ســـــــــلام الله ســــلام ٍ خص يا شعــار شعبيات [الارشيف]

ابو سلطان

01-08-2001, 04:30

ســـــــــلام الله ســــلام ٍ خص يا شعــار شعبيات 0000 ســـلامٍ خصــكم في منتداكم مانصى ثاني
عــسـى ربي يوفـقني بـشاعــر يبدع الابيــات00 000 يــطوع مفرداته لا بدعها الذيب ســـرحاني :)

البندري 2000

14-08-2001, 21:58

أخوي أبو سلطان يمكن أنت ماتعرفني لكن
أنا ضيفه جديده عليكم واعتبروني تلميذتكم
وانافرحت بدخولي معكم أبي أتعلم منكم الحقيقه
أنا ماعمري حاورت أحد لكن اتمنى أعجبك
وتقبل تحاورني وإذا أخطيت وجهني ودي
أستفيد أنا شفت الرديه حقتك ماأحد رد عليها
قلت بدل ما أبدأ بقصيده أبدأ برديه ..

عليكم مثلها يهْل القوافي وابيض النيات
******* أهلي بك وانا ضيفه جديده وانتم اخواني

أبوسلطان يبغى شاعرٍ مقـلع وله وقـفات
****وانا جيته وابي فيه الغـدا قبل يتعـشــاني

جزيل الوفا

15-08-2001, 21:52

بالخير يبو سلطان ..
بالخير يالبندري ..

هلا بك كثر حبات الرمل ويا حزوم القات :)
هلا بك يا عريب الجد والاول اخو الثاني

هلا وان جيت للمعنى فانا باقول لك هيهات
وترى لو الشعر رجلٍ وكاد انه بينصاني

<<< جذور اقلاعيه .. :) :) :)
حياك الله يخوي وشكرا على هالفرصه

ابو سلطان

19-08-2001, 16:03

أهلاً وسهلاً بكم جميعاً
أختي البندري شـــكراً على تجاوبك
وردك الذي بدعتيه يدل على قوة شاعريتك
وتمكنك 0

أخي جزيل الوفاء لاهنت يالغالي
شـــكراً لك على ردك 0 ولكن المثل
يقـول لاول بالاول لوكان في جز الحآ

البندري أســــتلمي

هلا يالبندري ماغرد القمري وســج الصـات 000 هلا ياشاعره يابارعه في بدع الالحـــاني

أعرف النون وش يحوي من الكسرات والهمزات 000 أعرف إن كيد كن مهما بلغ ماهو بيخفاني

:)

البندري 2000

30-08-2001, 21:57

الظاهر ياأبو سلطان إن هذي أطول رديّه في التاريخ ......
الحقيقه أنا كنت مسافره وأنت قبلها تأخرت
كثير معذور المنتدى في بدايته لازم نتحمل
البرود هذا ......
أستلم لاهنت ...
من يدينا نشربكم مرار الظلم والحسرات
******وفي لحظه نحولكم من المجني إلى الجاني

نلعّبكم على الحبلين بالضحكه وبالدمعات
********توقع لاتشب الـنار في ثوبك وتبلاني

--------------------

ابو سلطان

31-08-2001, 15:49

هلا وغلا بالبندري
الحمدلله على السلامة

صحيح إن كيدكن بدمعوكن لكــن عليّ هيهات 000 وتراكن ضلعٍ اعوج معتدل من طول الازماني
وذي يلعب على الحبلين مايسـلم من العثرات 000 مصـــيره لصــقوط آيل يعيش العمر ندماني

[ أغسطس 31, 2001: تم تعديل الموضوع بواسطة : ابو سلطان ]

البندري 2000

01-09-2001, 05:17

المهلي مايولي ....
** الله يسلمك ياأبو سلطان ....وصح لسانك
.أستلم لاهنت ..

ضلوعٍ عوج وتعدل عوجكم ياهل الميلات
****** أبمشيــبك على سـلكٍ دقــاق ومـاتعداني

يجي لك يوم ياراع العلوم الماضيه وتبات
******** حزين ونذرف الدمعه على حواك عتباني

ابو سلطان

01-09-2001, 22:26

هلا يالبندري
أســــتلمي وآسف على التأخير

لك الله عارف ٍ إن فيكن ذكاء ومراوغة حيـلات 000 ومايخطر عليكن لوبغيتنه يجي عـــاني
لكــن لكل جوادٍ كبوتنٍ ومصــايدة غـــرات 000 ونا قناص للغرات لاشــفــت الهـــدف بــاني

البندري 2000

02-09-2001, 10:02

صح لسانك يبو سلطان ومعذور الحال من بعضه ..

