يا هاجسي قدام شهر الترااويح *** عطنى قصيدة تبحل الناس فيها [الارشيف]

عرض كامل الموضوع : يا هاجسي قدام شهر الترااويح *** عطنى قصيدة تبحل الناس فيها

الحّر

14-11-2001, 13:33

السلام عليكم ,,,

حبيت ابارك لكم بالشهر الفضيل
وعسا الله يبارك لنا فيه ويجعلنا فيه من المرحومين
ويتقبل منا صلاته وقيامه

وينصر امه ويعز دينه انه على كل شي قدير

----------------

يا هاجسي قدام شهر الترااويح *** عطنى قصيدة تبحل الناس فيها

ابي قصيدة كنّها ذعذعت ريح *** قبل شيا طينى يقفل عليها
:))

---------

مشاركه

الزمن ما يهزم الرجل والدنيا نصيب . والثمينه غاليه والليالي تجربه

والوفا ضد الغدر والصحيب امع الصحيب . ومن يصارع بيض الايام لازم تنكبه

الكابه والحزن ما يعالجها طبيب . والسعاده لو هي بعير بكره نشعبه

شاعرن جرحه من الوقت والدنيا عطيب . حاول انه ينهب الوقت والوقت انهبه

والمذله والمهونه على الرجال عيب . والخطا مافيه رجال عاقل يرغبه

والكلااام الزين يخلص طليبن من طليب . والرجل يبقى طموحه معلق بشنبه

قادني للعشق دربن على العاذل صعيب . وحثني لشوق درسن عجزت استوعبه

واحدن في نظرته تبدي الشمس وتغيب . حد قلبي يم قلبه وساقه واغصبه

يسلب اعيون المخاليق بالرمش الغريب . ويفتن العالم بعقله وزينه وادبه

رمش عينه يطرد الخووف والليل الكئيب . وكثر صمته يستفز الكلااام ويغلبه

من عيونه يفرض السلم بعيوون الحريب . موهبه من مالك الملك واحلى موهبه

يجذب اللي ما دخل فيه لاشكن وريب . يجذبه وشلون مدري ولكن يجذبه !

ان طلبته ما بخل وان مسك جرحي يطيب . وان طلبني لو يبا النجم لبيت اطلبه

وان بدى لناس غنت طيور العندليب . وان تخفاا واختفا تنشد النااس اعربه

يا حبيبي شاعرك طاح قدامك صويب . اه من سهمن تعلق بصدره واعطبه

كان يحلم بالسعاده وحلمه مايصيب . لين صار الحلم كذبه ونارك تلهبه

اسمك ابقلبي بنا عرش حب وعهد طيب . يا عساي الموت كاني تجرات اشطبه

انت زينك صبحن ابيض ونورن مايغيب . الله اللي سجل الزين بسمك واكتبه

الخجل كنه نهب كبريا صمتك نهيب . والبراءه كنها ضيف وانت امعزبه

انت مثل السيل لاسال مع بطن الشعيب . من يمره مانتبه غصب عنه ينتبه

ايه احبك واعترف للبعيد وللقريب . ايه والدنيا بدونك بعيني مرعبه

اقتنعت ان الزمن جرح والدنيا نصيب . والثمينه غاليه والليالي تجربه

صالح عبدالرحمن

14-11-2001, 13:54

يا الحرّوقف قبل شهر التراويح

............ربّط شياطين الهوى مانبيها

ترى كلامك زوّد القلب تجريح

............أرفق بحالي لاتكوّد عليها

عموما الشهر مبارك علينا وعليك ان شاء الله وقصيده ممتازه و مقدمه أكثر من ممتازه

محمد العتيبي

14-11-2001, 13:57

اخوي الحر

اولا الله يبارك فيك والله يبلغنا رمضان كل سنه

وثانيا صح لسانك قصيده من الطراز الصعب ولا كل

شاعر يكتبها والله اكثر من رائعه

ولك تحياتي

الحّر

14-11-2001, 14:03

اخوي صالح

صح لساانك ,, والله يسلمك والله يباركن لنا بالشهر الفضيل

الحّر

14-11-2001, 14:07

اخوي محمد

صح بدنك طال عمرك ،، ومن ذوقك يالغالي الشعري

والله يسلمك

وتقبل تحياتي

شير طلوا

14-11-2001, 15:53

اخوي الحر
علينا وعليك يتبارك والله يجلعنا من صيامه ومن قيامه ويجعل لنا فيه حظ ونصيب.
اخوي الحر صح لسانك مليون وتسلم يمنك والشحم فالها وصدقني وانا جالس اقرا القصيده كاني جالس اقرا قصيده مكتوبه باسلوب شاعر عايش في وقت مهوب وقته شاعر جاي بعد وقته بمية سنه اسلوب اقل ماقول فيه رائع بمعنى الكلمة .
تمنياتي لك بالتوفيق انشاء الله.يالحر الاشقر

أريش العين

14-11-2001, 16:02

اخوي الحر

مشكور لتهنأتك يا اخوي والله يعوده على الأمه الأسلاميه بالخير والبركااات اللهم امين.والله يقبل صيامناا

اخوي الحر قصيده رائعه كلمات مترابطه...مفردااات جميله..تستحق عليهااا كل الشكر....وبالتوفيق

تقبل تحيات اختك

:rolleyes:

عبدالرحمن الربيّع

14-11-2001, 23:06

أخوي الحر

كل عام وانت بخير .
والشهر عليك مبارك .

