هل تتزوجين مدخنا ؟؟ [الارشيف]

عنودالصيد

26-08-2006, 14:57

هل تتزوجين مدخن ؟؟

بصراحه كنت اسولف اليوم انا وزميلاتي بالدوام .. المهم تعرضنا لها الموضوع ونقشاات واراء

وحبيت اعرض الموضوع عليكم بالمنتدى .. السوأل موجه للبنات .. لاكن ممكن بعد الاخوان يشاركون

بارائهمtsh4 لاني عارفه لو بقول للبنات بس بتشاركون غصب عشان كذا من البدايه حيااكم كلكم :rolleyes: .. من مع الفكره

ومن ضدها وطبعا لكل وجهة نظر مبرر..tsh1

التدخين..

التدخين احدي وسائل الاعتداء على جسدك باتفاق الاطباء وهو من العادات

التي انتشرت في المجتمع رغم ضررها البالغ عليه والسجاره التي يتناولها المدخنون تصنع

من نبت يقال له التبغ وهو ماده مره الطعم مخدره تحتوي على مواد سامه

وقد قدمت لبعض الكلاب والقطط فعافتها واستقذرتها والدخان الذي يتطاير

من السيجاره به انواع من السموم الفتاكه تؤثر على جسم المدخن كلها توجد في

الدخان الذي تتناوله فبعضها يسبب تخريشا في الجلد والاخر يسبب البصاق والسعال وظهور

اللون الاصفر عند المدخن وقد اجريت تجارب للتخلص من هذه السموم ولكنها

باءت بالفشل..

طبعا ايضا للتدخين اضرار اشد على الاسره اذا كان الاب مدخن ..

مثلا .. الاضرار بصحة الاطفال والزوجه ..خصوصا ان الاطباء اكدو ان تأثير

الدخان الصادر من المدخنين على غير المدخنين اشد واكثر ضرر بالصحه.. ايضا يكتسب الابناء

هذه العاده السيئه من والدهم .. لانه قدوتهم ..tsh7

أتمنى إن كل وحدة تبدي رأيها ولو بكلمة
هل تقبلين الزواج من مدخن؟؟
إذاكان يتوفر فيه جميع الشروط اللي تبغينها بس المشكلة إنه يدخن
وعادي الجنس الاخر يبدي رأيه فيما لو تقدم لاختك * مدخن *
أنتظر ردودكم ..tsh5

نوف الثنيان

27-08-2006, 03:04

ثلاس طمرات !

27-08-2006, 03:09

وحبيت اعرض الموضوع عليكم بالمنتدى .. السوأل موجه للبنات .. لاكن ممكن بعد الاخوان يشاركون
الله يخليك .. الموضوع رائع وحلو انك سمحتي لنا بالمشاركه

لاني عارفه لو بقول للبنات بس بتشاركون غصب عشان كذا من البدايه حيااكم كلكم

ليتك خليتيها على الاولى كان احسن :)

لكن انا بشارك في موضوعك ولي وجهة نظر .. ومشاركتي برضاي وبرضاك انشاء الله ..

بسم الله

التدخين يا اختي العنود ولا يهنون القارئين نقدر نسميه مرض او ابتلاء او خطاء ارتكبه الانسان
ومن الناس من ادمن عليه.. ومن الناس من اقلع عنه.. لا ننكر ضرره الجسيم على صحة المدخن وعلى من حوله
وما يسبب من مشاكل بين الزوجين .. من الريحه الكريهه واهدار المال ((ومشاكل خاصه بين الزوجين لا استطيع ان افصح عنها )) ..

لكن يبقى المدخن انسان ورجال ما ينقص شئ من رجولته ..
ليه ما تتزوجين مدخن ؟
اذا كان مسلم يصلى وفيه دين ..
ترى المدخن تقبل صلاته وتقبل زكاته ويقبل صومه لا تنظرون للمدخن على انه منبوذ من قبل الجميع
كل واحد منا اكيد له اخ او قريب يدخن !

الي ابغى اوصل له ..
ارجع وقول ان المدخن كان مثلكم مايدخن ..

الناس الي استطاعو يطيحونه فالدخان واقنعوه بالدخان .. مثلهم ناس ينصحون ويحذرون من الدخان

يعني المسأله مسألة نصيحه في نظري ..

اذا المدخن يحبك ويشوفك كل شئ بدنيته راح يبطل تدخين

عشان كذا ليه البنت ما تاخذ ايجابيات الزوج وسلبياته وتشوف وتقيم ..

