اين ستقضي الصيف هذا العام وماذا ستفعل(المشاركه للجميع) [الارشيف]

عرض كامل الموضوع : اين ستقضي الصيف هذا العام وماذا ستفعل(المشاركه للجميع)

سعود السمران

28-06-2003, 20:25

الاخوه والاخوات اعضاء منتدى شعبيات
الحقيقه ودي اطرح موضوع الاجازه الصيفيه هذا اين ستقضيها سواء خارج اوداخل المملكه هذا اولا
الشي الثاني هل هناك برنامج تخطيط اتخذته لاجازتك وهل خططتت لاجازتك بشي ترجو منه نتائج
ايجابيه
ماذا تقصد من الطبيعي ان احدكم ان يسئل هذا السوال
مثاااااااال
سافر مثلا س من الناس الى باريس وزار الشانزلزيه على ماعتقد اسمها كذا كان ماني واهم ;) وراح يقضي اغلب ايامه في السهرات والليالي الملاح ويرتدي افخم الملابس من اغلى الماركات واغلب تلقاه مستاجر عشرين بودي جارد من باب الوجاهه الكاذبه لحماية شخصه الكريم من اللصوص والملاقيف والمعجبين والمعجبات وينام الصباح
لذا من النادر جدا ان تجد خليجي يصحو مبكرا ويذهب مع المجموعات السياحيه مثل الغرب ويزور المتاحف اولاماكن المعروفه التي يستفيد منها السايح من باب الاطلاع وتثقيف نفسه بحضارة هذا البلد
السفر هل وجاهه لديكم ام معرفه وهل تسثمرونه بشي مفيد ام صرف فلووووس على الفاضي من باب الفشخره انتظركم في هذا الموضوع

طميران

28-06-2003, 20:52

بالخير يابن العم :D موضوع زين ودقرت عنده واخوك طميران ماله مراويح انا من سوق البل لا سوق الحمام :D <==== عسى ماشرلاسوق الطيور :D سافر مثلا س من الناس الى باريس وزار الشانزلزيه على ماعتقد اسمها كذا كان ماني واهم وراح يقضي اغلب ايامه في السهرات والليالي الملاح ويرتدي افخم الملابس من اغلى الماركات واغلب تلقاه مستاجر عشرين بودي جارد من باب الوجاهه الكاذبه لحماية شخصه الكريم من اللصوص والملاقيف والمعجبين والمعجبات وينام الصباح :D يابعد الكلام اللي تقوله هذه يا سعوووود على اخوك طميران للكن موضوعك صراحه جميل ورائع وحبيت اشارك فيه

تحيات اخوك طميران بن شعيفان:D

زرفيل ابوخطمه

29-06-2003, 01:36

مووووضوع جميل جدا يابوسمران السفر فيه فوايد واجد لكن اليا جا فالدعوى بوديجاردات وشانزليزيه مايصلح انا مارحت اكل:D :D :D
<=== يحسبن البوديقار والشانزليزيه كيك
انا على سبيل المثال رحت لفرنسا 3 مرات انا والعائله ازور ولدي دغش الرجال هناك فاتحن له فوال متشارك هو ويمني ومعطيه نسبه اقولك ليا رحنا مانستخدم المواتر دايم نمتر شوارع فرنسا على السياكل ورادفن طمره معي وتمشي لاااان غياب الشمس ثم سفطنا فالغراميل اللي عانها عن باريس مغيب نجوم ثم نزلنا العزبه وصلحنا القهوه والشاهي وتعشانا ثم رقدنا فالبراد ثم صبحنا الاهرامات من بكره<== ياصدقه صدقااه:D :D ثم دوجنا نهارنا كله ثم رحنا على النهر حق باريس تصدق ان له 5 ايام وهو يمشي السنه هذي مرحومين الفرانسوه وهذا برنامجي ترى ماعلمتك الا علشان ماتقول اني داشر:D :D

اللي مايخلي باريس ولا سنه
زرفيل ايفل:D

خالد الشايع

29-06-2003, 23:38

8
8
8
عادي يابو سمران لاتتحطم الى هالحين ماخشو بالمود :)
.................................................
انا عن نفسي يا اخ سعود ناسي اخر سنه عرفت فيها اجازه الصيف بس اذا سافرت لن اتعدى ربوع بلادي لان ماعندي سيوله(مفرده مهذبه جدا)
بس لو قدر لي وحصلت سيوله ماراح اتوانا في الهروب من ربوع بلادي اللي حفضتها عن ظهر قلب واكثر شي حفظته فيها (ممنوع دخول العزاب) لذلك كان اجمل مصائف للشباب اللي حلاتي(ماعندهم سيوله) واقولها وبكل اسى استراحات,مقاهي
يعني وقت ضايع .

عموما.
انا لا اؤيد السفرللخارج ابدا وخصوصا بعض هاللي فشلونا الله يفشلهم واسائو وبكل حقا.... لسمعه الشعب السعودي المسلم. وليت لي سلطه عليهم
.
.
.
اذكر هنا سالفه ذكرها لي احدهم
يقول اني سافرت لاندونيسيا وطبعا ماراح يدعو الى الله ولا راح يبني مساجد رايح صياعه قصدي سياحه

يقول اني كنت بسوق بحاله نص طبيعيه(يعني نص مهيب طبيعيه) وجوني ثلاث اندنوسيات متحجبات ومعهم قرآن يقولون انت سعودي لو سمحت اقرا لنا قرآن
يقول اعتذرت منهم بتصريفه واقول بنفسي وش موقفهم لو يدرون ليش انا جاي ..!!

شفت ياسعود وشلون ينصدمون الآخرين بتصرفات ابنائنا.!!

ياليتهم يحسون..

تقبل تحياتي

القيصر

30-06-2003, 02:34

كاتب الرسالة الأصلية : زرفيل ابوخطمه
مووووضوع جميل جدا يابوسمران السفر فيه فوايد واجد لكن اليا جا فالدعوى بوديجاردات وشانزليزيه مايصلح انا مارحت اكل:D :D :D
<=== يحسبن البوديقار والشانزليزيه كيك
وتعشانا ثم رقدنا فالبراد ثم صبحنا الاهرامات من بكره<== ياصدقه صدقااه:D :D
اللي مايخلي باريس ولا سنه
زرفيل ايفل:D

زرفيل ابو خطمه :D

وش دخّل الأهرامات في مصر في باريس:D

الله يرضى عليك وعلينا :D

خالد الشايع

عادي يابو سمران لاتتحطم الى هالحين ماخشو بالمود :)

والله مافقسها الا انت الله يرضى علينا جميعاً :D

ان كانكم كل يوم كذا كل يوم باجي :D