" اسمي و عمري و جوالي .. و عنواني "

[شلوان الشلوان]

-



مريت اسلم بس بالقلب و العين ...=
... فمكانك اللي خابر ، و ما لقيتك !

لكن معاك الين ما شوفك يحين ...=
... و تشوف عينك بين الاضلاع بيتك

و انا .. منيب آقول وينك وانا وين ...=
... اقول لا تبطي علينا ، فديتك


-

[شلوان الشلوان]

-



اليكِ سيّدتي ،

شيئاً منَ النَثرِ ..

ضرباً من الفصحى .
من شاعرٍ أضحى .

في قمّة الشعر ِ ..



قولي لنُقَادي ،

اني أُحبُّ جديلَ الشعرِ مربوطاً .
بالوزنِ و القافِ ..

مُتستِّرا ً.
بحجابهِ الضافِي ..

من أوّلِ السطر ِ ..



ألا سماءَ هُنا ؟
ليطير بي طيري .

و أقول في الاجواء ..
ما قلتُ ذات مساء ** ..

أني كتبتُ الشعرَ من فرطِ الشعور ..
شعرا حقيقياً - خياليا ً-

ابورُ ولا يبورْ .. !


متربعاً ،
مع نخبة الشعراء

ذا الصوت صوتي ،
و اسمعي الاصداء ...

قد كان ذا قدَري . !


_


**
اذ قيلَ لي :
يا شاعرَ الأعراب ..

في نظمك النبطي ِِّ ،
لم تستحوذ الإِعجاب ..

فقلتُ في عَجل ٍ :
ما يسلبُ الألباب ..

صيداً سميناً .
دُراً ثمينا ً .

من غُبَةِ البحرِ ..


.

[شلوان الشلوان]

-



لا يا سعد والله ثم والله ما مثلك رفيق ... =
... لا يالسنافي جعلني مابْكيييك يا ذرب الخصال
مانيب اعدّك بس من بين اخوياي اطلق طليق ... =
... ولانيب اعدّك بس من بين المكاسب راس مال
لا بالله انك عندي اعلى من اجا و الا طويق ... =
... و اطيب من اطيب من على الرمضا يشدون الرحال
لا صارت الامتان بين تطيق ... والا ما تطيق ...=
... حنا لها لا صرت يا طير السعد بين الرجال
تطري علي و اتذكر الغربه مع العهد الوثيق... =
و انا على العهد الوثيق آموت وانا اخو العيال


-

[شلوان الشلوان]

-



صورت احلى الغلا بس احترق فلمه=
... و قطعت ميل الغرام و خانني ملي

ياخوي اخذ من صميم البوح كم كلمه=
... عوايدك تسمع لبوحي و تفهم لي

كيف اقطعه و السيوف الحدب منثلمه=
... و لو باهجر اطلالته شباكه مطلّي

وانا الذي في اللقا حقق بعض حلمه=
... بس الفراق انتصر بعضه. عليّ كلي




-

[شلوان الشلوان]

-



كل ما قمت اتردد على حيّ المروج=
... و اوصل لبابه. و رجلي تعود ادراجها

قامت دموع المحاجر على رمشي تموج=
... كل ما احبس دمع الاعين يزيد انتاجها

جادلٍ تسبي و تذبح. بلا كحله و روج=
... دون حاجه لاسلحتها و لا مكياجها

يا وجودي بعد فقدة نزيل ضلوع عوج=
... وجد من رد العطيه. و هو محتاجها

لين صرت من التوجاد في الغدرا ادوج =
... وانطفى - في عزّ غدراي - نور سراجها

-

[شلوان الشلوان]

"


عمت ِ مساء ً ..

كُلَّما في بُعدكِ
عشتُ هَباء ً ..

أو كُلَّما آنست
في الأشياءِ من حولي :
بُكاء ً ..