مثلاً

يدخن .. محافظ على الصلاة .. موضف وساتر عمره .. ولد ناس وحموله .. مؤدب .. مهوب خريج سجون .. متعلم .

او

مايدخن .. راعي سفريات .. مغزلجي في كل قسم هيئه له بصمه .. ما تدري وش اصله ؟

كلام كثير ........................................... ما ابغى اطول !

(( انتي يا حواء اذا بغيتي تجيبين الشئ جبتيه .. يعني لو تمسك نصايح وتستقعدين لرجلك وتبينه يبطل دخان ....... راح يبطل .. بس مو بالمصايح والازعاج .. بالهدوء بالهدوء ))

وعادي الجنس الاخر يبدي رأيه فيما لو تقدم لاختك * مدخن *

عادي .. لاني ماراح انظر للدخان بس .. راح انظر لاشياء اكبر واهم من الدخان .

ترى العالم تطورت وحنا يدخن ما يدخن ؟ هذاك اول

الانسان لازم يفهم ويكون مطلع اكثر .. فيه اشياء مو شئ اخطر من الدخان .

الدخان يقدر الواحد يبطله .. وكثير اقلعو عن التدخين بسباب زوجاتهم ..

............

تحياتي .

عنودالصيد

27-08-2006, 06:55

شكراً عنود على طرح موضوع قد يتبادر في أذهان البعض أحياناً
نظراً لصعوبة تواصلي في الوقت الحالي مع المنتدى لاأستطيع التوسع في الشرح
ولكن سأختصر رأيي الخاص بكل صراحة ..
يستحب بالتأكيد أن لايكون مدخناً ..
ولكن من وجهة نظري الخاصة لاأجدها نقطة اتوقف عندها للتفكير إن كان هذا الرجل مناسب ام لا للزواج
فهي لاترتبط بأخلاقياته برأيي .. هي عادة سيئة تكتسب .. ويكون الأقلاع عنها عند البعض صعب لضعف إرادته
وليس لأنه رجل سيء ولا يستحق ان يكون زوج أو أب ..
رأي خاص بي مختصر اتمنى أن اكون أجبت عن تساؤلاتك فيه

تحياتي القلبية مع الود والتقدير .

نجديه

حيااك الله اختي .. ونورتي الموضوع ..بحضورك ومشااركتك ..

اختي نجديه .. انا نفسي ماقلت وجهة نظري للموضوع .. والسبب اني قبل ..كنت اعتقد انه التدخين

فقط مجرد عااده سيئه .. تخص الشخص نفسه .. وماتوقعت انها ممكن تضر .. الاسره الا لما سمعت ..من نساء

متزوجات انه هالعااده مسببتلهن نوع من الازمه بحياتهن .. وحده تقول مثلا انه .. زوجها يدخن يمكن عشر مرات وهو

جالس معهم بالبيت لدرجة انها تكره المكان لان ريحة الدخان تكون ماليه البيت .. وعشان كذا ماتحب تقعد معه ابدا

ونفس الشي عياالهاا ماتتركهم يجلسون معااه لانها تخاف عليهم من ضرر التدخين .. تخيلي لدرجة انها تقول

اني غالبا اتحاشى جلست العيال مع ابوهم .. يعني ينحرمون من ابوهم والقعده معاه بسبب هالعاده السيئه .. :frown:

عنودالصيد

27-08-2006, 12:27

ثلاس طمرات

حيااك اخوي واشكر لك مرورك ..

اخوي انا معااك بكل اللي قلته لاكن .. لما مايبطل رب الاسره عادة التدخين
وش راح يكون مصير الابناء .. اكيد راح يعتبرونه شي عاادي .. وبالعكس التدخين صار عاده منتشره
بشكل رهيب لدرجة اني كد سمعت ان الاولاد الصغاار يعتبرونه جزء من الرجووله ..

وعلى فكره .. انا اسمع بنات كثيرين يقولون .. من شروطهم انه مايكون مدخن ..

نجـود

27-08-2006, 23:35

http://www.sh3byat.com/home/eqla3/www/cgi-bin/sh3r/icons/icon5.gif

عنوده .. أهلين حبيبتي
مدري والله كيف أوضح لك رايي .. بس نوعاً ما يجذبني بقوووه أو يشد أنتباهي المدخن ..( فيه رجال قسم التدخين يضيف لشخصيتهم هيبه وجاذبيه ) .. وبرضو أحب اشم ريحة الدخان مع البرفان الرجالي
لكن أني اتزوج شخص مدخن .. منيب من البنات إللي تحط ذا الشرط ..( فيه اشياء اهم اتشرط فيها )
بكل بساطه ماأعطي أهميه للتدخين الرجال ..( بس أكره موت التدخين للنساء .. بقوه مقزز )

وبرجع برضو :)

نورهـ السبيعي

28-08-2006, 03:51

http://www.sh3byat.com/home/eqla3/www/cgi-bin/sh3r/icons/icon5.gif

.. بس نوعاً ما يجذبني بقوووه أو يشد أنتباهي المدخن ..( فيه رجال قسم التدخين يضيف لشخصيتهم هيبه وجاذبيه ) ..

:D نفس رايي يانجود .. انا مثلك يجذبني الرجل اللي يدخن مدري ليه tsh1
بس ماحب ريحة الدخان تخنقني واحيان ريحته تصير مقرفه ماتطاااق !!

ماراح ارفضه لانه يدخن
اذا كان كل شي فيه تمام << ايه هين :D
بس اذا انقرفت منه بعد الزواج بحاول معه يتركه
ويسلمو عنود الصيد على الموضوع tsh6

عنودالصيد

28-08-2006, 14:27

نجود

حيااك الغاااليه .. وننتظر ... رجعتك ...

عنودالصيد

28-08-2006, 14:28

راعية الكيف

ياهلااابك الغلاء .. واشكرلك مرووورك العذب ..

أنثى الضجيج

28-08-2006, 18:17

سؤالك حلو .. وما عمرهـ خطر في بالي ..

دامه رجال وما يعيبه إلا الدخان .. راح أوافق على شرط ..
ما يدخن لا داخل السيارهـ ولا داخل البيت .. ويحاول أنه يتركه حتى لو على مدى طويل
لأن ريحة الدخان تذبحني .. وكأني أنا اللي مدخنه ..!

حتى لو ما وافق عليها مبدئياً .. مصيرهـ يوافق لاحقاً
عشان صحته وصحة أهله وعياله : )

عوافي يا عسل tsh6

محمد العزران

02-10-2006, 13:48

مادري وشلون يضيف الدخان لشخصية الرجل
والحرام حرام ولا على الحرام ظلال يظله
هذا رايي

ملك الورد

02-10-2006, 23:32

التدخين عاده سيئه

وبأمكان الزوجه الشاطره الفاهمه اقناع زوجها مع الايام بتركه

هذا رايي بصراحه

وياما ناس مدخنين لكنهم يتحلون بكامل صفات الرجوله

وياما ناس ماتدخن ولاعندها من الرجوله الا الاسم فقط

لك تحياتي

ضوى العتيبي

07-10-2006, 15:45

عنود الصيد .. يعطيك العافيه عالموضوع ..

انا من رأيي ان التدخين شيء مكتسب وماله علاقه في الاخلاقيات ويعتبر مشكله عاديه نظراً للمشاكل اللي نسمع عنها

وماتوصل الى درجة انو نقول عن هذا الشخص سلبي .. بمقدرته انه يقلع عن التدخين حتى لو بصعوبه ..

فاضحتـ com

14-11-2006, 23:26

::السلام عليكم ورحمة الله ..

شد إنتباهي عنوان موضوعتس .. tsh6

أتمنى إن كل وحدة تبدي رأيها ولو بكلمة
هل تقبلين الزواج من مدخن؟؟
إذاكان يتوفر فيه جميع الشروط اللي تبغينها بس المشكلة إنه يدخن
وعادي الجنس الاخر يبدي رأيه فيما لو تقدم لاختك * مدخن *
أنتظر ردودكم ..

أولاً التدخين .. يعتبر إبتلاء أكثر من انه إدمان أو عادة سيئة .. :)

صراحة ً .. قبل كنت أقول ( لو إيييييش ) ماعرس على مدخن tsh4 .. وعععع ومدري وشو ..
لأني كنت حاطة ببالي أي مدخن .. راعي فساد وكذا ..
بس الحين تغيرت نظرتي .. لاني شفت مدخنين كثيرررر وأخلاقهم ولا أحلى .. :)

يعني ماتفرق مدخن أو غير مدخن .. اللي فيه الشر بيطلعه ..

ثانيا ً ..
إذا صار الـ ( مدخن ) رجل كفوء .. مايعيبه شي غير التدخين .. ما أظن أني برفضه على هالاساس .. :)

لأنه ياما ناس غير مدخنين .. ماطرى له يدخن إلا بعمر الـ 40 .. يعني وش اسوي أقوله طلئن .!! tsh4

أبدا ً أنا مو مع رفض المدخن .. بالعكس .. أنا بنفسي أقدر أقنعه يترك التدخين بشتى طرق الإقناع..

والحمدلله هالشي حصل معي .. بالإقناع قدرت أخليه يتركه .. الله يتمم عليه .. tsh3
^^^^

يعني لو كنت رافضته من أول .. وسمعت أنوه ترك التدخين بعض اصابعي ندما ً :frown: ..
لأن عيبه الوحيد كان التدخين ..

...

ألف شكر عنود على هالطرح ..tsh3
كان ودي أناقش هالموضوع والحمدلله فتحتي باب النقاش ..

تقبلي تحياتي .., tsh6

::

يزيد بن غشيّان

20-11-2006, 17:32

ابتلاء . وموضوعه مقدور عليه اذا عزم !

يعتمد على مقدار السنع ف الحرمه اللي تتزوج مدخن ويترك التدخين على ايديها :)

شكرا عنود .

نايف حمود

21-11-2006, 03:00

يبدو أننا مهددون بالانقراض :013:

أختي عنود الصيد ..

لاأرى في التدخين مايعيب الرجل أو مايمنع المرأه من الزواج منه ان لم تعيبه صفاته وأخلاقه
وتصرفاته فما ضير أن يكون مدخنا ؟
ونعم المرأه التي تكون عونا له في الاقلاع عنه مستقبلا ..

بصراحه :p

أخشى أن يكون هذا سببا آخر من أسباب العنوسه في البلد ..:D

شوق بنت محمد

23-11-2008, 05:57

غاليتي عنود
موضوع رائع ويستحق مناقشته

احب اولا

ان اوضح ان التدخين حكمه محرم
قالوا أنه من المعلوم أن الشريعة الإسلامية قد جاءت بأصول عامة تندرج تحتها فرعيات كثيرة فاستدل علماء الإسلام رحمهم الله تعالى بهذه الأصول العامة على تحريم الدخان لإدراجه تحتها؛ والأصول المشار إليها إما آيات قرآنية وإما أحاديث نبوية، واستنباطاً من فتاوى العلماء القدامى في تحريم الحشية.

ومن هذه الأدلة على وجه التيسير والاختصار:

1- قوله تعالى واصفاً نبيه صلى الله عيه وسلم أنه {...يأمرهم بالمعروف وينهاهم عن المنكر ويحل لهم الطيبات ويحرم عليهم الخبائث...} [الأعراف 157 ]

2- وقوله تعالى {...ولا تبذر تبذيراً إن المبذرين كانوا إخوان الشياطين...} [الإسراء 27]

3- وقوله تعالى {...ولا تقتلوا أنفسكم...} [النساء 29]

4- وقوله صلى الله عيه وسلم «لا ضَرَرَ ولا ضِرارَ» [صحيح رواه الإمام أحمد وغيره]

ثانيا قلبي

لالالالالالا لن اقبل برجل مدخن
فهو رجل لم يخف على نفسه فكيف سيخاف على من حوله
هو إنسان لا يمتلك الإرادة فكيف ارتبط بجبان
هو انسان يقتل نفسه فكيف أئتمن على نفسي وأطفالي معه

وبكل صراحه واسفه على الكلمه قرف.
. .. فالمدخن أصحاب أسنان صفراء ورائحة مقرفة
ربما يقولون أننا نفرش أسناننا يوميا.. لكن هذا لا يزيل من الرائحة ولكن يخففها !!

هل نرضى بأن نعيش مع القرف .. وليس مع أحد !! لكن مع الزوج أقرب الناس أليك !!

والتدخين له مضار منها

العقـــم

أثبتت دراسات طبية عديدة العلاقة الشديدة والرئيسية بين العقم والتدخين، حيث انه يؤثر على الرجال والنساء في أجهزتهم التناسلية مؤديا إلى عقم وعجز في الإنجاب يشتريه المدخنين بأموالهم.

السرطانات..

المدخّن معرض اكثر من غيره للسرطانات .. ( الرئة والفم و..)