بصراحة قصيدة من الوزن الثقيل .
أخوي أهنيك على هالمستوى الرائع كتبت فاجدت .

يا حبيبي شاعرك طاح قدامك صويب . اه من سهمن تعلق بصدره واعطبه

كان يحلم بالسعاده وحلمه مايصيب . لين صار الحلم كذبه ونارك تلهبه

اسمك ابقلبي بنا عرش حب وعهد طيب . يا عساي الموت كاني تجرات اشطبه

انت زينك صبحن ابيض ونورن مايغيب . الله اللي سجل الزين بسمك واكتبه

يسلااااااااااااااااااااام عليك صح لسانك . :)

عكاشه

14-11-2001, 23:54

الاخ/ الحر

عزالله ما بخل عليك هاجسك الله يعطيه العافيه :D

اخوي صح لسانك وسلم بنانك

وبيض الله وجهك على هالرائعه

ومشكور على التهنئه بالشهر الفضيل

لك تحياتي

ملك الورد

15-11-2001, 00:26

الحر صح لسسسسسسانك على هالقصيده الطيبه والله

الحّر

16-11-2001, 07:37

شير طلوا

اخوي الغالي،،، اشكرك على هذا الاطراء الجميل ,, والله يسلمك من ذوقك الشاعري

وانشالله اكون عند حسن ضنك

ولك تحياتي

الحّر

16-11-2001, 07:48

أريش العين

الله يتقبل مناومنك صالح الاعمال

والله يسلمك ويعطيك العافيه

وتقبل تحياتي

الحّر

16-11-2001, 07:51

عبدالرحمن الربيّع

صح بدنك يالغالي ،،، والله يسلمك ويعطيك العافيه

وتقبل تحياتي

نوف الراشد

16-11-2001, 08:05

اسمك ابقلبي بنا عرش حب وعهد طيب
................... يا عساي الموت كاني تجرات اشطبه

انت زينك صبحن ابيض ونورن مايغيب
................... الله اللي سجل الزين بسمك واكتبه

الخجل كنه نهب كبريا صمتك نهيب
................... والبراءه كنها ضيف وانت امعزبه

اخوي الحر ..
مبروك عليك الشهر وينعاد علينا وعليك وعلى المسلمين جميييع
والله يعطيك العافيه على هالقصيده الراااااااائعه
انا اشهد انها من اجمل القصايداللي قريتها
صح لسانك مليوووون مره
ولاعدمناك يا المتميز :)

تقبل تحياتي
أختك .. عطر الخزامى

الحّر

16-11-2001, 08:31

اخوي عكاشه

صح بدنك يالغالي ،،، ويكفي تشريف للقصيده مرورك عليها

ويعطيك العافيه يالغالي,,, ولاهنت

ولك تحياتي

[ نوفمبر 15, 2001: تم تعديل الموضوع بواسطة : الحّر ]

محمدالثبيتي

16-11-2001, 09:46

اخوي الــــــــــــــــــــحر

عزالله انك حر*****************

وعزالله ان هالقصيده مايكتبها الاحر**************

بغيت اختار واحد من البيوت استشهدبه على جمال

القصيده ولكــــــــن جتني القصيده كلها ولاحبيت

اعيدها

صح لسانك وبيض الله وجهك

ومبروك عليك شهر الخير والبركه

ولهان-1

16-11-2001, 09:52

انت زينك صبحن ابيض ونورن مايغيب
.......... الله اللي سجل الزين بسمك واكتبه

الخجل كنه نهب كبريا صمتك نهيب
.......... والبراءه كنها ضيف وانت امعزبه

انت مثل السيل لاسال مع بطن الشعيب
..........من يمره مانتبه غصب عنه ينتبه

:) :) :)
 بعذوبه
يقرر الحضور
واقرأ
بكل مايتوغل فيني من احساس
هذا الوجد
هذا النهر الجارف من المشاعر
..
الحر
شاعر يجيد صياغة الابداع بطريقته
..
الحر
شاعر يملك من البهاء مايجعل
حضوره متدفقا
..
الحر
كل عام وانت بخير
ولكن
الى الان
مازلت
اقرأ
واقرأ
وصح لسانك وبيض الله وجهك

طلال الشمري

16-11-2001, 09:56

الحر

شاعر ومتمكن

صح الله لسااانك ملاااايين

ولاهنت

الحّر

17-11-2001, 06:19

عطر الخزامى

اختي الغاليه,, صح بدنك ويعطيك العافيه ويكفي حضورك يزيد القصيده شذى من عطر الخزامى

ولاعدمت حضورك الراقي

وتقبلي تحياتي الاخويه

الحّر

17-11-2001, 06:49

اخوي محمد الثبيتي

صح بدنك طال عمرك,,, وانشالله اكون عند عسن ضنك

وتقبل تحياتي الاخويه

ابونوت

17-11-2001, 08:07

الحر صح لسانك على هالقصيد العدل

واحدن في نظرته تبدي الشمس وتغيب . حد قلبي يم قلبه وساقه واغصبه

الله يعين الظاهر انا بنردها غزل

تحياتي واعجابي لك عزيزي .