"

[شلوان الشلوان]

-



ودي ان " الموعد المنتظر " له بروفه ..=
.. لاجل اوَسّع مخابيه او اطَوّل قصيره

او احدد مقاييسه و انقّط حروفه ..=
.. او اخليه لين الوجد يلقى مصيره

قلت له - رغم علمي - باستحالة ظروفه :=
.. دام عينك بصيره .. خل عندك بصيره

عاشقِك ما يدوّر منْك عطف ومروفه..=
.. بس حُبٍ كليته ودي اشرب عصيره



:)


-

[شلوان الشلوان]

-



يااا سعد . لو فرضت اني على ما يرام =
.. وان الانفاس ما زالت تجوب الصدور
فاعرف اني مداوم مع همومي دوام =
.. بآخذ بريك . بس الوقت راعي قصور
و الشعور اللي عجزت آوصّله بالكلام =
.. للكلام العوض. بس اش مصير الشعور ؟
يندفن حب. يمضي يوم. و يمرّ عاااام =
.. والخلاوي مع الهاجس يلف ّ و يدور !

-

[شلوان الشلوان]

-


وِ تمُر ّ في بالِي .

و احْكي َبك .. و احكيك ..

حتى لعذّالِي .


لو عَذْرَبوا .. وش عَاد ؟

انتْ ..

لحروِفي زَاد .


كل ّ القصَايدْ فيك ..

يالغايبْ الغاِلي.

-

[شلوان الشلوان]

-



و اني افصّل لك من ضلوعي مكان ٍ مستدير ...
... تنام فيه. و تحرم عيوني من اسباب الرقاد !


-

[شلوان الشلوان]

-



و الهوى سيله يدمّر شواهيق الصروح ..
.. و العمر له حق ! و لكل موضه جيلها
لا نويت تروح مانيب قايل لا تروح ..
.. بعض الاشيا - لين حلّت - صعب تاجيلها


-

[شلوان الشلوان]

-




آقول لطيوفك هلا . حي ّ ذالشوف ..
.. و يقولها لك قلب ذكراك تشويه

يا درة الالهام فيك ألهِب كفوف ..
.. تصفيق جمهور الحفل قبل راعيه

و اوقف في وجه الحظ و اعاند ظروف ..
.. و احشم عشانك وجه. و آطيّح وجيه

هذا . و انا كلّي تباريح و حسوف ..
.. على زمانٍ سِرْقَت احلى لياليه !

-

[شلوان الشلوان]

http://http://www12.0zz0.com/thumbs/2009/01/10/07/673468369.jpg


*


يا سيييدي وينك فقدنا في القياده شارتك...=
... يومك سندنا في النشب من قبل ما ننشب بها

يومك تبشّرنا و ِنبشر - بالفعل - ببشارتك ...=
... يومك تشوف جروحنا و تقول : هاكم طبّها

ما اخترت احبك سيّدي.. مير القلوب اختارتك ...=
... يا شيخ قوم ٍ بادلت حبك، بصادق حُبها

هذا و شفنا ما استوعبنا حجم خسارتك ...=
... لين انت غبت. و ذلت الدار العزيزه شعبها



*

[شلوان الشلوان]

لو الامل يا صاح يغتاله الياس..
ما تنوِقد في هبة الياس شمعه !


.

[شلوان الشلوان]

عيدك مبارك شايف الناس في عيد =
ما شفت شوف العين لكن سمعته

مدري عيوني عن سواها مقاريد =
والا الحزن عن جملة الناس شلته

ما شفت وانا اللي مدى شوفي بعيد =
يمكن - لو اشوفه بعد - ما عرفته

يا عيد . كنت تجيب لي درة الغيد =
و بدونها رِد ّ الذي معْك جبته !

[شلوان الشلوان]

-



العين فيها سهر و النفس فيها هموم=
وا عيني الساهره .. وا نفسي الباحله

والصاحب اللي اعدّه من خيار القروم=
ما زلت اعدّه كذا و اغليه و ارتاح له

وان كان زود الغلا منّه بيلحقه لوم=
فالمعشبه معشبه .. والقاحله قاحله

يا راسي ارقد ليا من جاك فالليل نوم=
الصيد راس الاسد و الرمي في كاحله


-

[شلوان الشلوان]

.


ولان اغلب الاشياء كانت كما لم اتصور ..

كنتِ انتِ كذلك !


.