرّت على الذكرى سنين
..................واحنا نجادل بعضنا هـذا خطاك وذا خطاي
ودام النوايا باقيه للحين تنزف ياسـمـيـن
..............جيت اعتذر لي عنك واسأل يا ترى هذا جزاي
انّي نثرتك بالفضـا عطر وعلى صدري ضنين
...................وانّي رسمتك طفلة ٍ تلعب على غيمة سماي
واني حسبتك في عيوني ولو عزمتي تبعدين
....................حدّك تعسّين الهدب وتسولفي له عن وفـاي
حسبي على الايام كاني كل ما قلت بتزيـن
......................ما انتهي من كلمتي الا ويظهر لي شـقاي
والحين يا عمري خلاص احسن لك انك ترحلين
...................هي حاجة ٍ بالقلب ماتت مثل ما ماتت خطاي
كل الشوارع اصبحت تلفظ لي انفاسه انـين
...............دام انكشف وجه الوداع وطاح من طوله غلاي
لاني بـ انا اول من مشى تايه ولا يدري لوين
..................ولا أنتي اول من طعنّي يومي اعطيتك قفاي !!