البندري 2000

17-11-2001, 22:37

.الشاعر الحر صح لسانك قصيده في منتهى الروعه

الله يعطيك العافيه ومنها للأفضل انشاء الله ...

بس فيه ملاحظه في البيتين هذي ...

الزمن ما يهزم الرجل والدنيا نصيب . والثمينه غاليه والليالي تجربه
والوفا ضد الغدر والصحيب امع الصحيب . ومن يصارع بيض الايام لازم تنكبه
في الشطر الأول من البيت الأول قلت الزمن مايهزم الرجال والدنيا نصيب
والشطر الثاني من البيت الثاني قلت ومن يصارع بيض الأيام لازم تنكبه

فيه تناقض ....؟ صح والا انا غلطانه....

لكنه تناقض ابداعي لايتقنه آلا الكبار ,,,

تحياتي لك ....وكل مام وانت بخير
.

ابو مهنا

18-11-2001, 02:59

إخوي الحـــّر كل عام وانت بخير وعسنا وياكم من صائميه وقائميه ومقبولي الإجرفيه

إخوي: صح لسانك مليون والله القصيدة رائعه وإنت راعي الروائع يا لحـّر
الزمن ما يهزم الرجل والدنيا نصيب . والثمينه غاليه والليالي تجربه

إقبل فائق إحترامي

والسلام

الحّر

19-11-2001, 09:53

ولهان1

ياهلا والله بالشاعر ولهان1

والله لي الفخر ,,, ان شاعر بمثل مستاوك يشيد بمشاركاتي

ولاهنت طال عمرك

وبيض الله وجهك

الحّر

19-11-2001, 09:55

اخوي غزلان

صح بدنك طال عمرك ولاهنت يالغالي

ولك تحياتي

راعي العنود

19-11-2001, 10:13

اخوي :الحر......مشكور على هذه التهنئه والله

يسلمك ...وعسى الله يعيده علي المسلمين بالنصر

والعز من عنده...

اخوي ماشاء الله ماخيب ظنك هاجسك......

اخوي ...صح لسانك وبيض الله وجهك ياذيبان

وانا اشهد انك ابدعت يابعدي ...

واحدن في نظرته تبدي الشمس وتغيب . حد قلبي يم قلبه وساقه واغصبه

يسلب اعيون المخاليق بالرمش الغريب . ويفتن العالم بعقله وزينه وادبه

رمش عينه يطرد الخووف والليل الكئيب . وكثر صمته يستفز الكلااام ويغلبه

من عيونه يفرض السلم بعيوون الحريب . موهبه من مالك الملك واحلى موهبه

لاوالله بيض وجهك هاجسك ....تسلم يابعدي ..

:D :D :D :D :D :D :D :D :D :D

الحّر

24-11-2001, 08:09

ابو نوت

صح بدنك طال عمرك

ولاهنت يالغالي

الحّر

24-11-2001, 08:15

اخوي طلال الشمري

صح بدنك ولاهنت طال عمرك

وتقبل تحياتي

الحّر

24-11-2001, 08:20

اختي البندري 2000

الاروع مرورك على القصيده

ومشكوره من ذوقك اختي

وصح بدنك

ويعطيك العافيه وبيض الله وجهك

وتقبلي تحياتي

الحّر

24-11-2001, 08:22

اخوي ابو مهناا

يعطيك العافيه وكل عام وانت بخير

ومن ذوقك الشعري طال عمرك

ولاعدمناا مرورك

وصح بدنك

وتقبل تحياتي

الحّر

24-11-2001, 08:25

اخوي راعي العنود

كل عام وانت بخير ,,, ياخوي حضورك مميز وله نكته الخاصه :)

ويسعدني اني حازت قصيدتي على ذوقك الشاعري

ولا عدمناك يالطيب

وتقبل تحياتي طال عمرك

سعيد بن مقبل الأكلبي

24-11-2001, 16:32

السلام عليكم ورحمة الله وبركاته

وكل عام ونت يا عزيزي بالف خيرٍ وعافيه

ايه احبك واعترف للبعيد وللقريب . ايه والدنيا بدونك بعيني مرعبه

اقتنعت ان الزمن جرح والدنيا نصيب . والثمينه غاليه والليالي تجربه

وحنا طال عمرك بعد هذي الرائعه منك.....متأكدين من محبتك له.....لا وايش .... من النوع.....الي يستسلم لها من يسمعها.......صح لسانك .... وصح بدنك.......وصراحه انا الخسران الي ما قريتها الا متأخر بالحيل.