أستلم لاهنت ...

إذا عزمت للمقناص أنا بهديك نظارات
********يبو سلطان وان كانك على المقناص شفقاني

ترى الغــزلان تفــرق عن عيال الشاة
**********تنبه لاتصـوب بالخـطا ياعــالي الشاني

[ سبتمبر 02, 2001: تم تعديل الموضوع بواسطة : البندري 2000 ]

ابو سلطان

02-09-2001, 11:30

هلا يالبندري

تراء هذاالشطر:مغاير للطاروق.
ترى الغـزلان تفـرق عن عيال الشاة
فلو قلتي مثلاً :
ترى الغـزلان تفرق يا عميلي عن عيال الشاة .
لصبح الشطر مكتمل تمامٍ
وهذا ليس تقليل في شاعريتك ولكن حبيت أن اوضح لك هذا دامك أول مـره تدخلي محاورة ....

أســــتلمي لاهنتي

إلياجاء وقت مقناصي أصـيد القائدة بالذات 000 وطــراد المـهآة الذايـــره أكيــد خســراني

وعرف الادم والريمي وقانص للوضــيحـيات 000 اليا غيري بلش ما فرق المعزى من الضـاني

البندري 2000

04-09-2001, 04:52

أخوي أبو سلطان بالنسبه للشطر اللي قلت والله ماأنتبهت إلا بعد توضيحك

شكراًلك وانا مادخلت معك في الرديه إلا ودي أتعلم ...

كان ودي تطول لكن وقتي مهوب ملكي اعذرني وانشاء الله يكون فيه

رديه بيننا في وقت احسن من هذا ...نظمتها على الكيبورد وإذا فيها أي خطأ
اعذرني .........

وداعيه يبوسلطان أشوفك با حســـن الأوقات
******سرقت الوقت لجل العب واشوف الوقت جافاني

مشيت الدرب يالشاعر ونورك يمحي الظلمات
******وانا ودي يبو سلطان اكملهـا ولا امـداني

تحياتي وتقديري لك .........

ابو سلطان

05-09-2001, 12:09

اختي البندري شـــاكر لك مشاركتك
وماقصرتي وإن شاء لنا لقاء ثاني
وياهلابك

عكاشه

26-10-2001, 07:57

ابوسلطان

البندري2000

جزيل الوفاء

الله يعطيكم العافيه عزالله ماقصرتوا ويكفي انكم اول بركات هالمنتدى

لكم مني الشكر والله لايحرمنا من هالمشاركات الطيبه

لكم تحياتي

ابو محمد

26-10-2001, 08:02

كالعاده تميز ابو سلطان

والبندري رائعه جدا كبدايه

اتمنى للمنتدى التوفيق

اخوكم ابو محمد

ابو تركي

26-10-2001, 20:32

ياهلا والله باللي لفا عدد شعراء شعبيات
عدد حبات التراب والصحاري

تراني حليو في الشعر لكن والله ما اطلع شعر الا في حالة ان الهلال فايز او شي يعني توه حاصل لي

وهذا على ما اظن وقت خروج الشعر

لكن بعض الناس عنده قريحة شعرية ممتازة جدا ما شاء الله

لكن انا داخل هنا عندكم عشان اطور نفسي

وان شاء الله اصير مثلكم :)

تحياتي :)

العابر

26-10-2001, 20:57

أخوي بوسلطان وأختي البندري 2000 صح الله السنتكم وكملوا لا هنتوا وتراني قابض الصف :)

انا المملوح

29-10-2001, 16:22

صح السنتكم ..
ويعطيكم العافيه ..

عساكم على القوه..

تقبلوا تحياتي اخوكم المملوح,, http://www.eqla3.com/sh3r/icons/icon39.gif

ابو محمد

12-11-2001, 00:27

للرفع :) :) :)

عكاشه

12-11-2001, 03:13

<font color="Red">Text</font><font size="6">وما الداعي؟</font> <IMG SRC="cwm10.gif" border="0"> :rolleyes:

ر بيـــــش الصيعـري

12-11-2001, 11:40

أخوي عكاشه تســـلم طال عمرك
أخوي أبومحمد هلابك وغلا والله يعطيك العافيه
أخوي أبوتركي تســلم والله لايهينك
أخوي العابر شــكراً لزيارتك وياهلابك
أخوي أنا المملوح 0 الله يقويك ويعافيك وياهلابك

عكاشه

12-11-2001, 12:03

ابو محمد قصدك علشان يردعليهم ربيش اها

اسف انا استغربت وش عنده ابو محمد رافعها

:) :) :) :)