واعيني اللي حاربت لذة النوم

[ر بيـــــش الصيعـري]

يا زيــن قلـــبي في محـــبتك مــــــلــــــــــزوم
من بــعــد مــابيــحـت خــافـي كنـــــــيني

واعـــيني أللـــي حاربــــت لــــــذة الـــنـــوم
عــيت تــنــام بـهــجــــعة المسـلمــــيــني

والـــــيا دنـــــا لـــيلي دنـت مني هــــــمــوم
أقــــوم وأقـــعــد من طـــواري تــجيــــني

يالليـــل ما عــنـــدك لي أخــــبار وعلـــــــــوم
من واحدٍ حــــبــه بـقــلـــبي مـكــيــنــــي

أبـــو ثــمان رهـــــاف والـــنهـد مـــزمــــــوم
تـــوه صـــغــــيرٍ مـــالــكـــدها الجـــنــيني

ودي بــــشــوفه بـــس خايـــف مـن اللـــــــــوم
ويــــضاً من الحـــســـاد والشـــامتــيــنـــي

لــو ينشـــرىعـــهدٍ علـــّـي لفـــرق الســـــــوم
برخص لـــه الغـــالي ولو زاد د يــَّـــنــــي

يا الله عـــسـى مايـبطــي القـــلب محـــــــــروم
منــــك ونـا أناظــرك قــــدام عـــيــــــني
............
مع تحيات أبوسلطان

[بدوي في امريكا]

اخوي ربيش:

الله الله .....

شعر رائع من شاعر يستطيع ان يطوع المفردات لتصبح قناديلا منيره في سماء الشعر....


صح لسان على هذه الرائعه


تقبل تحيات
اخوك البدوي

[حموووود الفلته]

واعيني اللي حاربت لذت النوم
يوم المغني جرت صوت الحنيني
.
.
ياربيش هيضت الطواري مسى اليوم
ياربيش فاحت دمعتي وسط عيني
.
.
ياربيش بانت خلتي باوسط القوم
ياربيش تصفق في يساري يميني
.
.
ياربيش في خافي ضميري له ارسوم
ياربيش ما تمحى غلاه السنيني
.
.
ياربيش عينه عين من يدرج الحوم
ياربيش حرا جدعته للسميني
.
.
ياربيش وضحا زومعت باول الكوم
ياربيش ترعى بالغبايا و يميني
.
.
ياربيش كن مبيسمه عقد منظوم
ياربيش من لول البحار الثميني
.
.
ياربيش و اسمح كان فالقول مثلوم
ياربيش في راسك تطيع و تليني
.
.
وسلامتكم اسمحلي اخوي ربيش دخول بدون استاذان لاكن العاشق ما ينشره عليه احيانا اقر البيتين اللي تحت و تعرف.

[ر بيـــــش الصيعـري]

أخوي بدوي في مريكا
تســـلم يالغالي على الاطراء وعلى متابعتك
المستمرة وصح بدنك لاعدمتك


أخوي حمووود الفلته
هلا بك وغلا وصح لسانك
على هالمجآراة الجميله
ومايحتاج إستئذان طال عمرك
إذنك معك ههههه شــكراً لتواصلك
وياهلابك

[ذيبان]

الرائع دائماً ( ربيش الصيعري )

قصيدة في منتهى الذوق والجمال

صح لسانك ..... وننتظر منك ما يثير قلوبنا قبل مسامعنا ويجعل خيالنا واسعاً وينقلنا لرائعة جديدة لم يسبق أن سمعنا بمثلها

[ر بيـــــش الصيعـري]

أخوي ذيبان

تســـلم يالغالي على الاطراء
وصـــح بدنك لاعدمتك

[عكاشه]

المتألق دائما ربيش الصيعري

اولا اسمح لي على التاخير ولكن عذري هو قلة حضوري الى الديوانيه

اخوي صح لسانك وسلمت يمينك وبيض الله وجهك عاى هالقصيده اللي تدل على تمكن شاعرها من الكلمه

اخوي لك اطيب التماني

:) :) :)

[عكاشه]

اين هذا الشاعر؟؟

من اول الشعراء اللي كتبوا في شعبيات

اذا لم يكن بالفعل هو اول واحد

[مرزوق الصواغ]

صح السانك



قصيده جزله ولاهنت

[هايم]

صح لسانك

لــو ينشـــرىعـــهدٍ علـــّـي لفـــرق الســـــــوم
برخص لـــه الغـــالي ولو زاد د يــَّـــنــــي







ماقصرت بهالقصيده الجزله




تقبل تحياتي






فهد