أريش العين
08-11-2001, 12:20
بسم الله الرحمن الرحيم
هذه قصايد لشاعرات من ارض الجزيره تحمل صدق الأنثى في نقل مشاعرهاااوتحمل بين طياتهاا شفافيه متناهيه....ما ابي اطول عليكم..
هذه قصيد لنفلا بنت ابن شعلان تتوجد على زوجهاا محمد السديري الذي فضلته على ابناء عمومتهاا
تقول فيهااا
يا محمد عقب الغلا وش جاك**وش غير المذهب الزيني
يوم ان قلبي بغى لاماك**حرمت كل الشعاليني
واليم تبين لي جفواك**تمرني ما تحاكيني
-----------------------
وهذي قصيدهلعمشا الدغلبيه تشكوى فيهااا
تقول:
يا سعد دوك الليالي غربلني**كن ضو بقيق تشتعل في فؤادي
يا سعد يا بعد من همه شحني**دونه الصمان مع حمر الريادي
يا رجاي دموع عيني غرقني**مثل سيل حادر له وسط وادي
-----------------------
وهذي قصيده رائه لمباركه بنت رشاد تقول فيهاا
البارح الهم في قلبي عمل له مراح**ودموع عيني على الخدين ما تنحصى
يا طير الا وا هنيك يوم جالك جناح**تنفر مع العرش وتسير على ما تبى
عساك عينت ربعي ناقلين السلاح**اللابه اللي على فاله وعلم نقى
-----------------------
وهذه القصيد تبين فيها الشاعره مشاعر الأم التي تفقد ولدهااا تقول الشاعره سعيده الثعليه:
يا لجتي لجه خلوج المصاغير**اللي على بو تزايد حناها
ويا حنتي حنه خلوج على الضير**استلطفت حب النما في حشاها
ويا حسرتي ظلت دلاله مواجير**عقب الحشام اللي تسير علاها
منزال بيته مدهل للمسايير**واليوم مدري وين دار نصاها
------------------------
وهذه شاعره من قبيله شمر تقول القصيده بزوجهاا عندما عاد ماسفر وغلبهاا الحنين تقول:
هلا بذلولك وهلا بهالزول**عقب البطى وعقب الأياس
ترحيبه القاع بالهملول**ومن الضماس القشع يباس
------------------------
وهذه الشاعره الكبيره نوره الهوشان تتوجد في الأبيات التاليه تقول فيهاا:
أبغيه لو هو يطبخن ثم يشوين**يبرد لهيب القلب ضمه ولمه
يا حلو قوله هيش يا ويش تبغين**أحلى من الورع المفاغي على امه
-------------------------
وهذه الشاعره شموخ تجر وناتهااا وتقول:
دقات قلبي كلها له وتعنيه**وينه حبيبي اليوم وينه ووينه
ليمن ذكرته هزني شوق اخفيه**وأجر صوت القلب واخفي ونينه
-----------------
ومسك الختام للشاعره عابره سبيل بأبيات في منهى الروعه والجمال تقول:
هيا تغزل وغن وزيد تدليلي**البنت يا حبها للي يداعبهاا
قل لي ايش رايك بعقدي مع خلاخيلي**وشف قذلتي يوم قصينا ذوايبهاا
اتمنى اني ما طولت عليكم
تحيات اختكم اريش العين
السلام ختام
:rolleyes:
هذه قصايد لشاعرات من ارض الجزيره تحمل صدق الأنثى في نقل مشاعرهاااوتحمل بين طياتهاا شفافيه متناهيه....ما ابي اطول عليكم..
هذه قصيد لنفلا بنت ابن شعلان تتوجد على زوجهاا محمد السديري الذي فضلته على ابناء عمومتهاا
تقول فيهااا
يا محمد عقب الغلا وش جاك**وش غير المذهب الزيني
يوم ان قلبي بغى لاماك**حرمت كل الشعاليني
واليم تبين لي جفواك**تمرني ما تحاكيني
-----------------------
وهذي قصيدهلعمشا الدغلبيه تشكوى فيهااا
تقول:
يا سعد دوك الليالي غربلني**كن ضو بقيق تشتعل في فؤادي
يا سعد يا بعد من همه شحني**دونه الصمان مع حمر الريادي
يا رجاي دموع عيني غرقني**مثل سيل حادر له وسط وادي
-----------------------
وهذي قصيده رائه لمباركه بنت رشاد تقول فيهاا
البارح الهم في قلبي عمل له مراح**ودموع عيني على الخدين ما تنحصى
يا طير الا وا هنيك يوم جالك جناح**تنفر مع العرش وتسير على ما تبى
عساك عينت ربعي ناقلين السلاح**اللابه اللي على فاله وعلم نقى
-----------------------
وهذه القصيد تبين فيها الشاعره مشاعر الأم التي تفقد ولدهااا تقول الشاعره سعيده الثعليه:
يا لجتي لجه خلوج المصاغير**اللي على بو تزايد حناها
ويا حنتي حنه خلوج على الضير**استلطفت حب النما في حشاها
ويا حسرتي ظلت دلاله مواجير**عقب الحشام اللي تسير علاها
منزال بيته مدهل للمسايير**واليوم مدري وين دار نصاها
------------------------
وهذه شاعره من قبيله شمر تقول القصيده بزوجهاا عندما عاد ماسفر وغلبهاا الحنين تقول:
هلا بذلولك وهلا بهالزول**عقب البطى وعقب الأياس
ترحيبه القاع بالهملول**ومن الضماس القشع يباس
------------------------
وهذه الشاعره الكبيره نوره الهوشان تتوجد في الأبيات التاليه تقول فيهاا:
أبغيه لو هو يطبخن ثم يشوين**يبرد لهيب القلب ضمه ولمه
يا حلو قوله هيش يا ويش تبغين**أحلى من الورع المفاغي على امه
-------------------------
وهذه الشاعره شموخ تجر وناتهااا وتقول:
دقات قلبي كلها له وتعنيه**وينه حبيبي اليوم وينه ووينه
ليمن ذكرته هزني شوق اخفيه**وأجر صوت القلب واخفي ونينه
-----------------
ومسك الختام للشاعره عابره سبيل بأبيات في منهى الروعه والجمال تقول:
هيا تغزل وغن وزيد تدليلي**البنت يا حبها للي يداعبهاا
قل لي ايش رايك بعقدي مع خلاخيلي**وشف قذلتي يوم قصينا ذوايبهاا
اتمنى اني ما طولت عليكم
تحيات اختكم اريش العين
السلام ختام
:rolleyes: