أنثري باقي الضيق!!

[محمد بن حليلان]

متواضعه للتواصل.. وأتمنى العذر للانقطاع..


ان كان في صدرش من الضيق باقي=قومي انثري من باقي الضيق فيني
ودي بضيقش يحتويه .. اشتياقي=وودي الي من ضقت شوق!! أحتويني
ياغاية الرغبه وكل انسياااقي=مجنون انا في الحب لا تحرميني
ودي بش تحسين معنى احتراقي=واحس فيش ان كل شيٍ يبيني
غيرش فلا والله ماني بلاقي=من يطفي اشواقي ويسمع ونيني
مانتي مجرد شك وضنون هاقي=لا والله الا لهفةٍ تعتريني
فيني فؤادٍ كل ما ضقت ضاقي=اليا انتهى ليل الحزن يبتديني
يفرح الي من حآن وقت العناقي=ويزعل ليا غبتي عن أنظار عيني
ياذوق عن كل المخاليق راقي=أنتي لي الذكرى وحلم السنيني
ياملهمة عقلي ولذة مذاقي=ذقتش ولو ما قلت لش ذوقيني
ذقتش غلا والعقل ماعاد فاقي=من لهفة في الحب بينش وبيني
أنا ولو الوقت غير نطاقي=والله ما قوى غيبتش صدقيني
ما فيه أحد غيرش يفك اختناقي=ومافيه احد غيرش يبيح كنيني
الشآهد الله لي نويتي فراقي=كني مفارق في البشر والديني
علمتي الارواح معنى التلاقي=وعلمتي الإحساس معنى الحنيني
القلب حبش معتنقه إعتناقي=كنه غدى للقلب مذهب وديني
تعالي آضمش وشدي وثاقي=خلي يمين الحب تمسك يميني
ولي عاد في صدرش من الضيق باقي=قومي انثري من باقي الضيق فيني
ودي يضيقش يحتويه اشتياقي=وودي الي من ضقت شوق احتويني

[محمد الطنيني]

إبداع أيها الشاعر .
تقبل شكري ومروري المتواضع .