عبدالله الشلاقي
16-04-2012, 03:27
#خماسين وصيوف
...........................................
لا شك أنا وقتي خماسين و صيوف
من قبل حر القيض يلقى يمومي
وأدركت من حيني تصاريف وكلوف
حتى الزمن عيا يطاوع سلومي
من عقب ما حنا معازيبه .ضيوف
و أرهى علينا بالنكد والهمومي
ولو لي على بعض المداغيش معروف
ما أقول له تثني حدود الكمومي
أبطيت وظروفي على ماهي ظروف
و الناس ما تقضي خطاة اللزومي
وأنا أحمد الله لي عن الناقص كتوف
أنقل حمولَ ما قوتها القرومي
أضحك ولي بالشعر صفين ودفوف
و اكتب بيوتَ لي عليها ختومي
أمدح هل الطالة ولا أقولها خوف
و رد الوفاء عادة قوي العزومي
وأحيان لي في بالذم غايات وشفوف
والناس ما دريت ببعض العلومي
وأحيان احس الشعر واحد وملقوف
و يبي يطلع ما خفى للعمومي
واحيان احس حروف شعري لي سيوف
و اقطع بها وجه الظلام الظلومي
ولي بالغزل فتلا مهو ياعرب صوف
باللي عليها الوصف قباَ قحومي
ما أقول له ريما ولا أقول له نوف
ستري لها ستر الجسد بالهدومي
حالة بها الدنيا و أنا أشوفها شوف
والله يعديها الخطر و السمومي
صبرت والدنيا علي مابها روف
من شانها و الوقت ما هو رحومي
لكنها راحت تقل من ورى الجوف
وأنا تقل بين الهدا و الجمومي
هجرانها طول وأنا وجدي حسوف
على ليالَ ما كتب له تدومي
هبيت يا وقتَ دحادير و جروف
و ليا وقع حظَ وقع ما يقومي
أجيب لا فضوا على الناي معزوف
و أسُرح شطونَ علينا تزومي
صدري غدا له من شقى وقتي رفوف
بواقع حياةَ مثل وقع الحلومي
حيث الفصول الأربعة كله عصوف
في خافق اللي ترتويه الغمومي
...........................................
لا شك أنا وقتي خماسين و صيوف
من قبل حر القيض يلقى يمومي
وأدركت من حيني تصاريف وكلوف
حتى الزمن عيا يطاوع سلومي
من عقب ما حنا معازيبه .ضيوف
و أرهى علينا بالنكد والهمومي
ولو لي على بعض المداغيش معروف
ما أقول له تثني حدود الكمومي
أبطيت وظروفي على ماهي ظروف
و الناس ما تقضي خطاة اللزومي
وأنا أحمد الله لي عن الناقص كتوف
أنقل حمولَ ما قوتها القرومي
أضحك ولي بالشعر صفين ودفوف
و اكتب بيوتَ لي عليها ختومي
أمدح هل الطالة ولا أقولها خوف
و رد الوفاء عادة قوي العزومي
وأحيان لي في بالذم غايات وشفوف
والناس ما دريت ببعض العلومي
وأحيان احس الشعر واحد وملقوف
و يبي يطلع ما خفى للعمومي
واحيان احس حروف شعري لي سيوف
و اقطع بها وجه الظلام الظلومي
ولي بالغزل فتلا مهو ياعرب صوف
باللي عليها الوصف قباَ قحومي
ما أقول له ريما ولا أقول له نوف
ستري لها ستر الجسد بالهدومي
حالة بها الدنيا و أنا أشوفها شوف
والله يعديها الخطر و السمومي
صبرت والدنيا علي مابها روف
من شانها و الوقت ما هو رحومي
لكنها راحت تقل من ورى الجوف
وأنا تقل بين الهدا و الجمومي
هجرانها طول وأنا وجدي حسوف
على ليالَ ما كتب له تدومي
هبيت يا وقتَ دحادير و جروف
و ليا وقع حظَ وقع ما يقومي
أجيب لا فضوا على الناي معزوف
و أسُرح شطونَ علينا تزومي
صدري غدا له من شقى وقتي رفوف
بواقع حياةَ مثل وقع الحلومي
حيث الفصول الأربعة كله عصوف
في خافق اللي ترتويه الغمومي