فلن اقبل برجل باع عمره
ولم يحسب الف حساب لصحته
فكيف ساعيش مع رجل وهو باع نفسه للمرض وسلمها للمرض

شكرا اختي عنود
تقبلي مروري ومداخلتي

مزون نجد

25-12-2008, 23:51

موضوع جيد أختي الكاتبة .. واسمحي لي ادلي بدلوي وسطلي :D في هذا الموضوع .. التدخين رغم أضراره إلاَ أنه ليس بذاك العذروب .. اللذي يجعل المرأة .. تتضايق من الرجل او لاتقبل به .. لكن أعتقد انه بإمكان المراة الذكية ان تجعل الرجل .. يُقلل من عملية التدخين .. وبالذات عندما يكون معها .. ولاداعي لذكر الطرق فهي عديدة .. وتتسم بالخصوصية .. وكل وحدة وشطارتها :D ..
وإن كان ولا بُد .. ترفع في وجه الرجل لوحة مظاهرة .. مكتوب عليها { التدخين يضر بصحتك .. أنصحك بالإمتناع عنه } :thumb: .. شكراً لك .

مها بنت محمد

06-01-2009, 14:34

عنود الصيد

أعجبني موضوعك مره

بالنسبة لي أتزوج رجل مدخن ولكن صاحب أخلاق عاليه ,,يعني الدخان مو عذروب
بينما فيه رجال مايدخنون ويسوون حاجات أكبر أو طبايعهم مو ذاك الزود

بالعكس أعرف رجل بكل ماتحمل الكلمة من معنى ماشاء الله عليه ولكن مُبتلى بالتدخين يقول أولها دلع وآخرها ولع

من وجهة نظري التدخين أهون من أشياء كثير يعني يدخن ولا يشرب

لك مودتي

إبراهيم المحمد

10-01-2009, 22:11

بوجهة نظري المتواضعه

ان الدخان مما لاشك فيه

انه عاده سلبيه وقبل ذلك امر يعتبر معصيه

ولكن مع التشديد على النون الاخيره

لاينقص في (رجولة) الشخص و(طيبته)

وبالنسبة لي لو اتى خاطب لأختي مدخن لن اهتم اكثر بأنه سيصونها

ويخاف الله فيها

هذا رأيي بأختصار

شكراً عنود

لكي احترامي
إبراهيم المحمد

ماريا المطرفي

09-02-2009, 04:44

التدخين عادة جدا سيئه وانا ارفض المدخن شكلا ومضمونا

لان اول شي المضره بتكون حتى لي انا يعني لو يدخن وانا جالسه معاه كاني انا اشرب بعد

ويمكن انا انضر وهو بصحته عاد ليش....!!

وبعدين اذا انا حاولت بشتى الطرق انو يترك هذا التدخين طيب وعلى فرض انو ترك التدخين

لاقدر الله صارت وفاة مشكله كبيره اي شي وخلاه يرجع لتدخين انا ايش استفدت برجع اعيد الي قلتووووو

من اولها ليش اجيب التعب لقلبي....!!

انا ارفض بتاتا المدخن حتى لو كان على خلق ودين لان التدخين بحد ذاته مرض

طيب تخيلو اتزوجت مدخن وعلى حظي بعد زواجي بكم شهر خلينا نقول بكم سنه جاه السرطان

وهو توه شاب وانا توني بعز شبابي بنجلس نعااااااااااااااااااااااااااااااااااااااااااااااني وانا اترمل

لان معروفه نهاية التدخين السرطان....

فيه دكتور بريطاني والله مايحضرني اسمه قريت له مقال يقول انا لي بمجال الدكتوراه اكثر من 25 سنه كل انسان اصيب بسرطان الحنجره كان متعاطي التدخين

يعني وربي حرام اضر نفسي واذا حملت ماله ذنب الصغير يستنشق هواء ملوووووووووث

مشكوره على الموضوع الرائع

ناديه المطيري

09-02-2009, 10:10

لا مقدر

لان ريحة الدخان مقرفة

وغير كذا فيني حساسية بصدري ماتحمل :frown:

والتدخين حرام لانه انتحار بطيء

يعني انا وش ذنبي اترمل بدري :frown:

والا يجيني امراض انا وبزاريني بالمستقبل بسبب هالدخان

خص ان وقتنا هذا منتشر الربو مب ناقصين بيئة ملوثة

وش ذنبي اضيع حياتي بين المستشفيات وانا ألحّق فيه وهو كل يوم منوم

وش ذنبي اتحمل قرف واحد يكح طول الوقت بسبب امراض في صدره وجايز يجيه سرطان في فمه

يعني السالفة كلها قرف في قرف

والله لو اني اموت فيه لازم انقرف :rolleyes:

يعني مو كوني احبه اني اتحمل

والله عطانا عقل نفكر

(( لاترموا بأيديكم الى التهلكة))

الله يرفع عن المدخنين ولا يبلانا

قسمن اني ارحم زوجة المدخن

الله يرفع عنها ولايبلانا

شكراً عنودtsh6